دي شهادة تسنيم مذيعة راديو صوت مصر بعد زيارة رابعة وهي مش اخوان خالص وبتنتقدهم ديماhttps://www.facebook.com/
Tasneem Elnekheely
مشوفتش آر بى جى و قذائف هاون
مشوفتش لمبة حمرة على خيم عشان يجاهدوا فيها
مشوفتش لوحات إرشادية مكتوب عليها #جهاد_النكاح تالت خيمة يمين
- أول ما دخلت جريت على هذا المكان المسمى " أسفل المنصة" عشان أشوف السلاح و السوريات اللى بيتعذبوا و بيتشقلبوا فى قلب المكان و اعيش بأة الساسبنس
- ملقتش تحتها غير ناس قاعدة بتذكر ربنا و بتضحك و تهزر عشان تضيع الوقت تحت حرارة الشمس المحرقة
-ملقتش غير ست #عجوزة ماشية تقول الله يحرق قلبك على ولادك يا #سيسى
الست البركة دى متعرفش عسكرة #الدولة و #الدولة_العميقة و #الفساد_المؤسسى اللى انا و حضرتك بنهرى فيه طول النهار ،، متعرفش غير ان قلبها موجوع ع الشباب و بس
-ناس بترش ديتول طول النهار فى الخيم و الشوارع "مفيش جرب يعنى " و بيرقصوا دبكة و بيعملوا فقرات و كرنفال
-كل خيمة من المحافظات حاطة صورة #الشهداء اللى منها ، عشان يقولوا للناس ان هما مش أقل من حد
عند #النصب_التذكارى دم الشهداء ناشف و متحاوط بالطوب .. عدى عليه اكتر من اسبوع و بتشم ريحة المسك على بعد أمتار
خلعوا الرصيف عشان يحموا نفسهم من "الرصاص" و "الموت" ،، لا بس الرصيف ده ملك الدولة ، و ما ذنب الرصيف ؟
يا راااجل قول كلام غير ده ، إيهيييي
مع إحترامى لكلام أصحابى المنتمين للإخوان بس شهادتهم مجروحة بالنسبالى لإن محدش بيشوف فى نفسه مساوئ ،
و بناءاّ عليه ...
حضرتك عندك مخ ، و انا كذلك
عندك تلفزيون ،، و انا كذلك
عندك حساب على مواقع التواصل الإجتماعى ،، و انا كذلك
بس كمان عندك عنين و رجلين ، ف تقدر تعمل زيادة سريعة لكوكب #رابعة الشقيق عشان لا تستنى كلامى و لا كلام غيرى ، و انت بس اللى تحدد وجهه نظرك مش غيرك يكونهالك
جرب تبأة مُوجِهه مش متلقى ، حتنبسط أوى
اه نسيت اقولك ..
لازم تروح عشان تعرف ان #إعلام بلدك "لامؤاخاذة" بيرقعك على قفاك كل صباح ، خد فشار
ليست هناك تعليقات:
إرسال تعليق