كلمة حق و من يكتمها أثم قلبه(د.صلاح هلال)

إلى كل من يتعاطف مع القتلة ومنتهكي الأعراض وإلى كل من يركن إليهم وهو لا يفهم أو يخوض في دماء وأعراض الثوار و يخلط بين جيش مصر العظيم والمجلس العسكري والدولة وبين الثوار والبلطجية المأجورين لتشويه الثورة والقضاء عليها ... إلى كل من يقول الجيش أو الأمن عنده حق أو معذور ... إحترس ... سيدنا عمر بن الخطاب رضي الله عنه قال: "لو تشارك أهل المدينة ولو بشق كلمة في قتل رجُل، لقتلتهم جميعاً فيه" ... إحذر ... ولا تُبرر القتل وانتهاك الأعراض وتُفتي بما لم تشهد ... أتُحب أن يخوض الناس في دمك وعرضك؟!!! ... إن مجرد الرضى القلبي عما يحدث يجعلك شريكاً فيه ... فإن مجرد الركون أو الميل بقلبك إلى الظالمين يجعلك منهم وتتحمل معهم مسؤولية القتل وهتك الأعراض وأنت جالس في بيتك

قال تعالى في سورة هود ..... وَلاَ تَرْكَنُواْ إِلَى الَّذِينَ ظَلَمُواْ فَتَمَسَّكُمُ النَّارُ وَمَا َلكُم مِّن دُونِ اللّهِ مِنْ أَوْلِيَاء ثُمَّ لاَ تُنصَرُونَ

يروى عن الامام الإمام أحمد بن حنبل، حينما كان مسجوناً في محنة (خلق القرآن) سأله السجان عن الأحاديث التي وردت في أعوان الظلمة، فأخبره بها، فقال له: هل أنا من أعوان الظلمة؟ فقال له: لا، لست من أعوان الظلمة، إنما أعوان الظلمة من يخيطوا لك ثوبك، من يطهو لك طعامك، من يساعدك في كذا، أما أنت فمن الظلمة أنفسهم،

وروي أيضا أنه جاء خياط إلى سفيان الثوري فقال: إني رجل أخيط ثياب السلطان، هل أنا من أعوان الظلمة ؟ فقال سفيان: بل أنت من الظلمة أنفسهم، ولكن أعوان الظلمة من يبيع منك الإبرة والخيوط ..!!

فلا تجعل بحثك عن مُسكّن لضميرك يؤدي بك إلى التهلكة ... إذا لم تستطع المشاركة في إنقاذ بلادك ودفع الظلم، فلا أقل من أن تكُفّ لسانك وتنشغل بعيوبك وتدعوا لمصر بالخير ... "فمن قال لا أعرف فقد أفتى" ... ولكن "من أفتى بغير علم فليتبوأ مقعده من النار" كما قال سيدنا محمد صلى الله عليه وسلم


خلّوا بالكم وما تستسهلوش الكلام والفتي والفذلك
دكتور/صلاح هلال

التلفزيون و إعلام بيت الدعارة الأعلامية

شاهدت إبنة محترمة من بناتنا في قناة "النهار",في المستشفي و قد تم تحطيم معظم عظامها و تشويه وجهها,و قد جلس بجوارها والدها عميد اركان حرب سابق
تحدث سيادة العميد عن تاريخ عائلته العسكري ,ف له خال لواء مدير الشعبة الميكانيكية سابق و آخر لواء أركان حرب دفاع جوي
قال الرجل نحن عائلة تحترم مهنة الفرسان....,الرجل حمد الله علي وفاة أخواله حتي لا يروا المؤسسة التي ربوا فيه إحترامها و ألأنتماء لها قد وصل الحال ب..فرسانها أن يرتكبوا مثل هذه القاذورات
بالنسبة لي,آخر كام شهر شاهدت ماترتكبه الشرطة العسكرية مباحث الجيش-التحريات العسكرية-,وقد رأيت مقتل الشاب و إلقاءه في الزبالة أثناء مطاردتهم لي و لأخرين من ألبلطجية اللي زيي
و ألأن أطرح سؤالان بعد إذن السادة المحترمين بجد و الأخرين "الشرفاء",و اتمني ان أجد إجابة محترمة مش شريفة
ألأول:ليه كل إللي بيتقتلوا-بلاش بيستشهدوا- في التحرير و محمد محمود و مجلس الشعب(زي مايكون خط سير ميكروباص من بيوع و الظباط و ألأمناء) علماء و طلبة و صنايعية محترمة و لمهومش ملفات و مش من الطرف التالت و مش متلبسين بإعتداء أو حرق أو أي قرف من اللي بتدعيه السلطة الحاكمة عن أبناء التحرير؟؟؟؟؟؟؟؟؟؟؟؟؟؟؟؟؟

السؤال الثاني:هو مش التلفزيون المصري ده بتاع المصريين كلهم,,ليه بيتصرف كأنه قناة خاصة عكاشية أحادية؟؟القنوات الخاصة اللي بتقدم رأي الثوار بتسمح بإتصالات شتيمة في الثوار حتي الجزيرة بتسمح بكل الأراء...طب الماخور الشهير بإسم التلفزيون المصري,ليه مابيعرضش صور بناتنا المضروبين و الشهداء و أهلهم و رأي الناس؟؟؟
هل من حق المؤسسة الأعلامية المصرية أن تتجاهل حق الدم لمصرين؟؟؟....هل من حق المؤسسة الأعلامية المصرية أن تبث أكاذيب ولا تبث التصويبات لها,,كما حدث في كذبة الشباب اللي عذبوهم و أجبروهم علي الكذب و ثبت إنهم محبوسيين قبل
التهم الملفقة بثلاث أيام في خناقة في الشرابية و محجوزين في نيابة كوبري القبة و ماكانوش في التحرير؟؟؟؟؟؟

هل يصح ان يقوم التلفزيون المصري بالصراخ طوال اليوم في اذان الناس بأن هناك من سوف يحرق البلد في يناير و طبعامع عدم القبض علي الطرف الثالث اللي عايز يحرق البلد كل يوم مش في يناير فقط,يبقي إحنا بس اللي في الصورة و يبقي إحنا الوحشين ألأشرار؟؟؟؟؟ ده إسمه تعري...ض,,أي باللهجة العامية التغطية و التواطئ علي فعل يغضب الله و رسوله و يؤذي كرامة الناس و هيبة الدولة ,ولا يقوم بهذه المهمة إلا منزوع الضمير,منزوع الأيمان ,,لايقوم بها إلا من فقد كرامته منذ القدم ولا يعرف لها سبيل
التلفزيون ملك كل المصرين و يجب عرض مصايبنا و مشاكلنا جميعاً فيه و إلا إعتبرناه مؤسسة مُعادية تسعي لنشر الفتن و تدميرالتماسك ألأجتماعي و تخريب مصر و الحث علي أن يقتل المصريين بعضهم البعض و هي جرائم خيانة عظمي وليس لها إلا عقاب رادع واحد
رضا

معلش نستحمل مع بعض

نا والله بحبكم جداً و ما حبش احرق دمكم بس إحنا إتفقنا من ألأول نبقي مع بعض علي الحلوة و المرة و من هذا المنطلق-حلوة دي؟-تعالوا نفرأ الكلام ده اللي يحرق دم مش البني ادميين بس, والله لو قرأته الخنازير لبصقت في وجه قائله مولانا الشيخ ياسر البرهامي-مش عارفه؟؟ ده من حكامك الجدد-و في شروق 1054,,بيقول :"الفتاة المسحولة ليست سلفية ولا منتقبة ولكن ارتدت النقاب لتصعيد و إستثارة ألأحداث""""ء
تخيل في هذا الموقف يقول هذا الشخص هذا الكلام؟؟؟؟؟؟؟؟؟؟؟,,,أنا قرأته مرات عديدة,,و برضه مش مصدق
يعني هي رايحة و عارفة إنها حاتنضرب و تتسحل و تتعري,علشان كده لبست النقاب قبل ماتروح,ليه علشان تصعد ألأحداث,ده معناه
يا برهامي إنك حبيت تنافق و تتملص من مسؤليتك كرجل و كمدعي التدين و تنافق المجلس و كل المجالس لكن يا كابتن جيت تكحلها عميتها,ليه؟؟؟؟,,,لأن السناريو اللي إنت بتطرحه ياطويل العمر معناه إن فيه خطة بالتعاون مع الجيش لأن الموضوع حسب رؤيتك و حكمتك مايتنفذش غير كده و يبقي إنت كده بتلوش في المجلس العسكري و ممكن ياخدوا منك أعز حاجة و هي السلطة و الجاه اللي وعدوك بيه بديلا عن ما وعدك ربك من عزة لا توجد إلا عنده
إتقوا الله مدعوا ألأنتماء الي السلف الصالح,و ربنا يهديكوا و تسلموا إن شأالله
رض

معلش نستحمل مع بعض

أنا والله بحبكم جداً و ما حبش احرق دمكم بس إحنا إتفقنا من ألأول نبقي مع بعض علي الحلوة و المرة و من هذا المنطلق-حلوة دي؟-تعالوا نفرأ الكلام ده اللي يحرق دم مش البني ادميين بس, والله لو قرأته الخنازير لبصقت في وجه قائله مولانا الشيخ ياسر البرهامي-مش عارفه؟؟ ده من حكامك الجدد-و في شروق 1054,,بيقول :"الفتاة المسحولة ليست سلفية ولا منتقبة ولكن ارتدت النقاب لتصعيد و إستثارة ألأحداث""""ء
تخيل في هذا الموقف يقول هذا الشخص هذا الكلام؟؟؟؟؟؟؟؟؟؟؟,,,أنا قرأته مرات عديدة,,و برضه مش مصدق
يعني هي رايحة و عارفة إنها حاتنضرب و تتسحل و تتعري,علشان كده لبست النقاب قبل ماتروح,ليه علشان تصعد ألأحداث,ده معناه يا برهامي إنك حبيت تنافق و تتملص من مسؤليتك كرجل و كمدعي التدين و تنافق المجلس و كل المجالس لكن يا كابتن جيت تكحلها عميتها,ليه؟؟؟؟,,,لأن السناريو اللي إنت بتطرحه ياطويل العمر معناه إن فيه خطة بالتعاون مع الجيش لأن الموضوع حسن رؤيتك و حكمتك مايتنفذش غير كده و يبقي إنت كده بتلوش في المجلس العسكري و ممكن ياخدوا منك أعز حاجة و هي السلطة و الجاه اللي وعدوك بيه بديلا عن ما وعدك ربك من عزة لا توجد إلا عنده
إتقوا الله مدعوا ألأنتماء الي السلف الصالح,و ربنا يهديكوا و تسلموا إن شأالله
رضا

قصيدة جميلة

فاكرين أحمد سبع الليل بتاع فيلم البرئ؟؟العسكري الطيب الجاهل العبيط اللي سهل يشحنوا دماغه ضد إنشا الله ابوه يقوم يضربه بالجزمة,مخلوق حطه النظام في مرحلة بينية,,لاهو إنسان كما خلقه ربه علي الفطرة التي تضمن له الذكاء الفطري و الحس ألأنساني
الطبيعي ولا هو حيوان يمكن ان يتعلم من دنياه ,فأصبح مخلوق عجيب لا يصلح إلا للإفساد في ألأرض سواء طلبوا منه ام لم يطلبوا

الشاعر أحمد عمار بعد ماشاف عساكر التحرير إفتكر احمد سبع الليل لكن مالقاش حتي الميزة الجميلة اللي كانت فاضلة لأحمد
شاف عساكر لم يتبقي من تكوينها النفسي اي بواقي بني ادم,,بقوا بني اي حاجة تانية,,تعالوا نقرا الشاعر بيقول إيه
أحمد سبع الليل
مابقاش
مابقاش بيعلي الصوت بغناه
مابقاش يعرف يعزف علي الناي
بقي يعزف بالدبش المكسور
علي روس إخواته
بقي عزفه رصاص
بيصيب القلب
..........
أحمد سبع الليل
مابقاش
بقي تاجر عرض
بقي بايع أهله و ناسه
و كل إخوانه و كل أصحابه
بقي ديب و بيعوي علي
الطاهرين
و علي الصابرين
و علي الصامدين
فدام الظلم
..........
أحمد سبع الليل
بقي كلب الليل
نهاش أعراض
واقف بيسبح للسلطان
قدام المجلس
في التحرير
............................................
رض

متحول من التحرير

نعم أصبحت من المتحولون بس من بتوع التحرير و كل من بالتحرير اصبحوا متحولون,,إزاي؟
كنا ياباشاوات زمان لو حد جاب سيرة المجلس و المشير بالعيبة-آه كان فيه,ظباط عواجيز و كانوا بيقولوا بلاوي-كان ممكن نقتله
المشير,المجلس...إتقي الله ,إخرس ياعدو الله...دي ناس محترمة بتحبنا و بتحمينا...(بلاش ألأصوات الوحشة دي,فيه حريم بتقرا معانا و بعدين ما كلنا كنا كده),,,و إذ يا إخوانا نجد أنفسنا أمام سلطة زي مايكون معاهم قائمة مرصود فيها كل مايمكن ان يدمر سمعتهم و يكره الناس فيهم و يدمر البلد بعد كده...أجندة خراب بجد,ماسابوش حاجة قذرة ماعملوهاش,,عودة حرق كنايس,إطلاق يد التجار الكبار في متابعة سياسات التجويع,,عدم ضبط اي قضية رشوة بحيث الناس تقول مفيش ثورة ولسه كل حاجة زي ما هي بلطجة و سرقة حاجة و سرقة حاجة و عشرين الف عربية و بيتصلوا بالناس و آتاوة و حلاوة و بتعدي علي كماين الدخلية قبل ماتدخل تستلم العربية و يسألك الأمين و إنت طالع"دفعت كام؟"-أقسم بالله هذا يحدث-,...ماسبيروا..إعتقال و قتل و خطف و أخيراً هتك عرض,و بيشحنوا عساكرهم نفسياً ضد التحرير و ضد الشباب بالظبط زي الداخلية ما كانت ولا تزال بتعمل,,,شحن إعلامي ضد الثورة و علشان يحللموا الحركة القذرة دي يقولك"فيييييين ثوار يناير ولاد الناس,,بتوع دلوقت بلطجية",,ما هو لازم يقول كده,,أُومال يقولوا إيه للناس؟ غدرنا بالثورة؟؟,,ولا إحنا ضحكنا علي الناس و لسه بنشتغل لحساب حسني؟؟؟؟,,,لأ طبعاً الثوار
هم اللي إتغيروا!!!!!!!!!!!ء
دلوقت الثوار في مواجهة غير متكافئة بمقاييس الدنيا,,الشباب بصوتهم و مجهودهم و دمهم,,في مقابل جيش و شرطة مغسول دماغهم و بيستحلوا دم الثوار,,وقدام إعلام من أقذر مايمكن ,,ولكن بمقاييس ربك,الحق قوة و ربنا قادر ينصر الحق فينتفع كل الناس بالعدل و خير بلدهم,,أو ياخدنا بجواره و يحتسبنا شهداء إنشأالله و يسيب الناس مبسوطين مع المجلس و الجنزوري و توفيق عكاشة و أحمد سبايدر و عمرو مصطفي.....الخ,,و يرجعوا تاني لأدارة حياتهم بالرشوة و النفاق و يقفلوا بقهم الي ألأبد و يسلموا رقبتهم لعصابة هم متعودين عليه من زمان و من فات قديمه تاه
لقد تحولنا في التحرير,,نعم لا نحب المشير ولا مجلسه ولا شرطته ولا تحرياته ولا بيادته ولا سفالة رجاله ولا كذب معاونيه ولا تحفيز أفراده ضدنا ولا قذارة إعلامه ,,,كنا بنحبك يامشير,,,ألأن وقد إمتلئت يدك بدم ابنائنا و وإتلمعت بيادات رجالك بلحم
بناتنا,فإرحل عن السلطة السياسية يمكن ربنا يغفرلك
رضا

قلوب سوداء

من ضمن العلامات المميزة لأفراد ألأمن بغض النظر عن الجهة التي يتبعها,فإنهم يتفقوا جميعاً في كمية سواد القلب تجاه الميدان وناسه و بالرغم من تدريبهم و إعدادهم,إلا أن من يرسله-علي مايبدو-يذكرهم قبل النزول الي الميدان إن الناس في الميدان ولاد كذا,فطبعاً الحكاية دي بتطغي علي تدريب التمويه,يعني يخش معاك في مناقشة و كل حتي في جسمه بتسبلنا الدين و الملة و كلامه مخلوط ببلاغم الغل و نظراته مليئة بحقد و غباء نازي مالوش حل
بحكي الحكاية دي لأن الأخوة دول بيهدوا حيلنا بالجدل الميري بتاع تحقيقات الجهات ألأمنية,لحد مايجوا الزملاء بتوعه يسلوا نفسهم بممارسة رياضة القنص في الميدان قبل الفجر و يقتلوا شوية بلطجية زيي و زي عيالي و زملائهم.......أول إمبارح ضربوا و قتلوا
كام واحد من ألأشكال دي و أصابوا زميل إبنتي بعيار 7/62/39 -آلي- في ظهره و نفذ من بطنه و هو بوسط صنية الميدان بالأمس ذهبت إبنتي و زملائها و تبرعوا بدمائهم له بالمستشفي,اليوم ...مات...عادي جداً,,,والله ماحد يزعل نفسه,,,طب هو إيه اللي
وداه الميدان اساساً؟؟...ما كلنا باركين علي ركبنا و زحفين علي بطونا بس لسانا شغال تمام,هو ده برضه مش كفاح برضه؟؟؟
يعني كان لازم يروح عند الناس الوحشة دي؟؟؟,,,ما كان قعد معانا يأوء زي الولاية و يلعن الظروف و خلاص
سبحان الله,,ذهب هذا ألأبن الطيب جداً لو تعلمون و قد حمل في جسده الشريف قطرات دماء زملائه لتشهد معه أمام ربه,,حمل معه قطرات دماء زملائه رسائل منهم الي ربهم المنقم الجبار تبلغ رب العزة بأن الظالمون قد جاوزوا المدي,و علوا في ألأرض علواً
كبيراً ول الله ألأمر من قبل و من بعد
علي ضمانتي ,الولد ده كان كويس,ممكن تقرولوه الفاتحة هو وكل شهدائنا
رضا