أكيد كلنا متفقين إن المقدمات المنطقية تؤدي إلى نتائج صحيحة
و بما إن السيسي مش مجنون و لا معتوه و لا ساذج يبقى أكيد اللي بيعمله في البلد ليه أسباب و منتظر منها نتائج محددة
يعني لما يقول إن حلول مشاكل سيناء هي بالتواجد و التنمية مش بالقتل لأن القتل و التعامل الأمني فقط هيؤدي لتكوين عداء مسلح مع أهالي سيناء ضد الجيش و الشرطة و هيكون مقدمه لانفصال سيناء عن مصر زي ما حصل في جنوب السودان.
و لما يقول إن الجيش مش مهمته محاربة الإرهاب لأن دي وظيفة الشرطة المدنية و هي مدربة على النوع دا من المواجهات أما الجيش فهو قوة قتل لا تفرق بين طفل و امرأة و رجل.
و لما يقول عن نزول الجيش للشارع دا خطر كبير جدا على مصر و هيتسبب في رجوع مصر للوراء 30 40 سنة.
و لما يقول إن الجيش بيحمي إرادة الشعب و اللي مش عاجبه السلطة الحالية في عنده انتخابات يقف كام ساعة في اللجنة و يختار اللي يمثلوه بدون تدخل الجيش.
و مع ذلك يعمل عكس الكلام دا كله يعني:
● ينزل قوات في سيناء لقتل المدنيين و الأطفال و هدم البيوت و المساجد رغم انه اعترف ان دا هيخلق تار مع الجيش و ابشرطة قد يؤدي لانفصال سيناء
● يدعي مكافحة الإرهاب و يقتل المصريين دون تفرقة بين طفل و امرأة و رجل رعم انه قال ان دي وظيفة الشرطة فقط و الجيش مالوش اي علاقة بيها
● ينزل الجيش للشارع و يشتبك مع مواطنين عاديين فيرجع البلد 30 40 سنة لورا
● يعمل انقلاب عسكري على الرئيس المنتخب و يلغي مبدأ الانتخابات اللي هو اتكلم عليها و اعتبرها الوسيلة الوحيدة للتعبير عن الإرادة الشعبية.
يبقى إذا و بدون أي شك ؛الشخص دا بينفذ خطة موضوعه له لهدم مصر فوق رؤوس ابنائها بقصد و عمد و تدبير و دا مش مجرد اتهام للسيسي و لا مجرد شك فيه و في عصابته أو مجرد كلام بقوله علشان أنا ضد اللي بيعملوه في البلد لكن دا التفسير الوحيد المنطقي لكل التناقضات اللي شوفناها دي و مش مجرد شخص طامع في السلطة لأن اللي بيعمله دا هيحول مصر لخرابة مش دولة و بالتالي هو شخصيا لن يستطيع ان يحكمها.
اللهم اجعل كيدهم في نحرهم و اجعل تدميرهم في تدبيرهم يا رب العالمين.
ليست هناك تعليقات:
إرسال تعليق