من إبداعات اهالي العباسية الحقيقيون

العباسية كلها علي الفيس بوك
يا كل عيل... حِلِم يبقى ظابط

وأمه دعيتله... وربه استجاب

ولابس دلوقتي ميري... وحاطط

نجوم فوق كتافه... وسلاح فـ الجراب

فكر كويس

وبصِّلنا تاني... وشوف احنا مين

احنا اللي لما لبست البدلة... فرحنا عشانك

ويوم التخرج رقصنا فـ حفلة

عملوها ليك الأفاضل جيرانك

واحنا اللي بينا... لو كنت راجل

راح تبقى حاجة... وراح يعلى شـأنك

احنا الشعب... مش المجرمين

فكر كويس

وبصّلنا تاني... وشوف احنا مين

أمك نزلت تعزي جارتها

فـ واحد قتله واحد زميلك

وبعد العزا وهي راجعة لبيتها

زلزل كيانها السؤال المخيف:

أنا ابني ممكن يعمل كده؟؟؟؟

يقتل جار ولا يحبس صديق

يبهدل ولايا في وسط الطريق

لأ مستحيل

أنا ابني أحسنله إنه يبقى قتيل

ولا يبقى قاتل لناس مظلومين

فكر كويس

وبصِّلنا تاني... وشوف احنا مين

احنا يا باشا... مش إسرائيل

ولا احنا ممدوح بيه إسماعيل

ولا احنا اللي غلينا سعر الحديد

ولا احنا اللي بعنا البلد... للبعيد

ولا احنا اللي شرَّبناك... مية وسخة

ولا احنا اللي عيِّشناك... عيشة ماسخة

ولا احنا السبب

إن انت وزمايلك... وعيلتك وأهلك

واحنا معاكو

نعيش محرومين
ففكر كويس

وبصِّلنا تاني... وشوف احنا... مين
--------------
طارق قطب
شاعر عامية مصري يعمل دبلوماسي بوزارة الخارجية أ
Like · · Share · 61622 ·

ميادين بلا أصنام

كلمة تقال بشكل متكرر,,"الثورة مالهاش قيادة"",,و سبحان الله ,,فلو تمعن الناس في هذه الثورة-ثورة 25 يناير-لوجد أن لها قائد عظيم جمع لها 22مليون في 12 ميدان في دقائق معدودة و قد بدأت ببضع الاف من الشباب,الذين إجتمعوا و حشدوا ولم يصل حشدهم إلا لعدد بسيط,,فجمع لهم و لنصرة الحق,زعيم الثورة,,من يؤتي و ينزع الملك ممن يشاء,,22مليون و زادهم بعد ذلك
إنه الله الواحد ألأحد,,,لقد قط الغبي حسني النت هو حبيبه,,ولم يفطنوا الي أن ال22مليون مصري لا يعرفوا من أمر النت هذا إلا ألأسم فقط
هذه ثورة من صنع الله,,ولكن شاء البعض من رجال السلطة و ألأمن التنادي في نفس طريق الغباء و عدم الفهم و أستمروا في بغيهم و إعتدائهم علي المسالمين من الشباب,,لقد تسائلت,عندما قبضتم علي أربعة شباب من ستة إبريل التي تصيبكم بذعر مبالغ فيه,,و قمتم بخستكم المعتادة بتعذيبهم أربعة ساعات متواصلة لتوزيعهم دعوة 25يناير القادم و لتخبطكم و غبائكم وجهتم لهم تهمة حمضانة من الخمسينات""قلب نظام الحكم"",,هل المنادي بالقصاص للشهداء يطلب قلب نظام الحكم,أم هذا إعتراف ضمني منكم أنكم و نظامكم الفاعلين للجرينة,,واللي علي راسه بطحة
سألت سؤال آخر,,لماذا--بالمرة يعني--لم تقبضوا علي بلطجية و تجار المخدرات بمصر القديمة محل الواقعة؟؟؟دول جنب القسم,,طب ليه "ألأهالي"اللي بلغوا عن 6إبريل مابيبلغوش عن البلطجية بالمنطقة؟؟؟؟؟مش هناك برضه بلطجية مشهورين و في الجيارة..الخ
لازال""نظام الحكم"يتغافل عن حقيقة تدخل الله بعزته في هذه الثورة,,ولازال يبحث عن محرضين,,مدفوعين,,قابضين فلوس,,أي أنهم يبحثون بالظن في الشباب بما فيهم هم,,إنهم لايصدقون -و هم مماليك العصر-أن هناك من تحركه دوافع الكرامة و يكره الظلم
و علي رأي المثل الشعبي""الخاين,,يخون"""متي يفهم هؤلاء أن هناك أشخاص مختلفون عن مرشديهم و كلابهم,,أتذكر دائماً
التعميمات التي سمعتها من قيادات كبيرة من الداخلية في الماضي""ده شعب إبن....",,""آه الناس بتاعة الجماعات دي,دايماً بيجولنا المكتب ,و بيقبضوا مبالغ جامدة من الوزارة""",,إذاً المشكلة مشكلة تميز,,كله زي بعضه,,والدماغ الضيقة ماتستوعبش أكتر من صورة واحدة
إنها ثورة من صنع الله,,وقد رأيت الناس بالميدان منذ بداية هذا الحدث الجلل,,بشر عاقل لا يردد أي هتاف و السلام,,ولكن إن لم يتقبلوا هتاف ما,تجد رد الفعل الصمت المفاجئ,,و إذا تريبوا من صاحب الهتاف و من غرضه,,هتفوا هم,,إرخل إرحل,لم يكن أبداً أهل الميدان ببغاوات وتردد أي فكرة,,ولا قطيع منالمعيز يمكن أن يساق
جمع بعض الشباب عدة الاف بجهد إستمر عامين,,و جمع الله 22مليون في دقائق,,و سبحن مقلب القلوب,,قطعوا النت,قتلوا بالقناصة و بشكل إنتقائي بعض المثقفين ظناً منهم أنهم المحرضين,,إعتقلوا 12الف,,عذبوا,سحلوا,كشفوا عن العذرية...و كذبوا و أفتروا مزيد من الكذب لتشويه الثورة و صهدائها,,سرقو الرصاص من الجثث بالمشرحة,,بدلوا الجثث بشهادة ألأطباء بدلوا بيانات الجثث ببيانات المساجين,,شهد امامنا ألأطباء بأن أفراد أمن الدولة أبدلو ثياب بعض الشهداء ببدل المحكوم عليهم بالأعدام
كأنما المحكوم عليهم بالأعدام بعد فتح السجون عليهم,,خرجوا بهذه الملابس ,و توجهوا مباشرة الي الميادين و الأقسام تحديدا بالبدل الحمرا!!!!!!!!!!!!!!!!!!ء
متي يفهم هؤلاء و متي يؤتيهم الله البصيرة و الحكمة,,,لقد علمني اساتذتي من اربعين عاماً::أن الحمار ليس هذا الذي بخطئ ولكن الحمار هو هذا الذي يكرر خطئه ولا يتعلم مما سبق
رضا

أفلام و مواقف

مجرد خاطر و مش هزار,,والله بجد,,,,كل مابسمع الجماعة بتوع الطرمخة علي خيانة حسني العظمي و أعوانه,,و معلش و التسامح يا أخي و محمد حسان و هو بيقنعنا بمنطق إستسلموا لحسن تموتوا و بلاش تخوفوا الذين أجرموا لحسن يجرموا تاني...الخ
كل ما بسمع الحاجات دي و إنه يجب أن أهدأ حتي تنصلح ألأمور و أفتكر إني مش هدأت و بس لأ دا أنا نمت و شخر...,يوم 11فبراير
و إنضحك عليا ولما قومت لقيت الدنيا خربانة , علي إيد مين؟؟؟ نفس الناس اللي ألأخوان و السلفين بيأكدوا علينا دلوقت إن الخير في الأستسلام لهم و الصبر عليهم....كل ما بسمع هذا الكلام دلوقت بأفتكر الست ريا و هي داخلة علي الرجالة و غضبانة جداً بعد ماقتلت الست و سبب الغضب هو إن الست و هي بتقاوم عضت إيد الست,ريا داخلة الحجرة و بتقول"الولية عضتني,,تقولش عدوتها؟,هو أنا كنت عملتلها إيه يعني؟؟؟؟؟؟"""""ء
صحيح,هي ريا كانت عملت إيه للولية دي؟؟؟ كانت بتخنقها بس,,,تقوم تعض إيدها؟؟؟ لأ عيب جداً طبعاً
من ضمن المشاهد السينيمائية الشهيرة التي تقفز الي خيالي أيضاً,في موقف الزن علي التسامح الكاذب بتاع الأخوان و السلفيين إياه
هو مشهد عادل أدهم -الشيطان يعظ.....-و يطارد سهير رمزي من أجل أن يغتصبها,فترقي سلماً,فيقف علي أول درجة قائلاً لها"حرام عليكي,,تعبتيني,,ده أنا أد ابوكي.........."""""",صحيح ,إزاي تتعبه كده ؟ده أد أبوها و كبير المنطقة و الخروج عليه حرام مهما إن عمل ,,,أُمااااااااال
أما بخصوص بيع غاز مصر و رخام مصر ورمال الكريستال بأبخس الأسعار علشان اللي بيبيع ملهوف علي البيع و علي عمولته اللي خدها علي قدرته علي بخس السعر و النصب علي أصحاب البضاعة,,,و بعدين يرجع أصحاب البضاعة يشتروا نفس هذه البضاعة بالغلا و ألأسعار العالمية و الحرامي إياه يرجع يستوردهلهم تاني و يعلي السعر عليهم لصالح اللي باعلهم الأول و يضرب في جيبه عمول تاني,,,القرف ده فكرني بفيلم خير في سلامة لما حل محل الأمير و عرض عليه أن يحتكر الرجل الشامي بترول بلد ألأمير,فما كان منه إلا أنه طرح سؤال بديهي جداً علي الحاشية قائلاً:"طب إنتوا عملتوا حسابكم في الشمع؟؟؟,,,ماهو لما يحتكر حضرتوا الجاز بتاع البلد الناس حا تنور بإيه؟؟؟؟؟"
طبعاًً إجابة سؤال نجيب الريحاني موجودة عند حسني و عصابته""إنت تؤمر,,نستوردلك جاز و بنزين و كل اللي نفسك فيه,,و اللي ماعوش,مايلزموش""",,,سبحان الله,كل بلد ربنا خصها بحاجة تكون متوفرة و كتيرة يستمتع بها شعبها بدون معاناة,,,لكن مصر في عهد الخائن حسني,و بعد إستيلاء عصايته علي خير أرضنا كله,لم يعد لنا ما يمكن أن نسميه "أكل الفقير",,هل الفول و الطعمية,حتةالجبنة و قوطاية,,,طبق الكشري,,حتي الرغيف الحاف,,هل أي حاجة من دول اللي كانت أكل الفقير لسه برضه أكل الفقير؟؟؟؟؟؟؟؟؟؟
أخر فيلم بتاع إسماعيل ياسين,"الشاويش 13", والمشهد هو عندما قبض إسماعيل ياسين علي المجرم"المليجي"",و إحتاس فيه بسبب الخدعة اللي عملها المجرم,,وقد سبق هذا المشهد,مشهد المطاردة و الذي كان إسماعيل ياسين يصرخ فيه "إمسك حرامي"و نري إسماعيل ياسين أمسك بالمليجي,,و المليجي سيطر علي الموقف بالحيلة ,ثم نسمعه يقول متلمزاً لأسماعيل ياسين"إمسك حرامي,إمسك حرامي,,أديك مسكت الحرامي,,,وريني حاتعمل إيه؟؟؟",,,بأفتكر المشهد ده مع أي أخبار مقرؤة أو مسموعة عن محاكمة حسني و العصابة الكبري,,و طبعاً إذا إستسلمي لحيلة الحرامي يبدأ بعد ذلك بالأبتزاز كما رأينا في الفيلم,,,ولكن و بما إن المصرين مش كلهم إسماعيل ياسين,,,فسوف تكون الخاتمة مختلفة جداً
أفلامنا ظريفة ولكن عميقة و معبرة , ركزوا في أفلامنا القديمة بالذات
رضا

المحاكمة و حواديت أخري

أخر جلسة طلع فيها كلام كتير,,كلام مالوش وزن في عالم القانون بس "يزغزغ" الناس و يعملهم دماغ ,زي"إنت سمعت كلام مراتك علي حساب مصلحة البلاد"""طاطاطاطااااااااا,,,و "عشلان تورث إبنك خربت البلد""",طي طي طييييييييي
يعني,شوية كلام جامد زي اللي بتقوله "الميس في الفصل,علشان تقول للولد الشقي..ساي سوري..أقعد...ماتعملش كده تاني
لكن,,والله أعلم,,لقوا إن المهوبصة دي خلت منظرهم أعبط من ألأول,ف طلعوا في الجرايد النهاردة كلمتين ينفعوا يتحطوا في صياغة قانونية,,,بس فيه مشكلة,,,الكلام بتاع النهاردة لو قالوه ورجعوا لحسوه زي ما عملوا بعد كده,,حايبقي الوضع وحش جداً و الوزن خفيف و بكدة يبقوا بيستكملوا مسلسل "إنتحار الدولة"",,و الدولة فعلا بالعك ده بتتعرض للأنهيار اللي كل شوية يلزقوه فينا-بتوع التحرير-,,أو في ستة إبريل أو الشيخ "عنيز" اللي بيعمل أعمال و شعوذة في المنوفية
الكلام الصادر من أهل القانون النهاردة -مُجمّع من بعض الجرائد-,كالأتي
المستشار مصطفي سليمان المحامي العام الأول لنيابات إستئناف القاهرة واصل مرافعات النيابة التي بدأت أول أمس,,وقال:"أن هناك خمس بنود من أدلة ألأثبات تؤكد أن جميع المجني عليهم تم قتلهم و إصابتهم "غدراً"..أثناء المظاهرات السلمية
و تقييم النيابة أن من أحدث القتل و ألأصابات كانوا من رجال الشرطة
هنا قاطعت المحكمة و وجهت سؤال: هل طلبت النيابة من الجهات المختصة ألأدلة و البراهين؟؟؟
نعم و تقاعص اللواء وجدي و لم يرد و ردت هيئة ألأمن القومي فائلة"""ما عندناش معلومات"!!!!!!!!!!ء
المحكمة::هل كان هذا نقصير أم عن عمد؟؟؟
المستشار:علي الرسمي,فيجب أن أحقق قبل الرد,,أما علي المستوي الشخصي,,فأري أن هناك "تعمد" واضح,كما أن المتهمون رأس الدولة و أعوانه و رجاله هم المكلفون بتقديم المعلومات ضده و هذا كان مستحيل

إعتمد المستشار سليمان بشكل كبير علي حوالي ألفي شهادة و كان من بين ما علاض في المحكمةالشاهد الأول في الجلسة
اللواء حسين سعيد موسي مدير إدارة ألأتصالات في قطاع ألأمن المركزي الذي قال:إنه و أثناء وجوده في محل عمله,سمع أوامر محددة و صريحة من اللواء أحمد رمزي موجهة الي مدير العمليات بميدان التحرير بتزويد القوات بالآلي و الخرطوش و الذخيرة
كما صدرت الأوامر لكل القوات بإستخدام كافة ألأسلحة ضد المتظاهرين
وقد شهد بذللك عدد أخر من ضباط ألأمن المركزي,كما شهد المقدم طارق عبدالمنعم بأن وضعية الجنود كانت ألأستعداد لضرب النار ولا يمكن وضع التشكيلات بهذه الوضعية إلا بتعليمات من الوزير شخصياً
كما شهد مقدم في إدارة شؤن المجندين بمعرفته بإجتماع الوزير مع القادة و إعطائهم أوامر بمواجهة المتظاهرين بالسلاح الناري
كما شهد اللواء حسين عبد الحميد مساعد الوزير لقوات ألأمن أن العادلي أمر بقطع ألأتصالات و وشهد اللواء بإستخدام الشرطة الأسلحة النارية ضد المتظاهرين و هو ما أكدته شهادة مأمور قسم ألأزبكية و نائبه و مأموري أقسام,,بولاق الدكرور,مصر القديمة قصر النيل,الهرم,العجوزة,,و كذلك كل ألأقسام المحيطة بالتحرير
شهد أيضاً عدد من قيادات أمن المواني,بأن عدد من قيادتهم أشرفوا علي عمليات تجميع البلطجية لمهاجمة المتظاهرين لأظهار المسيرات علي أنها أعمل تخريبية
شهد أيضا بعض ضباط العمليات الخاصة بتوزيع السلاح الناري علي المجندين بتعليمات عليا,إضافة الي شهادة العديد من ألأطباء بإصاية أعداد ضخمة من المتظاهرين بأعيرة نارية
شهد سكان المربع بتعمد دهس المدرعات و مركبات الشرطة للمتظاهرين و شهد مواطنون و سكان بإقتحام عدد كبير من الضباط و الجنود الجامعة ألأمريكية و ضرب النار من أعلاها علي المتظاهرين بما في ذلك جنازات الشهداء و التي حسب رواية السكان أنه تم "إمطارها"بوابل من الرصاص
و قد قام المستشار سليمان بعرض الفديوهات الخاصة أمام المحكمة
و أنا أسأل هنا سؤال::هو إزاي فنانين و سلفين و تلفزيونين و ووو شافوا جوا الخيم الشباب بيعملوا حاجات وحشة,,و ماشافوش الرصاص و القتل و سفك دماء العزّل؟؟؟؟؟؟؟
طب ليه ما أمروش بالستر علي العيال الوحشة و مقطعين نفسهم علشان ""التسامح""مع القتلة و الظلمة و اللصوص؟؟؟؟
طب ليه قالوا علي البيادة الخفيفة بتاعة سلاح المظلات"كوتشي",وعلي سحل و هتك عرض البنات في الشارع و في حجز مجلس الشعب"""فوتو شوب""",,طب إيه أخبار الفوتو شوب اللي إتعمل لأخوانه المحترمين أللي غالبا هم اللي سلموهم لأمن الدولة بما فيهم الشهيد الشيخ سيد بلال؟؟؟؟؟؟؟؟؟؟؟؟؟
ملحوظة أسئلتي كلها فوتو شوب و هيا بنا نسكت عن الحق و نشوه سمعة البنات و الشهداء ,,دا في سبوبة جامدة قوي ورا الطرمخة دي,,فلنطرمخ يا إخواني
ملحق::شوفتوا مؤتمر الجنزوري إمبارح اللي كان منغير لازمة اساساً؟؟,,,بيقول يا جماعة الجيش حايسيب السلطة لمين بس؟؟؟
دي البلد اساسا ما كانش حد بيديرها!!!!!!!!ء
طب يا كابتن يسبهالك,,ليه لأ؟,,هو إنت لامؤخذا مش ماسك كل الصلاحيات علشان الناس المغشوشة فيك بتقول عليك مية,مية؟؟
طب البلد ماكانش حد بيديره و حسب كلامك الشعب صبر ستين سنة,,هو إنت لامؤخذا كنت شغّال مع مين الستين سنة اللي فاتت؟؟
مش إنت خبرة و ركبت مع عبد الناصر و السادات و حسني؟؟ ولا كنت مطرمخ علي الطابونة ستين سنة؟؟؟؟؟؟؟؟؟؟
طب حد يسمعنا دفعة آلي في الهوا أو زغرودة حلوة
رضا

الحقيقة و السراب

إسم مسلسل لم أشاهده ولكن أعجبني ألأسم.الأسم مكون من متناقضين لايجتمعان علي أرض الواقع إلا بالتلفيق,,أي بخداع النفس و الغير,أن يضع الحلو و المر معاً,,ولا يتم هذا إلا بحيلة واحدة و هي أن يستغل المرأ قدر من سمات الحقيقة الواقعة لدعم السراب الزائف
ليس من الضروري أن تكون هذه اللعبة من أجل خدمة هدف إجرامي ولكن يقوم بها أي منا بأغراض طيبة مثل المجاملة,,أو التشجيع
فتجد نفسك متحمس في أن تعظم و تضاعف تقيمك الإيجابي لشخص ما علي فعله شئ طيب,,فتنسب إليه البطولة و تبالغ في الدعاية لعمله هذا
البعض يستغل هذا الأسلوب في الدعاية و النفاق لشخص ما أو يستغلها من تمدحه نفسه حيث لا يبدي تواضع في مقابل مجاملتك ولكن يشمخ فوق الناس بها و فوقك أنت أيضاً و ينسي أصله و أصل الحدوتة,,,فتقول مثلا"فلان ده كان معانا في الشغل و كان راجل مجتهد و شاطر و أستاذنا" و يعلم الله أنه ليس فيه واحد علي مليار من هذا فتفاجأ به أنه ممن يحبون أن يمتدحهم الناس بما ليس فيهم,فيرفع رأسه في عزةالأثم و الكبرياء,و يدخل في مرحلة مرضية يتعامل فيها مع الناس و هو ممتلئ بعلم و خبرة و شطارة كاذبة,فيتكبر ويتعالي علي من حوله
سبحان الله,,عندما أنعم الله علي بالجلوس بين يدي العلماء الحقيقيون,وجدت أن أكثرهم علماً,هو أكثرهم تواضعاً و أقلهم شأناً,هو أعلاهم صوتاً و أسوأهم خلقاً لأنه إكتفي بالسمعة و الصيت الزائف ,فأراح قلبه بكذبة يخفي بها الضعف الداخلي الذي يعرفه هو عن نفسه و القوة الخارجية التي يستغلها في محاربة و تحطيم أصحاب العلم الحقيقيون و اصحاب ألأمجاد الحقيقية حتي لا يعلو نجمهم فيوضع هو في حجمه الطبيعي المتدني ,فتجده يتحول الي شخص كاذب,فاحش اللسان,دائما يروج إفترائات من نوعية"يا عزيزي كلنا لصوص",,"الناس كلها بنت...",المهم هو تحطيم الهمم و إحباط الناس و هذا من أجل ألأبقاء علي صورته المزيفة في الصدارة دائماً,إنه كمعدن زائف مصدي يحتاج الي التلميع دائماً,و عندما يفشل التلميع يلجأ هو وأعوانه الي "خزق "عيون الناس حتي لا يروا حقيقة أمره,فيلقون به في أقرب مكب للقمامة
حديثي هذا بسبب نقاش دار بيني و بين بعض ألأصدقاء عن حسني و أكاذيبه التي دمر بها الهمم و الذمم و عمل علي ترسيخ فكرة أننا شعب بهايم و فاشلين و عددنا كتير منغير لازمة,,و كلنا حرامية...الي أخر قاذوراته هو و عصابته ,فعلا,ماعون الوساخةبينضح قرف و قد كان هو و عصابته يتحدثون عنا بما فيهم هم
أسوء شئ بدأ به حكمه المغتصب بالدم و الخيانة هو إدعاء بطولة وهمية و ألأدعاء بأنه بطل الضربة الجوية,,و يعلم الله و قد سمعتها من مصادر عديدة,,أن تعليمات السادات بخصوص الضربة ألأولي هي إطلاق أكثر من 200مقاتلة مرة واحدة ,,و حسب ما سمعت ممن كان منهم في غرفة العمليات حينها,أن حسني الوحيد الذي أبدي إعتراض شديد علي هذا القرار و صمم علي إطلاق خٌمس هذا العدد
ولكن السادات صمم و أضطر لشرح الفكرة لحسني عله يفهم و كانت فكرة السادات بعيدة عن إستراتيجيات الموقعة ولكن بخصوص شئ يمس نفسيات المقاتلين الذين تعرضوا لضغط نفسي طوال ست سنوات بسيطرة الطيران ألأسرائيلي علي أجواء مصر,و هي قصة قد وصلت الي بعض الصحف بعد الثورة و أصبحت معروفة,و مسئلة نفسية المقاتلين و معنويات الناس,لم يكن حسني بطبيعته الغشوم يعيرها اي بال,,,و سبحان الله نجحت فكرة السادات و عزز قراره هذا من وضع المقاتلين و أمتلؤا ثقة في النفس و كان نصر الله
الكارثة أن من أعترض علي القرار,,نسب له شياطين ألأنس القرار و النجاح,,و هو ساء فيها و صدق نفسه.طب الكذبة دي تمشي إزاي في سوق الكذب اللي أسمه ألأعلام المصري؟؟؟,,سهلة جداً علي صفوت و أنس و كل من جلس,,كلهم كملوا المهمة بخنق و دفن كل ألأبطال و البطولات لكل أسلحة الجيش المصري وكأنما حسني كان بطل أسطورة من أساطير القبائل الوثنية ألأفريقية,و يقف وحده في مواجهة جيوش العدو و يخرج النار من أنفه و الدخان من الشكمان,ولا يوجد غيره في ساحة الحرب حتي حقق ألأنتصار وحده و باقي الجيش ,,كومبارس.....حسبنا الله و نعم الوكيل
للأسف يحاول نفس كهنة ماخور ألأعلام المصري إفساد قادة الجيش الحالين بنفس الطريقة,,ولكن التاريخ الحقيقي يعود دوماً ليذكر الناس بما حدث حتي ولو بعٌدت المسافات.لقد شهدت مصرالعديد و العديد من الحروب,ولكن 99%منها كان في داخل ألأراضي المصرية ذاتها,,و معني هذا أنه كان للشعب و المقاومة الشعبية دوراً عظيماً بها.خلينا في أحر الحروب,56,هزيمة عسكرسة و بطولات شعبية عظيمة,,67,نفس الحكاية,,73,بدأت بنصر عسكري ثم إنتهت بالثغرة ألتي أوصلت الجيش ألأسرائيلي ال منطقة خلف مطار القاهرة
مما إستدعي تدخل الشعب و القيام ببطولات عديدة,,كل هذا لا يشين الجيش,,طب ما الجيش هو إبن الشعب و إخوانه ,لكن المشكلة أن يتسلط أحد أفراد المعادلة و يفرض نفسه بجبروت و يختلق ألأكاذيب و يبالغ في الدعاية لدوره علي حساب أدوار ألأخرين
هنا يتململ ألأخرين الذين تم بخس حقهم -ولم يكن هذايهنيهم من قبل-,و تبدأ مرحلة الصراع من أجل إظهار الحقائق و من أجل إعادة التوازن في العلاقة.علي كل,فإن هناك الكثير ليقال و هذا الكثير ليس للرد علي العسكرين ولكن للرد علي الكهنة إياهم الذين إذا رفعوك من أجل مصالحهم,يمكن أن يطعنوك يوماً,,من أجل مصالحهم أيضاً
رضا

إنه إمهال الحليم وليس إهمال أبداً

كتبت ليكم و شكوت لربي سبحانه أمر من أستشهدوا و بعد قتلهم أخذ قاتلهم و أتباعه من السفهاء بالتمثيل ,,ليس بجثثهم ولكن بسمعتهم و تاريخهم و تحريف موقف الأستشهاد,حيث يجعلك تبكي و تسح علي القاتل ياعيني اللي "طرطر"علي روحه من الخوف
الناس الوحشة اللي مخها طلع من دماغها,و عينيها طارت و عجزت....شكلهم بقي ياااايييييي,,صحيح ماكانش معاهم سلاح,بس كانوا عايزين ياكلوا الشرطة المدنية و العسكرية و الصاعقة و المظلات,,,آه دول غلابة جداً,,مش فاكرين الست الlذيعة و هي بتلطم من شباك ماسبيرو و بتقول إلحقوا الجيش,,,ألأقباط مقطعين الجيش,,الناس حاتموت الجيش,,,و طبعاً لولا السلفين المجاهدين جم و قعدوا يطاردوا وحشين تلاتة من الأقباط في شارع فؤاد و عند نقابة الصحفين و إدوهم علقة موت,,كان ألأشرار دول إنضموا للوحوش التانية عند ماسبيرو و موتوا الجيش كله ياعيني
القصد و المقصود,,أحكام البراءة و حيثياتها التي تقول بإن الأخوةبتوع ألأقسام كانوا بيدافعوا عن ألأقسام , ضربوا بالرشاشات مجموعات المارينز المصرين المهاجمين.....جميل....,طيب أن طرحت سؤال وهو :ليه قتلوا ألأعداد الضخمة دي مع إن المارينز دول كانو غير مسلحين و من الشهداء سكان في الشبابيك و ناس معديه؟؟؟؟؟,,,,مع إن ألأقسام و المراكز و المحافظات و البالون بتاع السائحين و مباني كتير و بتتهاجم بالسلاح ألألي كل يوم تقريباً و لمدة عشر شهور و مع ذلك ألأخوة بتوع الشرطة و زاد عليهم بتوع الشرطة العسكرية و المظلات و الصاعقة ماقتلوش ولا واحد من اللي بيضربوا بالآلي؟؟؟؟؟؟؟؟؟؟؟
إفتكرت دلوقت حادثة ألأقصر 97 و كنت هناك تاني يوم برفقة وفد ياباني خاص و أول سؤال جاء الي ذهني سألته بشكل شخصي و علي جنب لأحد أفراد الداخلية عن ضابط شرف-مخلة-كان يقف في تمركز بين المعابد و كان عملاق مخيف طوله يتعدي المترين و العشرة سنتيمترات و كان له هواية مفضلة و هي تقليب الميكروباصات و الموتسيكلات في خمساية أو بريزة كبيرة و إلا يمارس معهم هوايته التانية و هي ضرب المخالفات و سحب الرخص
كان يقف بجانبي أحد ضباط السياحة بالأقصر,,فضحك و قال لي,,إنت عارف حصله إيه؟؟ أثناء مرور ألأتوبيس المخطوف ضرب عليه الخاطفين رصاص فسقط علي ألأرض, و ظن الناس أنه قتل بفضل الله, و عندما ذهبوا لحمله و جدوه غير مصاب و عندما أفاقوه من إغمائته,قام مذعوراً مرعوباً يهذي و أٌخل المستشفي و هو يعاني من ألأنهيار العصبي...ولا حول ولا قوة إلا بالله
أثناء ضرب القوات المشتركة لنا لاغازات القاتلة و بالرصاص و أثناء حملي لبعض الشباب تذكرت سنوات الأرهاب بدأً من أحداث المذابح التي قامت بها التيارات ألأسلامية منذ عصر السادات وصولا لهدنة ألأرهاب المريبة أواخر التسعينات,,تذكرت أن قتلي الشرطة في المواجهات مع ألأرهابين,,عشرات ألأضعاف بالمقارنة بقتلي الإرهابين,فرق كبير جداً,,تذكرت حملة إمبابةمنذ سنوات للقبض علي شابين مسلحين و كان الخبر يقول,ضرب أكثر من عشرة الاف طلقة و طلقة أر بي جي و إنهيار نصف منزل و...هروب الشابين!!!!!!!!!!!!
تذكرت كل هذا و أنا أري جنود نفس المؤسسة يقتلون و يسحلون و يخطفون و يعذبون و ختاماً يسحلون عرضهم و تنهال أحذيتهم الغليظة فوق جسد البنات ,,و بعد كده تجد من يقول لك ""أصبر عليهم علشان الدولة ماتنهارش"",,و أنا أتسأل,,هو كان فيه دولة أصلاً؟؟,,و دول رجال نظام ولا بلطجية و أفراد عصابات غبية؟؟؟
النهاردة في الجرائد,صفحة الحوادث حوادث تحدث كل يوم تقريباً::"معركة بالآلي أمام ملهي ليلي بالمريوطية"",,,,طبعاً حضراتكم عارفين إن كباريهات الهرم في حضن العمارات و السكان,,و ضرب ألي ممكن يقتل أطفال و ناس معدية و ناس في الشبابيك,,وكمان بين الخناقة و معسكر الجيش "بني يوسف"حوالي عشر دقايق,,و عند المحافظة مدرعات و القسم جنبها,,و الشارع فيه أكتر من تمركز شرطة عسكرية,,طب ليه ما حدش "قتل" او سحل أو خطف اللي معاهم ألي؟؟؟؟؟؟؟؟؟؟؟؟؟؟؟
الحادثة التانية::"اهالي متهم بأشمون يهاجمون القسم أشمون بالحجارة و يحطمون مركبة للداخلية لتهريبه""",,طب حد إنقتل؟؟
حد إنسحل؟؟,,حد إنخطف و إنقتل زي المصري"الشاب قناوي محمد""و غيره كتير؟؟؟؟
أعتقد إني بدأت أفهم السلطات في مصر بتشتغل إزاي و دماغها متظبطة في أي إتجاه,,,,,و....سبوهم يشتغلوا بقي
رضا

نجيب محفوظ بين السماء و ألأرض

يقع نجيب محفوظ في موقعان متناقضان متباعدان بشدة ,كبعد السماء و ألأرض.محبي محفوظ يرفعونه الي السماء و كارهي محفوظ يخفضوا من قدره الي ما دون سطح الأرض
بما أنني من "بتوع التحرير" فتجدني زي أي بتاع من البتوع السابق ألأشارة إليهم لا نميل الي تأليه من نحب ولا تشويه وسحق من نكره ألهم من قتل و خطف و عذب فلنا معه وقفة أخري
القصد,,إن محفوظ أديب و كاتب,الكتاب بقي ليهم مواقف و مراحل,,يعني عنده فكر معين ولكن ممكن يغيره بعد حين لظرف ما,,مثلا تقلب توفيق الحكيم من تصنيم و تأليه عبد الناصر الي محاسبة و تقييم عبدالناصر بدون تأليه ,,وهذا يحدث مع عموم أهل ألأدب و الفكر
نجيب محفوظ و ك كاتب له ماله و عليه ما عليه,,و من العجيب أن تري التيار الديني يحمل عليه حملة شعواء و دون النظر الي الحجم الطبيعي له ك أديب,,,نعم حصل علي نوبل و نوبل لمن لا يعلم يتم اللعب بها في إطار السياسة و الخطط الدولية,,حتي مع محفوظ,تجد أنهم لم يمنحوه نوبل علي أعماله ألأدبية ألأكثر نضوجاً و وزناً ولكن منحوه الجائزة عل عمل من بكريات أعمله من مرحلة البدايات و الأستهلال و هذا من ألأمور العجاب,و خاصة أنها رواية مثيرة للجدل و في عصر كانت الموضة ألأدبية مواضيع "العبث",حيث ينظر المفكر الي الدنيا نظرة عبثية و الدنيا عبث...الخ,,,,و أشهر من عبثوا كان الفرنسي الجزائري"البير كامي",,و كانك باقي العبثيين متأتر بموقف طفولة تسبب فيه رجل دين .عندما جاء الطاعون الي الجزائر,وحصد الكثير من البشر,أخذ القسيس يوبخ ألأهالي و أخذ يقول لهم إنه عقاب الرب لأنكم لا تحسنون الطاعة
القسيس واظب علي هذا الجلد كل يوم ولمدة طويلة,,و إذا بالقس نفسه يصاب بالطاعون و المفروض إنه و حسب ما أوحي للناس بأنه ألأكثر طاعة,,أول من تشكك في كل شئ سمعه وكل شئ رأه,هو الطفل ألبير,شك في الدين,و بالرغم انه لم يلحد,إلا أنه شك في حكمة الرب لسؤ تفسير القس لموقف الطاعون,فقد عمم حكم الفساد علي الجميعوبدون أن يلفت نظرهم أن من الفاسدين من يصلون و يصومون و يتصدقون ولكن يتواطئون علي الفساد,وترك رجل الدين هؤلاء في ظنهم إنهم ناس زي الفل و إحنا بتوع ربنا و هو إحنا عملنا إيه يعني؟ لقد حدثهم عن الفساد ولكن لم يوضح لهم دور و تقييم المشارك الجنتل اللي في حاله و....مالوش دعوة
المهم,نجيب محفوظ لا هو خير مطلق ولا هو شر مطلق و حل المشكلة في إخضاع الموضوع للنقاش و لن أقول ديني ولن أقول أدبي ولكن أقول نقاش علمي,و يجب أن نتوقف جميعاً عن رفع من نحب الي مرتبة الأنبياء وألا نخسف بمكانة من نكره أو مالا نفهم الأرض
أعتقد أن مشكلتنا تلك سوف تظل قائمة في ظل عدم القصاص من المجرمين الذين يحرصون أن تكون طريتنا في التفكير هلامية و عشوائية و مشوشة فلا نري الحق حق ولا نعرف كيف نراه أصلاً
صدق الله عندما أعلمنا أن الظلم ظلمات,,سبحان الله,,ظلمات ياسادة,,,ظلمات لا تري فيها الحق من الباطل و إذا ضربك من علي يمينك ضربت أنت من علي يسارك,,و الكيفية الوحيدة لأن نري بعضنا البعض في الظلام هي الصرخ,و الصراخ يزيد أذاننا صمم و أعيننا غشاوة,,,أما العدل فهو نور,,العدل من أسماء الله و كذلك النور,و في النور تري الحق وتعرف الباطل,,أما علي مانحن عليه ,فلا يعلم غير الله أي جرف نحن مساقون اليه,,,العدل ياسادة وإلا دخلنا الي ظلمات من بعد ظلمات
رضا