النهارادة أحب أقدملكم طريقة ممتازة تضيع بيها حقك في خمس دقائق.
أولا:أول ما حد يعتدي علي حقك,إبدأ بالصراخ و سب الدين و حدف الطوب.الصراخ يخلي الناس ماتفهمش إنت بتقول إيه,, سب الدين و الشتيمة تخلي الموضوع يروح في حتة تانية,,,حدف الطوب حيجي في ناس تانية ملهاش دعوة أو في ناس ربما تكون متعاطفة معاك و عندها إستعداد تساعدك.
ثانياً:هاجم أقارب العدو المسالمين الموجودين علي أرضك,,حاجة علي أد إيدك يعني,,,فيفهم العالم أنك ضعيف و بتقدر علي الجنب الضعيف,,,زي الداخلية المصرية كدة,,,,تنضرب من ولاد نخنوخ تقوم تعمل لجنة و تلم فلوس,,أو تنزل تلطش في العيال و الحريم,ما هم إللي علمونا ردود ألأفعال الغبية دي.
ثالثاً:خليك غبي و ماتتدخلش في ألاف القضايا المهمة طول السنة, وإستني لما يرمولك حاجة تزعق عليها,فتخدم مصالحهم هم.
يعني طنش علي الفساد عندك و قتل الأبرياء في البلاد المسلمة و أغتصاب أعراضهم و فساد حكامك لحد ما يعملوا فيلم ولا شوية صور خايبة .
رابعاً:تجاهل الناس المحترمة جوه و بره من عائلات من إعتدي علي رموزك,و هات يا هبش و غباوة علي الجميع,,يعني إنسي مجدي يعقوب و سمير أبانوب و أخواتك المسيحين و جيرانك جوه و بره وركز علي الفاسدين من أهلهم,,بالظبط زي الغرب مابيعمل معاك,,بيتجاهل علمائك و محترميك و بيركز علي شوية عيال أغبية هو إللي عملهم أصلا و بيساعدهم و يقول عليك إرهابي شرير.
خامساً:كبر دماغك وبلاش تدرس نتايج عمايلك العظيمة دي و خسايرك بسببها كل مرة و عيش في وهم إنك مجاهد و واد مؤمن و بترضي ربنا.
سادساً:بعد الهيصة دي إرجع وظيفتك و زوغ برضه و خد رشوة و أدفع رشوة و أرجع مصنعك و دكانك و غش البضاعة و اللقمة و أضرب ماركات و علي الأسعار و حط البايظ علي السليم, و أكذب و أحلف أيمانات في الهجايص و أظلم مراتك و أشمخ علي الضعيف و حط مناخيرك في ألأرض قدام ألأقوياء.
السادة ألأفاضل,,دي كانت طريقة مُجربة و ناجحة جداً لكي تُضيع حقوقك و تهين نفسك و تُضعف مركزك و مجتمعك و تهين نبيك و دينك فعلاًً.
أرجو أن أكون وفقت في الشرح,و البيان العملي في أي بلد مسلم حكمه و بيحكمه خونة حولوا معظم ناسه إلي خبراء في أضاعة الحقوق,,و الله الموفق و المستعان
رضا هلال
أولا:أول ما حد يعتدي علي حقك,إبدأ بالصراخ و سب الدين و حدف الطوب.الصراخ يخلي الناس ماتفهمش إنت بتقول إيه,, سب الدين و الشتيمة تخلي الموضوع يروح في حتة تانية,,,حدف الطوب حيجي في ناس تانية ملهاش دعوة أو في ناس ربما تكون متعاطفة معاك و عندها إستعداد تساعدك.
ثانياً:هاجم أقارب العدو المسالمين الموجودين علي أرضك,,حاجة علي أد إيدك يعني,,,فيفهم العالم أنك ضعيف و بتقدر علي الجنب الضعيف,,,زي الداخلية المصرية كدة,,,,تنضرب من ولاد نخنوخ تقوم تعمل لجنة و تلم فلوس,,أو تنزل تلطش في العيال و الحريم,ما هم إللي علمونا ردود ألأفعال الغبية دي.
ثالثاً:خليك غبي و ماتتدخلش في ألاف القضايا المهمة طول السنة, وإستني لما يرمولك حاجة تزعق عليها,فتخدم مصالحهم هم.
يعني طنش علي الفساد عندك و قتل الأبرياء في البلاد المسلمة و أغتصاب أعراضهم و فساد حكامك لحد ما يعملوا فيلم ولا شوية صور خايبة .
رابعاً:تجاهل الناس المحترمة جوه و بره من عائلات من إعتدي علي رموزك,و هات يا هبش و غباوة علي الجميع,,يعني إنسي مجدي يعقوب و سمير أبانوب و أخواتك المسيحين و جيرانك جوه و بره وركز علي الفاسدين من أهلهم,,بالظبط زي الغرب مابيعمل معاك,,بيتجاهل علمائك و محترميك و بيركز علي شوية عيال أغبية هو إللي عملهم أصلا و بيساعدهم و يقول عليك إرهابي شرير.
خامساً:كبر دماغك وبلاش تدرس نتايج عمايلك العظيمة دي و خسايرك بسببها كل مرة و عيش في وهم إنك مجاهد و واد مؤمن و بترضي ربنا.
سادساً:بعد الهيصة دي إرجع وظيفتك و زوغ برضه و خد رشوة و أدفع رشوة و أرجع مصنعك و دكانك و غش البضاعة و اللقمة و أضرب ماركات و علي الأسعار و حط البايظ علي السليم, و أكذب و أحلف أيمانات في الهجايص و أظلم مراتك و أشمخ علي الضعيف و حط مناخيرك في ألأرض قدام ألأقوياء.
السادة ألأفاضل,,دي كانت طريقة مُجربة و ناجحة جداً لكي تُضيع حقوقك و تهين نفسك و تُضعف مركزك و مجتمعك و تهين نبيك و دينك فعلاًً.
أرجو أن أكون وفقت في الشرح,و البيان العملي في أي بلد مسلم حكمه و بيحكمه خونة حولوا معظم ناسه إلي خبراء في أضاعة الحقوق,,و الله الموفق و المستعان
رضا هلال
ليست هناك تعليقات:
إرسال تعليق