كيف أخرجوا ألأنسان من إنسانيته؟؟؟؟؟

كلنا شفنا ألأخ بتاع التحريات اللي تبول علينا من فوق مجلس الشعب,منشغلا عن زملائه اثناء قصفهم الناس بالحجارة و الرخام و ألأطباق و الزجاجات,,هو بقي كان ليه ظروف تانية
الموضوع يجب إننا نفهمه في سياقه-نفهمه في سياقه دي مقتبسة من اللواء بتاع المؤتمر الصحفي اللي جابوا فيه العيال الغلابة و حكايتهم مشروحة في مقال سابق, لما سألوه عن حادثة البنت المنتقبة اللي سحلوها و عروها,,قال سعادته"الحادثة دي يجب أن نفهمها في سياقها"!!!!!!!!!!!!!!!!!-,,ربنا يظهر السياقات كلها إن شأ الله
المهم,ألأخ أبو شخة ده موضوعه في سياقه برضه,,يعني لو هدينا شوية و فكرنا تفكير علمي و رجعنا لقناة "الناشيونال جيوجرافي",و تحديداً البرامج الخاصة بعالم الحيوان,لوجدنا أن الذكر البالغ في عالم الحيوان دائماً يؤكد علي المساحة الخاصة به في الغابة بنفس الطريقة,فهو يحدد ابعاد منطقة سيطرته بال"طرطرة",,عندما كنت أحاول فهم سلوك هذا الفرد,تذكرت علي الفور "بابسي",,و بابسي ده كلب الجيران, دايما-بالرغم إن مفيش حد بينازعه ممكلته-لما ينزل الشارع لازم يعلم علي الشارع كله, و يحدد أركان حكمه بكمية وفيرة من المياه المستهلكة
إذاً ,و حسب ما علمنا سيادة اللواء إن الموضوع يجب ان يُفهم في سياقه,نجد أن هذا الجرو الميري قد أفزعه منظر المتنافسين علي المكان,فسارع الي التأكيد علي حدود موقعه,فقام "بالطرطرة" من موقعه العالي حتي يضمن إنتشار علامات الحدود الخاصةبموقعه
نعم,كان بني أدم, ولكن بالإعداد المناسب تحول الي بني بابسي و أخذ يتنقل بين ألأدمين,تارة يهوهو و تارة يعض , عندماتطلب السياق إياه بتاع سيادة اللواء,لم يتردد علنا و جهاراً أن يؤكد علي سيطرته علي الموقع,فمن المؤكد أن قيادته أثنت عليه
و قالوا له"طرطر خيرك",,,و ربنا يهدي
رضا

السقوط من فوق السجادة

يشاء الله برحمة منه ان يمهل عباده مهما تجاوزوا و أذنبوا و هذا لإن الله وضع رحمته في مقدمة تعامله مع عباده و لإن عقابه من بعد ذلك شديد فإنه سبحانه و إشفاقاً منه علي عباده يعطيهم الفرصة تلوا الأخري
تستطيع ان تعرف قرب إنتهاء هذه الفرص و إنتهاء المهلة من ظاهرتين متتابعتين,الأولي,أن يرفع الله الشخص الممهل منصباً و رتبةأو قوة و مال,,,فإذا لم ينظر هذا الشخص الي أمور حياته و اسلوبه بنظرة أدق من ذي قبل,وظن ان ماوصل اليه من مكانة عبارة عن مكافئة له علي كذبه و نفاقه وسفالته وليست فرصة اخيرة أو أن ربه يستدرجه الي مصير معلوم لن يتمكن عند إذا من الفلات منه
و أفضل من شرح هذا الموقف كان فضيلة الشيخ محمد متولي الشعراوي وشبه الموقف كما لو ان الله غضب علي إمرؤٌ فقدر سقوطه من علياء حتي يتحطم تماما ولا ان يكون سقوطه من علي سجادة مثلاً
لذا يرفع الله من غضب عنهم الي اعلي المراتب و يعطيهم كل الأدوات و المواقع فلا تكون لهم حجة, فقد سنحت لهم فرصة ألأصلاح و أداء ألأمانات ولكنهم صمموا علي أن يتمادوا في غيهم فقد إستمرؤا و احبوا الضلال علي الهدي و هم بذلك الي مصير محتوم مساقون
نري هذه ألأمور حولنا كل يوم فيتعرض بعضنا الي الفتنة ظناً منه ان مايفعله هؤلاء صواب و يستدل علي ذلك بما تحقق لهم من عز و علو مكانة ويظن هو ايضاً ان هؤلاء من اهل ألأستحقاق و بوجودهم في هذا المواقع السيادية يستطسعون ان يروا بوضوح و ان يعرفوابواطن ألأمور,,,حتي إذا حانت النهايات ظهر منهم مايدل علي الغباء و عدم الأستحقاق و ضيق الأفق, و بلارغم من إقتراب النهاية تجدان الله سبحانه يعطي اخر الفرص و كلما زادت الفرص كلما إزدادت النهاية بشاعة و العياذة بالله
هذا الكلام ينطبق علي كل الجميع و كل من نري ممن رفعهم الله الي المراتب العالية مؤخراً بما فيهم أصحاب اللحي و ألأخوان و المجلس و كل من يظن انه يحسن صنعاً و يبتعد بزعمه عن الناس و يبتعد عن الواقع و تجد ان كل حزب منهم بما لديهم فرحون ولا يسعون إلا الي مرضاة بعضهم البعض وينسون حق الله في الناس و ينسون أن الدين قد نهانا عن طلب ألأمارة و الأقتتال عليها و حذرنا النبي محمد ممن يطلب الأمارة,فما بالك بالمجلس العسكري و قد وصل طلبهم للأمارة الي منافقة النظام القديم بالرغم من فساده وحماية اذنابه المجرمين,,يتواطئ المجلس علي قتلة الشباب و العلماء,ثم يهتك عروض الفتيات , يفعل ماهو اخطر من كل هذا بكثير,يفعل فعلة فرعون بعد ان علا في ألأرض و قبل ان يغرق في باطنها,فههم يفرقون بين ابناء الوطن الواحد بإختلاق ألأكاذيب و يستعدون ألأخ علي أخيه ويعتمدون علي اقذر كوادر العمل الأعلامي من القوادين و الداعرات لبث ألأكاذيب بين الناس و كذلك ألأخوان و السلفين ممن يتخذون الدين واجهة لأطماع السلطة و هم كالشيطان ألأخرص,يرون القتل و الظلم و هتك العروض فيخرسون و إذا كان الكلام عن
الأنتخابات وجدت لهم ضجيجاً و صراخاً كما لو كنت تحاول أن تنتزع عضمة من فم كلب مسعور,فالحق عندهم هو السلطان و عزةالدنيا الزائفة,ولا تجد لهم نخوة ولا مواقف,,ولا يسثني من هذا باقي التيارات التي تربت علي حجر السلطان الفاسد و عصابته,جميعهم
يلعب نفس اللعبة,وعلي مايبدو انهم يعولون بقوة علي عقولهم و حبيث افكارهم و علي قوتهم و قد اخرجوا ربهم من المعادلة تماما
فهم الي الكفر و الطغيان اقرب, ولكن الله لم و لن يترك عباده يفتنون و سوف يظهر الحق قريباً ولو كره شياطين الأنس
رض

سبحان الله يكشف ستر المجرمين

عند تلقيك معلومة أو خبر له علاقة بالقوانين او القضاء أو ألأحكام,فمن السهل جداً التأكد منها
عن طريق محامي,او قريب يعمل بدوائر المحاكم,فبرجاء التأكد من هذان الخبران-وقد تأكدت منهما من قبل-,بعد تأكدكم منهما برجاء التوسع في النشر
ألأول:الطب الشرعي يعلن ان الرصاص الذي اصاب فضيلة الشيخ الشهيد/عماد عفت أمين لجنة
ألأفتاء بدار الإقتاء,قد تم إطلاقه من سلاح متطور و من مسافة بعيدة

الثاني:أهالي الشباب الذين قدمه فيديو اللواء عمارة,يتقدمون ببلاغ يوضح كذب هذا "الشو"الخائب و قد تقدموا ببلاغهم غضباً من هذه الأكاذيب,البلاغ رقم:11169/2011,ويقولون في بلاغهم
أن أبنائهم في الحبس ألأحتياطي أصلا من تاريخ14/12 علي ذمة قضية مشاجرة بالشارع بمنطقة
الزاوية الحمرا قضية رقم:12664 و هم رهن الحبس ولم يتواجدوا في التحرير في تاريخه
حاجة تقرف مش كده؟؟؟؟؟؟؟؟؟؟؟؟
رضا

الخبراء الإستراتيجين و العك المتين

الشروق بتاعة إمبارح ص 6

عنوان:خبراء عسكرين يقولون بأن المخابرات تمكنت من كشف الطرف الثالث مؤخراً من كثرة الحوادث,,,,و ملخص المقال من الداخل يقول بان الطرف الثالث ناس تبع الخليج و ناس تبع امريكا و مش ممكن إستراتيجياً نخبط مع البلاد دي,,ده الملخص

الفهلوة بقي في حاجتين

الأولي:إن حهاز المخابرات لم يكتشف الطرف الثالث مؤخراً بسبب كثرة الحوادث,فمن المؤكد ان الجهاز إكتشف كل هذه ألأمور من بدري جداً,ولمن لا يعلم و بغض النظر عن موقف عمر سليمان فأن الجهاز من أقوة ألأجهزة المعلوماتية و ألأمنية العالمية و هو-علي المستوي المهني -غير متورط في العك السياسي و ذلك بعد تطهيره أيام السادات,ولكن أعتقد إن الناس اللي فوق في بلدنا مايتحبش تسمع ولا تفهم

و كلنا فاكرين لما الدنيا كلها قالت لعبد الناصر حاننضرب و ماتسيبش الطيارات علي ألأر مكشوفة وو الخ,ومع ذلك إنضربنا و ساب الطيارات تنضرب و تضيع القدس و الجولان و غزة و سيناء و الكرامة و الإقتصاد و عجلة الأنتاج...الخ

يعني يا غبي ,او خاين مفيش إختيارات أخري

الفهلوة التانية:هي لما قالولكم إن الطرف التالت ده و ده و ده...طب ليه بتضربوا عشر شهور في الناس المخلصة اللي كان ممكن تكون سند للبلد و ليكم؟؟؟؟...الناس كانت شايلاكم علي دماغها و في قلوبها يوم حداشر فبراير,ليه كسرتوهم, ولما هو فيه طرف تالت شرير بيستهدف البلد و بيستهدفكم,,يصح برضه تخربوا العربية اللي شايلاكم و تضعفوا الحصن بتاعكم و تدمروا سمعتكم بهذا الشكل؟؟؟

انا عارف إن كل بلاد العالم مستهدفة من بعض في إطار حروب سرية خاصة بالتوازنات الحالية و المستقبلية,,بس عمركم شفته واحد النار بتقرب من بيته يقوم يدلق علي البيت بنزين؟؟؟؟؟

الناس الكويسة-الطرف ألأول-في مصر طلباتها بسيطة,ليه ما حافظتوش علي مجهود ولادكم و دمهم و غستفدتم من الوضع علشان تقوا بيه ضهركم؟؟؟؟,,,,و هل علشان تحموا البلد من الطرف التالت ده,كان لازم تقتلوا و تعموا و تعتقلوا و تعذبوا و تشوهوا سمعة الناس المحترمة؟؟؟؟,,,,و هل ده وضع آمن ليكم إنكم تحيطوا أنفسكم بالناس اللي كانت بتخدم الطرف التالت تلاتين سنة؟؟؟

و لامؤخذا سؤال للسيد منصور حسن,فين ياريس ملف مراقبة مبارك اللي كان طلبه منك السادات قبل مايموت إنت و سيادة الفريق مرتجي؟؟؟؟؟

و أخيراً,تفتكروا هي مشكلة الثوار كانت في حكم العسكر من عدمه؟؟ولا المقلب اللي خدوه هو اللي زعلهم من العسكر,ماهو لو العسكر حققوا 30%من اللي كانوا بيتمنوه,كان الناس شالت العسكر علي دماغها من فوق,,عمر مصر ماكان فيها مشاكل مع عساكره إلا لما رجالة عبد الناصر بتوع ألأتحاد الأشتراكي اللي هو بقي الحزب الوطني زقوا كلابهم للسخرية من الجيش و أطلقوا النكات القذرة عليه بعد سبعة و ستين لإيهام الناس بأن الهزيمة مسؤلية الجيش مش مسؤلية الزعيم اللي صمم علي أن نتلقي الضربة ألأولي اللي تسببت في الهزيمة و مع ذلك الناس فهمت وكانت ولازالت تحترم جيشه و تحبه بالرغم مماتسمعوه من هتاف مضاد نتيجة القهر و الظلم و قذارة أداء بعض ألأفراد,لكن لو أظهر الجيش روحه الحقيقية المعروفة لدي الناس تاريخياً,لأختلفت الأمور تماما و في أربعة وعشرين ساعة,,لكن المجلس بيتصرف كما لو أن لديه قائمة"سوداء"بما يرضي الناس و يعمل علي مخالفتها كل يوم,,ليه مش عارف,مع إن حسب ماقرأت في نقالة الخبراء إياهم إن الموقف زفت و الطرف التالت علي وشك إنه يدمرنا,,,يعني حرب حسب مافهمت,طب ينفع حرب بكوادر من الصيع و توفيق عكاشة و أحمد سبايدر و أسلوب حمدي بدين اللي ماينفعش دلوقت ابداً,,,ينفع و إحنا في حالة حرب ندمر المقاومة الشعبية و نهدم الجبهة الداخلية

عسي إن ربنا يهدينا و نبطل فهلوة و حداقة

رضا

الجنزوري و الدكتور البهنساوي و مواضيع اخري

فاكرين فيلم الست رتيبة؟,,,الرجل المؤمن بتحضير الأرواح يجهز لتحضير روح دكتور قلب يعرفه هو و حسب قوله أنه كان يعالج أبيه,و يريد أن يستشير روحه لعلاج أخيه الصغير

سأله أصدقائه,الدكتور ده كويس؟ و كان رده,طبعاً,ده كان بيعالج أبويا..سأله أصدقائه و أبوك خف؟؟و الرد لا مات,,,أصل البهنساوي ده موت ناس كتير,,,سأله أصدقائه,طب ليه عايز تجيبه؟؟؟,,و الرد,,انا قلت اكيد خد خبرة كبيرة في تمويت الناس و وصل دلوقتي لعلاج بعد ما خد خبرة طويلة في الموت أعتقد إن من ضمن مفردات إختيار الجنزوري هي دي

الموضوع التاني,خاص بشهادة شخصية و هي المبني إياه بتاع المجمع العلمي طلع من الدور العلوي فيه دخان قبل بدأ الحريقة مع ظهور الدخان ظننا جميعاً أن العساكر ضربوا غاز من خلف المبني و إصطدم بأعلي المبني ولم يلحظ أحد موضوع الحريقة في بدايته,,,بالظبط زي مبني الطرق و الكباري اللي ولع في أول الأمر باكر و المعتصمين نيام و هكذا
من عجائب القول و نوادر الحديث"إن الثوار عايزين يحرقوا مجلس الشعب علشان يبطلوا نتيجة ألأنتخابات"!!!!!!!!!ء

أولاً:إيه دخل المبني بتاع المجلس بنتيجة إنتخابات و كمان لسه نتيجتها النهائية ماطلعتش

ثانياً:ربنا يستر و مايكونش فيه حد ناوي يحرق بس بيمهد و بيظبط من دلوقتي,أو ناوي يغدر بس بواحد واحد و كله بدوره

ثالثاً:طب ماكنا ملقحين جنب المجلس و الطرق و الكباري و المجمع العلمي شهور ,طب عايزين نحرقه ليه دلوقتي؟؟,بقينا بنتشائم منهم؟؟؟؟؟,,,و بعدين حانوصل للمجلس إزاي؟؟؟,,,المنطة بقت زي دشمة هسكرية حصينة

رابعاً:أو إن فيه صراع سلطة علي مستوي تخين و بقاله سنوات و اللعب دلوقتي في تصفيات قبل النهائي و العجول لما تتعارك,الفراخ تروح في الرجلين
بخصوص الحواوشي,انا قلت استني يومين, و اللي حسبته لقيته,,لو تسمم غذائي و أكل بايظ و العملية حسن نية-مع إن اساتذة بجامعة القاهرة من الثوار حصلوا علي ارغفة و حللوها و وجدوا بها سم فئران-مش مشكلة ممكن يكون وقع في الأكل,,بس السؤال اللي عندي

ليه ما حدش تاني بره الثوار و المعتصمين إتسمم علي اساس إن ده اكل و أكيد راح منه شوية لناس تانية؟؟؟,,معلش إستحملوني

لايزال ألأخوان و السلفيون "يكسكسون",و يلعبوا لعبة تحمير لامؤخذا العين للمجلس كدة و كدة لضمان وعود تقسيم الكعكة و طبعاً شعارهم الجديد يجب ان يكون""اللهم إرضي عنا جون كيري و هيلاري كلينتون و الست السفيرة",و يأجلوا شوية حكاية الإسلام هو الحل و الشريعة و المسائل دي

العجيب انهم يفعلون الأن ما قد فعلوه من قبل سبعون عاماً عندما شرعوا في ركوب ثورة الطلبة و العمال ضد الأنجليز و ترك لهم الطلبة و العمال تأمين ظهور الثوار,,فأرسل إليهم من يعرف حقيقتهم في ذلك الوقت وكان رئيس وزراء عنتيل في الخيانة و كلب إنجليز,إسمه إسماعيل صدقي, و توقيت المقابلة قبل تحرك الثوار بأربعة و عشرون ساعة,و موضوع المقابلة..شرب الشاي بالنعناع , توجيه النصح لهم بألا ينضموا لشوية الطلبة الفاشلين و العمال البلطجية,وذلك للحفاظ علي مستقبلهم السياسي و إن السرايا و رئيس الوزرا كمان محتاجينهم في المستقبل علشان حاجات مهمة في المستقبل

النتيجة ,ضرب ألأخوان الثوار بمبة و تركوا مواقعهم و تركوا ظهور الثوار مكشوفة و أستشهد الكثير و الكثير من الثوار بغدر ألأخوان و شهوة السلطة لديهم التي ليس حدود,,,و أستمروا علي هذا الغي الي نالهم مانالهم عبر عصور الحكام الثلاث بتوع إنقلاب يوليو طب إتعلموا؟؟؟لالالالا,,مافيش فايدة

ختاماً..بالرغم من أن النبي-و كذلك سائر الأنبياء-يعلمون من ربهم حقائق الأمور و مع ذلك دعا النبي محمد صلي الله عليه و سلم

دعاء خطير جداً:"الهم ارنا الحق حق و أرزقنا إتباعه,وارنا الباطل باطل و أرزقنا إجتنابه"", صحيح الحق حق ولكن من يري و من لا يري من يتبع الحق بالرغم من وضوحه و من لايتبع,,هذه قضية خطيرة ولكن و ياسبحان الله تجد أن حكم الأغلبية في القرآن كما يلي و حسب ألآيات"و إن تطع سبيل اكثر من في الأرض يضلوك عن سبيل الله",,,حتي من إتبعوا فرعون هم ألأغلبية"فنادي فحشر فقال إني ربكم الأعلي,فخروا له ساجدين" مشهد عجيب مش كدة؟,و من أمنوا قلة كالعادة و من غرق مع فرعون و وزيره هم العدد ألأكبر

أصل المشكلة كانت إن فرعون تسلط علي الناس و كانت مقولته واضحة"لا أريكم إلا ما أري",,و طبعا نعلم أنه بعدما علي في ألأرض و من أجل ان يتحكم في الناس كان يجب عليه تشتيت الناس و تفريقهم عن بعض لينم غسيل مخ كل واحد بدون وجود أي فرصة لأن ينجده أخ آخر له,لازم كله يبعد عن بعضه"...وجعل اهلها شيعا",,و طبعاً أي وقت عايز يضخ في دماغهم أي حاجة,يلاقي الأدمغة جاهزة لتلفي مايريدهم تصديقه,ما هو اللي معاه الشفرة بتاعتهم,,و طبعا ولأن ده مش صح,"غرقوا جميعاً""ء

ربنا يستر

رض

إذا الشعب يوما

كنت لا أفهم مضمون بيت الشعر القائل إذا الشعب يوما أراد الحياة,,و إنتو عارفين الباقي,,,,طب ليه إذا؟؟؟,,,ماكنتش فاهم,,طب ماهو طبعاً الشعب,أي شعب يريد الحياة,,بس أي نوع من الحيوات؟؟؟,,,أي حياة و السلام,,حياة كلاب ماشي؟؟,,,طب لو الشعب مايعرف إيه هي الحياة الكويسة المحترمة و تم إبعاده سنوات طويلة عن مفهوم الحياة المحترمة,,حا يعوذ الحياة المحترمة إزاي؟؟؟,,ماهو مايعرفش

علشان كده كل ماحد يشوف البنت اللي كٌشف جسدها الطاهر و سحلت علي ألأرض,يقول"إيه اللي خلاها تروح هناك؟؟؟,,,صحيح ليه حق,ماهو عايز علي تسليك أموره و الرشوة و الغش و السرقة و النفاق,ماحدش قاله "إن ألأرزاق جميعاً بيد الله,فإطلبوها بعزةالأنفس-الحديث",,عزة أنفس مين ياعم, بلاش أرننه وكل عيش

ياسلام بقي لو سيادتك صممت تحافظ علي كرامتك,,خد عندك....أصله فقري و هو اللي جابوه لنفسه....أصله أليط و عايش في الدور

إيه يعني لما الباشا المدير قاله ياد ياخو..., ولا يابن الشرم...,ماهو طول اليوم بيقول لنا كده من عشمه,اصل الباشا إبن بلد و بيحب يهزر معانا

طبعاً ناس إتربت كده,و بنفس عن نفسها بعد كده بالفشر و الكذب و إدعاء بطولات وهمية من نوعية"المدير قالي لو سمحت خد الملف ده,قلتله,لا يا ك..أمك,أنا ماحدش يقولي علي شغلي"",,أو "لما عميد الشرطة قالي رخصك يا باشا,قلتله إمشي من قدامي لأجيبك تحت العجل يابن ال..." الي آخر هذا التهيس التنفيسي المنتشر جداً,جداً في بلدنا,يعني كان فاضل شوية صغيرة و نمشي بلبس نابليون أو لبس هتلر في الشارع و نجري ورا بعض و نصرخ هوبا,هوبا,,ماهو الواقع سئ,و مش عايزين نحارب علشان الحياة المحترمة و مقضينها أوهام و بتنجان,حاتكون النتيجة إيه؟؟؟؟؟؟؟

تخيل أما واحد عمره ما فكر يفهم اي حاجة ولو قرصت عليه علشان يفهم يقوم يزرت منك,و يبرطع,يقوم هذا المخلوق العجيب يعدل علي عالم جليل كالشهيد الشيخ عماد عفت أمين لجنة ألأفتاء,ويقول"هو إيه اللي وداه هناك؟؟؟",,,يانصاحة أمك,يعني إنت اللي فاهم و حدق و العالم الجامد ده مش فاهم؟؟؟؟؟,,,,فعلاً الجهل نور

قبل ما أسيبكوا,فيه شوية مقولات من الفيس و التويتر لناس -و العياذة بالله-بتفهم

لما علياء المهدي إتعرت بمزاجها الدنيا ثارت و المتأسلمون أحلوا دمها,و لما ثائرة إتعرت و أنتهك عرضها ..خرس المتأسلمون

إسلام الجندي


فهموا الناس إن اللي ماتوا ,شيخ و طبيب و مهندس و طفل,عرفوا الناس اللي ماتتفرجش الا علي التلفزيون الرسمي

ياسمين مدكور

دي عينة من كلام الناس البهايم زي اللي مش عارفين مصلحتهم و بيخربوا في البلد

أختتم بحكمة قديمة من حكم العرب:::::"تشبهوا إن لم تكونوا منهم,إن التشبه بالرجال فلاح""ء

رزقنا الله جميعا الفهم و البصيرة و الفلاح

رضا هلا

بالأمس

لأمس,,و ككل يوم و بفضل الله الذي ساقه الينا من خلال هذه الثورة ة بدماء ابناء و أخوة أعزاء,,,بفضل الله تظهر حقيقة الكثيرون و أحجامهم الحقيقية و ماتخفيه صدورهم من شر دفين

والله لولا تعين شرف بالوزارة لما عرفنا جبنه و خسته و ظننا فيه البطولة,,والله لولا عودة الجنزوري خائضاً في دماء ألأبرياء لظل قادراً علي خداعنا كما تمكن من ركوب عبدالناصر و السادات و حسني ولإستمر في اللعب علي الأحبال ولكن شاء الله أن يأخذ هؤلاء أحجامهم وكذلك غيرهم ممن ظننا فيهم العسكرية الحقة و البطولات,فشاء الله ان يمهلهم المرة تلو الأخري حتي تصحوا قلوبهم و أبوا هم إلا التمادي في غيهم و دعمه للباطل و حربهم للخير,حتي حقت عليهم مشيئة الله فخلع عنهم اثواب الستر و السمعة الطيبة و عرف عنهم العموم ما كان يعرفه جيداً الخواص و المقربون بألأمس و بعد طحن الشباب و قتل اصدقائهم و احبائهم,فقد الكثير منهم الصبر و بدأ التحول الي الرد بالمثل,,بالأمس و حوالي الساعة الثالثة بعد الظهر,بدأ أفراد الشرطة العسكرية و زملائهم من افراد التحريات بإلقاء المولوتوف علي الشعب من فوق مجلس الشعب وذلك بعد إلقاء أطنان من الحجارة و الزجاج,,الساعة الخامسة و بعد إصاية الكثير جداً من الناس شباب و كبار و بدء القناصة في تنفيذ تعليمات التصفية و القتل,بدأ الشباب بالرد بالمثل...بالمولوتوف

بألأمس ذهبت إبنتي الي الميدان صباحاً لإلتزامها بخدمة الدعم الطبي بالمستشفي الميدان بعمر مكرم, وعند دخولها الي الميد من ناحية طلعت حرب,و أمام فرن كريستال,و كان هناك أفراد الشرطة العسكرية يسمحون بالمرور و التفتيش فقط و فجأة, و ربما جائتهم تعليمات بسك عليه إياها,تحولوا الي الضرب في المارين و زبائن الفرن و نالت إبنتي علقة بالشوم الحربي و خطفوا حقيبتها بعد سقوطها علي ألأرض لتجد حقيبتها اخر اليوم و بعد إتصال جائها من موبيلها ان حقيبتها موجودة تعالي ,فخافت طبعاً من هذا الكمين القديم الشهير فذهبت معها بعد ذلك و بعد علمي بالواقعة,لنجد الحقيبة لدي و قد القاها امامه الضابط حسب شهادت خمسة شهود,قالو ان الضابط-نقيب- اخذ الموبايل من الشنطة و هو الذي إتصل بإبنتي ثم اخذ الأموال-40 جنيه...مش مسامح فيهم- و قلم نصف ملي كان موجود بالحقيبة-برضه مش مسامح فيه-و البطاقة و كارنيه الجامعة و....مفاتيح الشقة بتاعتنا!!!!!!!!!!!!!!!!!!!!!ء,,ليه المفاتيح مش عارف

الله ينور جند مصر,,,تذكرت حينها يوم ألأربعاء أخر ايام احداث محمد محمود و خداع الداخلية للناس بهدنة وهمية خرقوها هم و كان الغرض منها تخفيف حدة مشاعر الناس و عدم ألأكثار من المتعاطفين بعد الكثير من القتل و فقء العيون,,,اذكر اني ذهبت الي شارع نوبار حيث الداخلية و شاهدت احوال عساكر وضباط الشرطة و الجيش والتي لم تختلف عن احوالنا في التحرير من حيث التأثر بغاز السي أر السام و من حيث ان كلانا بيلعن سانسفيل ابو الحكومة,,كان في جيبي ادوية خاصة بالجهاز التنفسي و العيون-الملتهبة مش المفقوعة-و عند رؤيتي لهم نسيت تماما ان هؤلاء هم الذين كانوا يقنلوننا و يضربوننا بغاز سام قاتل,وبدأت في مساعدتهم بما أحمل من أدوية,وفجأة جاءت التعليمات للصفوف الخلفية و ليس ألأمامية بالضرب,فقد كان معظم افراد الصفوف ألأمامية قد تكوموا بجوار الحائط بسبب الغاز

طبعاً الصفوف الخلفية ضربت فجأت القنابل فوق رؤس الصفوف الأمامية و فوقي معهم فأصابنا جميعاً ألأختناق و فعلا اوشكنا علي الموت فسارعت الي تناول الأدوية بسرع لألتفت فأجد ألأفرد الذين كنت اقوم بعلاجهم قد أوشك بعضه علي الموت فعلا و أخذ البعض يصرخ طالبا الله تارة و لزميله تارة اخري-يوم قيامة صغير-,فقمت بفضل الله من سقوطي و بدأت في المساعدة مرة أخري حتي نفذت الأدوية فجريت الي صيدلية بالشيخ ريحان-أيوه كانت فاتحة و أمامها سيارات و جنود الجيش- و عدت بما أستطعت شراءه من ألأدوية لمساعدة هؤلاء الشركاء في البؤس و لكن حالهم أسوء,فقد آل إليهم دور الظالم عسي ان يرفع الله عنهم مقته و غضبه

هذا ماأفعله و أحب أن أفعله و كذلك ربيت أبنائي علي فعله,,لقد حزنا بشدة لسرقة ألأموال من قبل الجيش,,و من ضرب الفتيات و السيدة العجوز بالشوم الميري,,و ألأن ,لم أتخلي عن مبادئي ولكني اتخلي عن حسن ظني بهؤلاء و أمتلئ كل يوم غضب و حذر و يأس منهم

و أسأل الله أن يبيدهم من علي وجه الأرض,,لعنهم الله دنيا و آخرة

رضا