التسامح بين النفاق و البلطجة

بعد تقديم حسني و كلابه الي المحاكمة-ذات الإخراج السيء جداً-,بدأت حينها تعلوا أصوات قيادات من ظلموا من السلفيين و الأخوان لسنوات طويلة و هتكت عروضهم و عذبوا و قتلواو دفنوا في الصحراء بعد ان ماتوا بهبوط في الدورة الدموية,وصودرت اموالهم ,وكذلك تبعهم قيادات الأزهر ,,ثم الكنيسة التي لم تكن دماء ابناءها قد جفت في ألأسكندريا,,ثم الليبراليون الي آخر القيادات التي كانت تملئ الدنيا صخباً و دعوات الي الجهاد و نصرة الأسلام ضد الظلمةو كذلك فعلت بعض المؤسسات المسيحية و خاصة في الخارج,,,,,وإذ فجأةً و بعد ظهور ميزان العدل امام الجميع و ظهور سيف العدل فوق رقاب القتلة و السارقين و القوادين و الخونة,,,إذ فجأةً-تاني معلش-تعلوا أصوات هؤلاء المجاهدين ضد الظلمة ولكن هذه المرة في صف الظلمة و التسامح,,وبلاش إنتقام-زي مايكون الحقوق رجعت لأصحابها و إحنا ولاد دونكي برضه عايزين ننتقم!!!!!-و الإعلام,تسامح,المشايخ,تسامح,البابا,تسامح و تحذير من الثورة و الفتن
و-ده علي إعتبار إن ماكانش فيه فتن قبل كده-.....طب ياسادة ياكرام,لو التسامح عمال علي بطال كده,ليه جاهد المسلمين الظلم؟؟,,طب ليه جاهد البطل الروماني الظلم الروماني برضه؟؟
طب ليه طرد المسلمين اليهود من بينهم؟؟؟,مش علشان الفتن و الخيانة اللي مابيبطلوهاش
طب ليه أمر السيد المسيح من تطهير بيت الرب من دنس اليهود اللي كانوا عاملين جواه بزينس؟؟؟؟,,,مفهوم طبعاً إن لعبة التسامح بالشكل ده بتدل علي سوء نية,وسبحان الله,دارت الأيام و مرت ألأيام و إنقلب المتسامحون علي التسامح بتاعهم و كله نزل طحن ياهندسة و .....أم التسامح......
طب المشكلة كانت فين؟؟؟
اللعبة كلها تتلخص في حوار متخيل من جانبي كالتالي

قيادات دينية:يا جماعة,أو يا ابنائي,,ليه نطلب عقاب النظام القديم,,إنتم نسيتوا إن الإسلام دين التسامح,,,و الأنجيل بيقول اللي يضربك علي خدك ألأيمن,إديلوه الأيسر.......
الناس المجروحة:بس يا مولانا,أو يا ابونا,,إحنا حقوقنا ضاعت و إتبهدلنا و إتسفكت أعراضنا و دمائنا و أموالنا!!!!!!!!!!!!!!!ء
مولانا و أبونا يبتسمون إبتسامة أبوية ,يطمئنوا تابعيهم::::::::ء
يا إخوانا,او ابناءنا,,لو ضيعنا وقتنا في العدل و الحق و الكلام الفارغ ده ,مش حاتطلعوا بحاجة ناموا علي الليلة دي لحد مانطمن القيادة الحالية و نظبط المسائل,و بدل ما تاخدلك حاجة من الخزنة,تقدر تنط علي المناصب و البرلمان و ممكن الرياسة و تاخد ساعتها الخزنة كلها......
إبتسامة رضا و تسامح من الجميع,وهتافات مجلجلة و دعوات علشان العجلة تمشي و التسامح يمشي, و الناس الوحشي تمشي-اللي هم الناس العادية اللي زي,ومش تبع حد,,آيوه الفقريين-و الجو كان اخر حلاوة بالنسبة للناس كلها ماعدة الفقريين اللي معطلين عجلة ألأستيراد
تفتح الراديو,,تسامح,,,التلفزيون ,,طبعاً ملك التسامح,,تخش جامع ولا كنيسة,,التسامح يا إخوان,أو,يا أبنائي وهنا كانت الكارثة,,ليه بقي؟؟؟

أولا:بيتسامحوا مع اللي لسه بيخطط و بيسعي لحرق البلد و تدميرهم هم شخصياً,يعني بيدولوهم ألأمان يلعبوا بقذارة و روقان

ثانياً:الطرمخة علي حقوق الناس,لا تحل معها بركة الله أبداً ولا ترضيه,,وكل واحد يدرس دينه كويس

ثالثاً:معظم دعاة التسامح لم يكونوا مخلصين في دعواهم ولا تمحيكهم في الدين و كلام المستقبل و العجلة,لكن كانوا فصيلين في فصيل واحد,,مصالح مادية و سياسية مباشرة,او تربيطات قديمة مع حسني و كلابه
نتيجة عدم معاقبة أي خائن عن سوء ماقدر,,,هي

أولاً:قويت شوكة حسني و كلابه و مليشياتهم و أشتدت ضرباتهم للبلد حتي أوشكوا علي أن يسقطوها تماما في أيدي أعدائهاولربما يحصلوا علي حته أحسن من مافيش

ثانياً:سقوط هيبة القيادات كلها وأصبح لا رصيد لهم عند الناس و هذا يؤدي الي إنهيار مصر حكومة وشعب

ثالثاُ:فقدان ثقة الناس في كل شئ و اي حد(أيوه زي ايام حسني)و ده بداية التفكك المجتمعي و نهاية النهاية و مبروك تل ابيب
طب فيه أمل,,الأمل في الله,وده لو ربنا خلانا نشوف كويس و نفهم و نعمل باللي فهمناه و ربنا يستر

رضا هلال

الأيادي الخارجية و الذيول الداخلية

كلام لوءات التلفزيون و الخبراء الإستراتيجين!و غيرهم من الناس الكبيرة عن ألأيدي الخارجيةاللي بتلعب في الحاجات الداخلية-ماحدش يقدر ينكر إن مصر مستهدفة-,هذا الكلام يذكرني بكلام زمان أيام الحرب بتاع "لا صوت يعلو فوق صوت المعركة",,يعني سيبني أركبك,أسرقك,أظلمك أعتقلك,أعذبك,أبيعك و أبيع ارضك و كرامتك و ماتفتحش بقك لحسن ألأيدي الخارجية بتلعب جامد اليومين دول!!!!!!!!!!!!!!!!!!!!!!!!ء
طب ياناس يا جامدة قوي-علي مايبدو جامدة مناصب بس مش ضمير-,,مش برضه الشعب القوي هو اللي بيحمي الأرض و البلد لالالا,وإيه كمان,لما يهجم العدو هو برضه اللي حايحمي بدمه برضه أملاكوا المسروقة و فلوسكوا المنهوبة , و حا تزعقوا ساعتها,الجهاد ياشباب الوطن أمانة في رقبتكم,,إحموا مصر,,,,وبعد ما ربنا يكرم بنصره,,بترجعوا تاني من جحوركوا وتركبوا فوق أنفاسنا و هات ياظلم و يا سرقة و إوعو حد يفتح بقه البلد مستهدفة,,مستهدفة من مين؟؟؟,,من أسيادكم اللي بيعتولكم المعونة و بتلهفوها,,,مستهدفة من مين؟؟,,من أسيادكم اللي مخبين عندهم فلوسنا اللي سرقتوها
علي أي حال,البلد فعلا مستهدفة و سيبونا ندافع عنها و ماتكسروش فينا كده و بطلوا غباوة,لأن مش البلد بس مستهدفة,,لأ و العملاء برضه مستهدفين و الخاين بيتباع من أهله و من أسياده اللي مشغلينه برضه و شكلكوا قذر جداً و ريحتكوا وحشة و قرفنا منكم

رضا هلال

هل هذه هي وصية النبي و سيدنا عمر؟؟؟؟؟

السؤال الذي اطرحه في عنوان هذا المقال في حالة لو أننا نظرنا الي كارثة مسبيرو علي أنها مصيبةحدثت للمسيحين فقط , والحق انها حدثت للمصرين جميعاً و هكذا نربي جيلي علي الأسلام الحقيقي الذي شكل وجدان كل أجيال المسلمين قبل عصور اللعب بكل شئ ,حتي كلام الله و بدون حياء ولا وعي بأن المركب تغرق بالجميع
لقد أوصانا النبي صلي الله عليه و سلم بأقباط مصر,,وكذلك شدد سيدنا عمر بن الخطاب العقوبة علي سيدنا عمرو بن العاص و أحد أبناءه لمظلمة القبطي و لم يتهاون معهما بالرغم من عظم منصب عمرو بن العاص ولكن العدل كان فوق الجميع و فوق عمر بن الخطاب نفسه فكانت قوة البلاد و نجاح الامة و نهضتها....نعم العدل مصدر قوة الدول الأساسي,إن لم يوجدعدل,,فلا تنشغل بالبناء فما تبني ,سوف يكون مصيره الزوال باسرع وقت
في بلادنا كارثة بدأت منذ 60عاماً,,حيث جاء الي حكم البلاد من إستهانوا بكرامة العباد و خدعوا الناس بالخطب الرنانة الجميلة الحماسية عن الكرامة و العزة,,وعلي أرض الواقع كان الظلم و ضياع الحقوق و رفع الفشلة و ألأغبياء و المنافقين الي أعلي المناصب,فخارت قوة الشعوب ,و ضاعت الكرامة تحت ضربات الأعتقال و التعذيب ثم النتيجة الطبيعية,,الهزيمة الساحقة و ضياع ألأراضي المقدسة
و من شدة الأذلال تم منع المظلوم من الصراخ و الشكوي,و البحث عن أسرانا و شهدائنا
تم منع عرض ألأعداد الحقيقية,,تم منع أخبار إختراق العدو لمجالنا الجوي و العبث علي أرض مصر,,,لماذا؟؟؟,,,حتي لا تهنز صورة الصنم ألأعظم و نجحت الخطة فظل الناس و بحسن نية يقدسون قاتل أبناءهم و من أضاع أرضاً لازالوا ينزفون من أجلها ,وأضاع حضارتهم و عزتهم بالشعارات الزائفة و ترسيخ الفرقة بينهم و القهر و البطش لمن لم يستسلم
لقد تمادي حسني في هذه اللعبة القذرة فزاد من حالة التوجس بين أبناء مصر و أشاع بينهم روحاً عدائية لم يعرفوها من قبل و وضع كلابه ألأسباب و هيئوا الظروف لهذا.المشكلة ليست مسلم و مسيحي فقط,,تحدث مثلا الي أي شخص عن إضراب الجوعي من الموظفين و حتي من هم ليسوا جوعي ولكن لم يحصلوا علي حقوقهم بما يرضي الله,,,تجد هجوماً شديدا عليهم ,,,وده مش وقته و تلاقي علي قلبهم قد كده...الي آخر هذا الطفح العفن الذي إمتلئت به قلوبنا و أصبحنا نسارع الي سوء الظن ببعضنا البعض
كنت أتحدث الي بعض الأخوة و كنت أظنهم قد تعافوا من إيدز مبارك و فهموا اللعبة,,,وكان الحديث عن إضرابات المراقبين الجويين و كانت التعليقات كما يلي
هم بياخدوا شوية,,,,كده برضه عملوا خسائر للبلد,,,ثم قدر من الشماتة"ياسلام شفيق إداهم قبل كده علي دماغهم و جاب طقم فرنساوي ,صحيح دفعلهم كتير قوي-للفرنساوي-بس ربي ولاد الكلب دول.....الخ
لن اخوض في تفاصيل,ولن أتسأل عن المكاسب التي كانوا يحققونها قبل الأضراب و راحت فين و مين دول مستشاري الشركات اللي بيلهفوا المكاسب دي بالملاين كل شهر ولا فين ودائع مصر للطيران اللي كانت بالمليارات و كانت مخصصة لدفع حوافز الموظفين و قطع الغيار و أقساط الطائرات.....الخ

المشكلة هي في سهولة إستعداء طرف علي آخر في بلادنا,,,خد أي جحش تحت باطك و ظبطه و بسك عليه,,,,,بتوع المنحل يبعتوا -من اول الثورة-بلطجيتهم يخشوا في وسط الناس المسالمين و يضربوا في الجيش و الشرطة اللي عارفاهم و عارفة مين اللي باعتهم,ينفذوا فورا(ألجمل,السفارة,البالون,,,,مسبيرو),,,الأمن المركزي وللأسف تورط الجيش في هذأ العك وشرب المقلب هو كمان و الكلام بقي عن الثوار الوحشين ثم المسيحين الأشرار!!!!!!!!!ء
طب و بعدين؟؟؟,,طب ممكن نتعالج من حقن حسني واللي كانوا قبله؟؟؟,,,والله لسه فيه وقت بس نفهم و نبقي إيجابين,,,يا إخوان ,ياسلفين,,بلاش شماته,,ده إنتو لسه طالعين من التعذيب وهتك العروض و مصادرة ألأموال,,لو شمتوا دلوقت ,,لازم تعرفوا إن الفتنة و الظلم زي النار مابتسبش حد
أفضل ما حدث في وسط هذا الموقف ألأسوأ علي الإطلاق هو كتابة الطب الشرعي لأول مرة في تاريخه السباعي الطويل,تقارير تؤكد الحقائق,,لقد توقع أنهم بعد جمع جثث ألأقباط,رجل من هنا و راس من هناك أن يكتبوا بجوارها "هبوط في الدورة الدموية",,ولكن شاء الله أن يكمل الثورة التي أظهرها الله علي أرض مصر,,,شاء الله أن تتشارك دماء المصرين مسلمين و مسيحين في شوارع الجمهورية و التحرير و مسبيرو و ان تختلط هذه الدماء الذكية كما إختلطت من قبل في نصر اكتوبر , هذه-وبالرغم من الهم العظيم الذي أصاب مصر كلها-علامةخير لو ان المصريون ينتبهوا الي أنهم شعب واحد و عائلة واحدة و مصير واحد ولا يصح أن ينزلق أحدنا في خديعة ألأستعداء تجاه الأخر.....أسأل الله لي ولكم البصيرة و أسأل الله ايضاً أن يلحقني بطابورالشهداء العظيم

رضا هلال

فكرة مسلسل جديد

قدم ألأتراك مسلسل العشق الممنوع و هو مسلسل لم أشاهده ولكن شفت شاهدت بعض من مشاهده و كل مرة الاقي الحريم فيه مغيرين الرجالة و الناس لبعضيها
لم يغيب التلفزيون السوري عن مضمار السباق فسارع بتقديم مسلسل العشق الحرام,,والأعلان بتاعه بيشير الي أن واحد بيحب بنته او حاجة زي كده وبرضه مزز حلوة والناس لبعضيها برضه
أقترح هنا فكرة مسلسل مصري يدور في اوساط أحزابنا التي تدعي الوطنية ويعلم بيها ربنا
و كذلك الجماعات الأسلامية اللي بتعلب بالدين سياسة,,والمسيحية اللي بتلعب بالدين بزنس والليبراليا اللي بتلعب بالديمقراطية من أجل حفنة دولارات و أيضاً مرشحي الرياسة بتوع الظهور المفاجئ و ألأختفاء التكتيكي
يشتمل المسلسل علي مشاهد فاضحة للتواطئ المتعمد مع البلطجية و الحزب المنحل و أمن الدولة-بس أكيد مش الدولة المصرية-و القبض علي شوية شباب و في الناحية المقابلة من المشهد يقف عدد من البلطجية شامتين و علي الجانب يظهر ايضاً مواطنين عاديين ولكن شاء القدر أن هؤلاء المواطنيين وقفوا في الحتة الضلمة و مش شايفين كويس بس سامعين صريخ العيال بتوع النت.المواطنين مش عارفين إيه اللي بيحصل و كل شوية حد يخش عليهم و يقلهم:الثورة خربت البلد و حاتموتوا من الجوع,,,المسلمين حايحكموكوا و حا يقطعوا....إيديكوا,,,المسيحيين حايبنوا كنيسة و يهدواالجامع,,,والسادة المواطنون مرعوبون و مش عايزين يدافعوا عن نفسهم ولا حتي يعرفوا إيه اللي بيحصل بجد
فكرة المسلسل فكرة تتسم بالجراءة,,جنس,,شذوذ,,,عنف,,,غموض,,,إثارة من كل نوع و تظل النهاية مفاجأة
أقترح تسمية المسلسل ب"الحب الوسخ"",وذلك في إطار التطوير و المنافسة و الريادة

رضا هلال

ولسه ماحدش عايز يفهم!!!!!!!!!!!!!!!!

كنت طرحت سؤال من حوالي6شهور,,وهو:ليه تقع في فخ مع إن الدنيا كلها حذرتك و كل الشواهد حواليك بتقول إن اللي جاي ده مقلب , كمان ليه تقع في الفخ ده مع إنك وقعت فيه عشرات المرات قبل كده,,وليه تقع في فخ عشرات المرات مع إنك مسجل عالمياً بإنك من أذكي
خلق الله؟؟؟؟؟؟؟؟؟؟؟؟؟؟؟؟؟
كنت برضه حذرت حوالي 8 مرات القيادة العسكرية من مغبة شرا خواطر القيادات السابقة لأن ليس لها أمان ولا أخلاق وسوف تغدر بالجيش و الشعب ..مرة واحدة
لكن القيادة لا تسمع لمن لهم صوت,,فمابالك بمن ليس لهم صوت ولا خاطر عندها,,,كنت قلق ولكن بحدود آملاً في أن القيادة تفهم كل شئ و لها توقيتاتها الخاصة من أجل مصلحة مصر,ولكن ما أراه الأن يجعلني أوقن بأنهم لا يمسكون بالخيوط كلها و أن الرؤية لديهم يسودها شئ من الضبابية و أن مايمسكون به من خيوط بدأ يفلت من بين أيديهم
بعد 11فبراير رجوت الجميع أن يتصرفوا بحزم تجاه عصابة الحزب و أمن الدولة و البلطجية و التنظيمات السرية التابعة لهم,ولم أنال وقتها الا السخرية من كلامي و التسفيه من قوة الفلول و من وراءهم,,سبحان الله,,ما جمع إلا ما وفق,,الشعب زي قيادته يميل الي التسفيه و ألأستهتار بمواطن الخطر,,,والبلد بخير,,,و مصر محمية من كل شر,,,,وكلام زي العسل ولم يدلني أحد علي وسائل الحفاظ علي مصر ولا علي الإجرائات المتخذة من أجل أن تكون البلد بخير!!!!!!!!!!ء
سلمنا كل شئ الي الجيش يوم 11 فبراير بالليل,,,رصيد الجيش ليلتها في قلوبنا تعدي المليار في المية-لا تقارن مع دلوقتي-, و نسينا إن الجيش وقف يتفرج علينا و الضرب كان شغال في كل ميادين الثورة بأنحاء الجمهورية ,وظننا أن الجيش يفهم من اين سوف يأتي الخطر ولكن ظننا لم يكن في محله
تهاون الجيش مع خروج ألأموال و الشخصيات المجرمة و كأنما الجيش أيضاً شرب مقلب و وثق في أبناءها انهم لن يخونه-شفيق و غيره-وقد خُدع الجيش أيضاً
بدأت الضربات الأقتصادية لتجويع الناس لخلق جو من الترنح من أجل إحكام الضربات القادمةو الجيش برضه ماخدش باله,,,بدأت الضربات الأرهابية-بلطجة- والجيش يعلم الفاعل و المفعول وظرف المكان و مع ذلك,,الجيش برضه ما عرفش يعمل إيه,,,عادت بعد الثورة ريما لعادتها القذرة و ريما هنا المنحل و الداخلية و التنظيمات التابعة لهم,وعاد حرق الكنائس و قتل المسيحين وووو.....ولكن و كما فعل السلفين و ألأخوان تهاون الجميع في المطالبة بالحقيقة و حساب المجرمين في مقابل وعود سياسية مختلفة,وكله طرمخ,,,النتيجة زيادة المشكلات و الفتن و الضربات و إستنفاذ رصيد الثقة بين الشعب و الجيش و بين الناس وبعضها البعض
جو مناسب جداً لتسلل كل خائن يريد لمصر الخراب و التقسيم,,يا بخت العدو
الملفت للنظر-أو أنا دايماً بافتكر أن فيه حاجات ملفتة جداً بس ...-المهم,دايماً بيجي ناس يدخلوا علي المتظاهرين السلمين-فاكرين حادثة البالون-و من وسطهم يضربوا نار و يمارسوا أقصي درجات العنف ضد الجيش و الشرطة و الملفت-معلش نستحمل بعض شوية-إن الأولاد ألأشرار دول مابيتمسكوش!!!!!!ء
امال مين اللي بيتمسك و بسرعة,,الأشرار التانين اللي بيهتفوا أو بيكتبوا,,,تعالي نقارن,أو خليك عندك أنا حا اقارن و أقولك:::من كام يوم الجيش عكش تلات شباب علشان الظباط اللي ساكنين جنب الوزارة سمعوهم يهينوا الجيش و صوروهم فيديو!!!!!!,,طب الناس اللي قالوا ووزعوا منشورات في الصعيد و الشرقية كلام بيقول إنهم حايحرقوا المنشأت الحكومية و يقطعوا لامؤخذا الصعيد و يحتلوا مباني المحافظات و المديرات و بالفعل وزعوا سلاح علي اعوانهم,,ده غير "البلطجية"اللي كل شوية يضربوا نار هنا و هناك,,,كل ده مش إهانة للجيش برضه ...طب 18الف عربية تتسرق في كام شهر,,,مش إهانة للجيش برضة؟؟؟؟
طب ضرب و حرق كنائس و إستيلاء السلفين علي المساجد و طرد المعتدلين منها,,مش إهانة برضه؟؟؟؟؟
ما حدث نتيجة طبيعية لكل ما سبقه من سوء تقدير و مجازفة برقاب الجميع و بمصير أمة
ما حدث بداية طبيعية لتنفيذ خطط ما قبل 25يناير لتقسيم مصر و بدماء المصرين
أنا قلت حاجة جديدة؟؟؟؟,,لأ طبعاً,,,طب حد عارف ليه كل الناس عارفة الكلام ده و لسه بتدهوس في نفس القرف و بتشرب نفس المقلب؟؟؟؟؟,,,,طب حد مش عارف الضربات دي جاية منين؟؟؟؟,طب حد مش عارف فين الفلول و ليه كانوا في إجتماع مع أمن الدولة قبل أحداث ماسبيرو بتلات أيام؟؟؟؟,,,,طب حد عارف أي حاجة في أي حاجة؟؟؟؟,,,طب حد عايز حاجة من السوق؟؟؟,,انا جاي علي طول

رضا هلال

النصاب و الخديعة الكبري

في إطار خطة تلميع رئيس العصابة حسني الملعون تمهيداً لحكم البراءة....والعي تنقسم الي عدة محاور - بعد سفر شجرة الدر ثابت لأهلها و الفلوس المسروقة في إنجلترا-,,و الفتن الطائفية و تهديدات أعضاء مافيا المنحل بحرق البلاد و تقسيمها-اللي ما حدش حاسبهم عليها!!!!!!-,و عملية رفع الأسعار و الضرب في الشباب و الثورة و عجلة الإنتاج و البلد بتنهار و لازم نستلف و العملاء و الخونة و الدستور و الأنتخابات و أي حاجة أولاً و إحنا مش مهم,المهم مصالح المتواطئين

و تحالف السلفين و الأخوان و امن الدولة و المنحل ولعب الليبرالين و حفلات الوفد للأستلبتيز واللي تغلبه إلعبه و باقي ألأحزاب المستأنسة

مع القيادة لعبة نطة الأنجليز و الماساكة و إتحاد الكرة و الأنفلات الأمني.....الخ
بعد ده كله واحد إسمه حسني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بيقولك إيه بقي,,حسني ده عمل حاجات عظيمة,,,,,,أيييييييييييييييوه إسكندراني يا جدع
طب زي إيه يا ولاد......حسني؟؟؟؟؟؟
آه,كتير,,,المجاري,,,التليفونات,,,,المترو,,,,و المدام عملت المجلس القومي بتاع الستات
حاجات عظيمة قوي و كمان ده بتاع الضربة...الجوية,,,إنت نسيت ولا إيه؟؟؟
كلام عجيب جداً,,,ليه بقي؟؟,,,اقول لحضارتكم

أولاً في عهد حسني,,أصبحت العشوائيات تمثل أكثر من 75%من ألأرض المعمورة بمصر
يعني 75% مالهومش دعوة بموضوع المجاري و التليفونات دي
ثانياً إنتشر المرض و السرطان خاصة,بين ألأطفال و فيروس سي و الفشل الكبدي,و حوادث الطرق بسبب طرق إبراهيم سليمان,وخسائر بالمليارات و في الأرواح لا تعد ولم تحصي,,ومع ذلك ما حدش إتكلم عن العجلة إياها
المدام عملت مجلس خراب البيوت وأعلي نسبة خراب دماغ للستات وخلع و عنوسة لم تراها البلاد من قبل
سرق هو و كلابه حسب الأحصائات المحلية و الدولية مليارات كتيرة جدا و أنكرها جميعاً
وصل في عهده البلطجية الي مايزيد علي 480000بلطجي وصل عدد كبير منهم للمجلس,,تزوير الأنتخابات,,,تسميم الطعام و تلويث ماء النيل
لم يحمي حدود البلاد ولم يحمي نيلها,,,ولم يحمي أبعادها ألأستراتيجبة و أضاع السودان
أعلي نسبة لأطفال الكلة و متشردين الشوارع,,,,أعلي نسبة إدمان و إنتشار للمخدرات و الدعارة و الشذوذ,,,,اعلي نسب للعنف و ألأجرام,,,,إنتشار بل و تعميم الرشوة و الفساد
غش كافة البضائع المصرية,,,,التعليم الفاسد جداً و خروج مصر من تصنيف ال300جامعة ألأولي علي مستوي العالم
تولية أي جحش أي منصب,,,إعتقال و تعذيب و إغتصاب ليس في المعتقلات فقط,بل وصل الي ألأقسام أيضاً,,,,,سرقة الأراضي,,بيع الغاز بملاليم,,,,نهب الثروات و ألأثار و تبديد مقتنيات المناحف و إستبدال عدد منها
دفن النفايات السامة المشعة المستوردة في الأراضي المصري مقابل عملات مجزية
تعذيب المعتقلين بالنيابة عن الغرب و أمريكا بالعمولة وكله بثوابه
تلفيق الملفات و الكذب و الظلم,,,إعلام النفاق و الغيبوبة و الخداع والكذب و إنكار الحقائق و مشهيات اللحم ألأبيض و نجوم القذارة
الكرة و مشكلاتها و ملاينها و نصابينها,,,,قوادين و بلطجية الشفافية و ملفك عندي و قطيع الخصيان و فناين الدعارة والشذوذ
الحصول علي حوالي 32مليار جنيه من الخليج مقابل إستغلال جيش مصر,,وإخفاء هذه ألأموال ,,,,,,أما بالنسبة للضربة الجوية إياها و بناء علي شهادات العديد من العسكرين فإن ألتعليمات من السادات بعبور 220 طائرة مرة واحدة لرفع الروح المعنوية لدي الجنود المصريون,,ولتدمير الروح المعنوية لدي جنود الصهاينة,كانت هذه التعليمات محل رفض تام من حسني ولما نجحت الفكرة و تخلص بعد ذلك من السادات,نسب الضربة الي نفسه بكل خسة و كذب
لكن لو عايزين تعرفوا ضربة حسني الجوية الحقيقية,بس اللي ضربها لمصر,,كان إسمها مذبحة الهيليكوبتر....صدرت تعليمات لحسني بإرسال مقاتلات لحماية 15 هليكوبتر تحمل حوالي 1500 فرد صاعقة هم كريمة الجيش لتامين الممرات بسيناء و صد العدو و إحكام السيطرة علي مساحة أكبر بكتير من اللي خدناها بعد كده,,,,حسني رفض و قال""لالا الطيران عمل اللي عليه خلاص"""و طبعاً تم إسقاط ال15 هيليكوبتر و إستشهاد كريمة الجيش و تقليص مساحة ألأرض المستردة!!!!؟؟؟؟؟!!!!؟؟؟؟
صدفة مش كده؟؟؟؟...الراجل ماكانش يعرف و كان نيته خير برضه,ليه نسيئ الظن بالناس؟
مشروع التوريث و الخطة الدموية لتنفيذه,لولا رجولة شباب مصر و جيشها لتم فوق جثثنا و جثث أبناءنافي عهده,إنفلات أمني و أخلاقي و سلسلة من حوادث الأرهاب و تعطل العجلة ميت مرة,بالرغم من صحصة أمن الدولة لأي عيل بيصلي الفجر,يتسحل هو و أمه واللي جابوه!!!!ء
تحويل ثروة البلاد الي بنوك الصهاينة و دفنها في غياهب الجب,يعني واحد هو أهله و شلته سرقوا فلوس العيلة و راحوا حطوها في بق كلب سعران
أصبحت مصر في عهده من أكبر ثلاث دول في العالم في غسيل أموال الخدرات و الدعارة واي شغل قذر في العالم
خصخصة بابخس و ضرب عمولات وبيع البلد لأكبر مافيات العالم,,,,جلب أقذر الشركات و رجال ألأعمال و العصابات الدولية الي مصر(اللي بيسموهم مستثمرين),,,,ضرب الصناعة و تدمير الزراعة المصرية العريقة و التي تعتبر عصب مصر و عمودها الفقري

ألأن أقول من قلبي""إحنا أسفين يامصر,إننا لم نعدم هذا الكلب من أول يوم"""ء
رضا هلال

ألآخر و ديمقراطية الفلول

موقف مشابه للطريقة التي يتعامل بها الإعلام المصري مع من سرقوا و نصبوا و بلطجوا

و تواطئوا علي بلاوي رؤساء العصابة سنوات طويلة

مشهد داخلي من إستديو قناة النزاهة و الشفافية

رجل مريض يحضر الي القناة بدعو من إدارتها لكي يواجه رأس الفلول

تجلس المزة...عفواً المذيعة بين ضيفيها,,,ينظر الرجل المتهالك و كأنه تعرض للتعذيب أو ما شابه ذلك لا يستطيع أن يصلب جسده فيتكئ علي مساند الكرسي ورأسه منكسر

الفل الشهير يجلس كما الديناصور الضخم,,تعلو وجهه إبتسامة عريضة جداً-2متر تقريباً-و يركز عيناه بنشوة جامدة قوي تجاه المذيعة التي تبادله ألأبتسامات في خجل يدل علي حياء و أنها بنت ناس

تسئل المذيعة الحسناء الرجل المريض

يا حاج,,إنت كاتب هنا إن أمن الدولة لفقولك و إعتقلوا أبناءك و هتكوا عرض مراتك و طردوا بنتك و جوزها من شغلهم و بتوع المنحل أخد منك أتاوات لحد ما فلست ولم قلتلهم خلاص ماعيش,ماصدقوش و فقعوك زنمبة و إن الباشا ده منهم ,,,,و أمن الدولة قبضت عليك و قالوا شيوعي وعذبوك و بعدين رجعوا و قبضوا عليك تاني و قالوا إخوان و عذبوك و بعدين قبضوا عليك تالت و قالوا زمالكاوي و عذبوك.إنت دلوقت خايف لحسن الحزب يرجع و أمن الدولة كمان و يرجعوا يعملوا معاك نفس الحاجات الوحشة دي

النهاردة يا حاج بنستضيف سيادة الفل الشهير علشان يفهمك غلط...قصدي يفهمك حقائق الموقف

صرخ الرجل,,ياست ده اللي كان دايماً بيهددني و بياخد الفلوس,جايبينوا هنا ليه؟

المذيعة:إيه ده يا حاج؟إحنا عارفين إن إبنك مات في التحرير علشان الحرية,إزاي ياراجل إنت عايز تحجر علي رأي ألأخر؟؟؟

الفل تزداد إبتسامته و إسترخاءه و تعلو وجهه تعبيرات الشماته

الراجل المريض:ياست دا أخويا مات بالكلي و انا عندي الكبد بسبب المبيدات اللي الفل ده بيجيبها

المذيعة:لالالا,ده كلام مرسل,,,أمال الناس بقت تمنين مليون إزاي؟؟؟

المريض:ياست,التحاليل بتقول مبيدات والله

المذيعة:هاهاها,,,ياراجل قول كلام غير ده,,مبيدات إيه و كلام فارغ إيه,,,إنت بس إتأثرت بكلام العملاء و المأجورين و بتتوهم حاجات ريبة

المريض:يعني يجيبولنا المرض و يبهدلونا و يقتلوا عيالنا و جايباه هنا؟؟؟

المذيعة:إنت ياحاج قرفتنا بأم الديمقراطية,,ولما جت فرصة للديمقراطية ,تقوم تتصرف بديكتاتورية و مش عايز تسمع رأي الآخر

الراجل المريض:ياست أخر إيه و أول إيه,,ده عدو و شر و فاسد وصاخب سوابق

المذيعة:لالالا,,عيب قوي,إنتو مابتسمعوش غير نفسكو و بتعتمدوا علي الصوت العالي,شوف إنت عمال تقول إيه و سيادته محروم من فرصة سشرح وجهة نظره إزاي

الفل,يعبث بالسبحة و يتنهد و يبدو علي وجهه الحزن

الرجل:ياست,,إنت مش عارفة ده عمل إيه؟؟,,,دول خربوا البلد و خربونا إحنا و باعونا و قتلوا فينا كل حاجة كويسة,,,,حرام عليكوا

المذيعة:يا استاذ ماتنساش ده برضه مصري يعني هو يهودي؟؟,,لازم ياخدوافرصة تانية وشوف حايظبطكوا إزاي

الفل يبتسم إبتسامة أعرض من الأولانية,,,ويرفع يده الي السماء داعياً إلهه بالتوفيق
الرجل المريض يصرخ في هستيريا و يلطم وجهه و يخرج من جيبه صور أبناءه المعتقلين و إبنه الشهيد,,يسقط علي الأرض,,,يلفظ أنفاسه ألأخيرة

بعد ذلك الفقرة الإخبارية,,يظهر السباعي بتاع الطب الشرعي-ووالد مديرة مستشفي ابو الريش-ممسك بعشر ملفات,و يعلن بعد أن أقسم بإلهه عشر مرات أن يقول الحق ولا شئ إلا الحق::::::"أيها السادة,أثبتت التحاليل العلمية بالأجهزة العلمية علي يد الهيئة العلمية,وفاة

هذا الرجل نتيجة هبوط في الدورة الدموية بعد إبتلاعة للفة بانجو و ذلك بشهادة عدد كبير من ألأفرد""""و بحق الللات و العزة ما أقول هو الحق وإلا فلتسخطني الألهه فل

الموقف يثبت لنا أمور كثيرة منها

أولاً:بتوع التحرير و الثوار و الشهداء و الكلام الفارغ ده,كلهم شواذ و بتوع بانجو

ثانياً:مافيش حاجة إسمها فلول,,دول مصرين برضه,,ولازم ينزلوا الأنتخابات,,دول مصرين برضه,,,دول مصرين برضه......

ثالثاً:العيال بتوع الثورة بقي وضعهم مختلف,,دول مش مصرين,ليه؟

خرجوا علي الحاكم,,,يبقوا كفار

بياخدوا تمويلات أجنبية,,,يبقوا خونة ولا يستحقوا الجنس...عفواً الجنسية المصرية

رابعاً:لا تضربوا الديمقراطية,,يجب ألأستماع و قبول ألآخر

خامساً:سيب العجلة تمشي وبلاش تصرخ و تعطل العجلة مهما حصلك,,مايصحش تعطل مصالح أسيادك

سؤال الحلقة:::::::::ء

عمال مصر زبالة و مابيشتغلوش و مالهومش لازمة

لماذا تعطلت العجلة عندما توقفوا عن العمل؟؟؟؟

إختار أحدي الإجابات
عينهم وحشة
عملين عمل للأقتصاد المصري
شالوا لامؤخذا العدة وهم ماشين

تمنياتنا لكم بالتوفيق و الي حلقة قادمة

رضا هلال