Mohamad M. Saad يكتب:
باشتغل بدل ال8 ساعات 10 وساعات بال 16 ساعة. باقبض 1500 جنيه، الحكومة بتاخد منهم 250 جنيه تأمينات وضرايب، وبدفع من الباقي 200 جنيه إيجار شقة اللي مخمس فيها مع صحابي علشان إيجارها 1300 جنيه والباقي يادوب مواصلاتي ومستلزمات دراستي، وأكل وشرب بالعافية، وساعات آخر الشهر باروح أخد فلوس من الحاج أبويا.
لما باتعب بتعالج على حسابي مش على حساب الحكومة. ماعنديش عربية يعني مش باستهلك بنزين اللي هو أصلاً فيه أزمة، الكهرباء مش باستخدمها غير في الشغل ولو رجعت البيت ساعتين كدا قدام اللاب وساعات بتكون الكهرباء قاطعة في الشغل وفي البيت. مش باخد تموين من الحكومة يعني أكلي باجيبه بأسعار السوق مش مُدعم.
المسافة ما بين الشقة وبين الشغل من 5 إلى 7 كيلو يعني ما ينفعش أمشي زي ما هما عايزين مني، ولو قررت أمشي الواحد ميأمنش من البلطجية لإن الشرطة والجيش بيحاربوا الإرهاب مش فاضيين.
الأغنية بتاعت متقولش أيه أديتنا مصر قول هاندي أيه لمصر؟؟ يعني الواحد مش عارف إحنا كشباب نعمل أيه تاني، جزء مننا عند الواحد الأحد، وجزء في المعتقلات، وجزء إكتئب وبيتعالج نفسياً، وجزء في الشارع بيزود عدد اللي عند ربنا وبيزود عدد اللي عند الحكومة في المعتقلات وفي نفس الوقت عنده إكتئاب. يعني مش عارفين ندي مصر تاني أيه ؟!!
البلد دي مش بتاعتنا. هاتقولي ما أنت اتعلمت فيها، اه تعليم الدروس الخصوصية ويادوب بيخلي الواحد يعرف يقرأ ويكتب والحمد لله لولا إن الواحد بيقرأ في حاجات تانية وبيحاول يطور من نفسه كان زمانه بقى كتير من الشباب اللي إتظلموا ومتعلمين إسماً فقط. هاتقولي بتشرب من نيلها أقولك أه باشرب من الحنفية اللي بتجيب ميه من النيل اللي بيجيب فشل كلوي وأمراض بسبب المصانع بتاعت الحرامية اللي بتصرف فيه مخلفاتها. هاتقولي كفاية إنك عايش فيها يا جاحد، هاقولك قدري كدا أتولدت هنا ودا على أساس إن اللي إحنا فيه دا إسمه عيشة أصلاً.
يعني أنا متقشف من غير ما تطلُب مني أتقشف. وبردوا الواحد بيرجع يقول الحمد لله على كل شئ، لإن الواحد مهما كان أهو أحسن من ناس كتير حالتهم أسوأ بمراحل بمعنى الكلمة مقشفين مش مُتقشفين لإنهم ببساطة معدومين.
بطلوا سرقة ونهب وفساد، وتقشفوا أنتم بقى وبطلوا دين ام البجاحة بتاعكتم..
باشتغل بدل ال8 ساعات 10 وساعات بال 16 ساعة. باقبض 1500 جنيه، الحكومة بتاخد منهم 250 جنيه تأمينات وضرايب، وبدفع من الباقي 200 جنيه إيجار شقة اللي مخمس فيها مع صحابي علشان إيجارها 1300 جنيه والباقي يادوب مواصلاتي ومستلزمات دراستي، وأكل وشرب بالعافية، وساعات آخر الشهر باروح أخد فلوس من الحاج أبويا.
لما باتعب بتعالج على حسابي مش على حساب الحكومة. ماعنديش عربية يعني مش باستهلك بنزين اللي هو أصلاً فيه أزمة، الكهرباء مش باستخدمها غير في الشغل ولو رجعت البيت ساعتين كدا قدام اللاب وساعات بتكون الكهرباء قاطعة في الشغل وفي البيت. مش باخد تموين من الحكومة يعني أكلي باجيبه بأسعار السوق مش مُدعم.
المسافة ما بين الشقة وبين الشغل من 5 إلى 7 كيلو يعني ما ينفعش أمشي زي ما هما عايزين مني، ولو قررت أمشي الواحد ميأمنش من البلطجية لإن الشرطة والجيش بيحاربوا الإرهاب مش فاضيين.
الأغنية بتاعت متقولش أيه أديتنا مصر قول هاندي أيه لمصر؟؟ يعني الواحد مش عارف إحنا كشباب نعمل أيه تاني، جزء مننا عند الواحد الأحد، وجزء في المعتقلات، وجزء إكتئب وبيتعالج نفسياً، وجزء في الشارع بيزود عدد اللي عند ربنا وبيزود عدد اللي عند الحكومة في المعتقلات وفي نفس الوقت عنده إكتئاب. يعني مش عارفين ندي مصر تاني أيه ؟!!
البلد دي مش بتاعتنا. هاتقولي ما أنت اتعلمت فيها، اه تعليم الدروس الخصوصية ويادوب بيخلي الواحد يعرف يقرأ ويكتب والحمد لله لولا إن الواحد بيقرأ في حاجات تانية وبيحاول يطور من نفسه كان زمانه بقى كتير من الشباب اللي إتظلموا ومتعلمين إسماً فقط. هاتقولي بتشرب من نيلها أقولك أه باشرب من الحنفية اللي بتجيب ميه من النيل اللي بيجيب فشل كلوي وأمراض بسبب المصانع بتاعت الحرامية اللي بتصرف فيه مخلفاتها. هاتقولي كفاية إنك عايش فيها يا جاحد، هاقولك قدري كدا أتولدت هنا ودا على أساس إن اللي إحنا فيه دا إسمه عيشة أصلاً.
يعني أنا متقشف من غير ما تطلُب مني أتقشف. وبردوا الواحد بيرجع يقول الحمد لله على كل شئ، لإن الواحد مهما كان أهو أحسن من ناس كتير حالتهم أسوأ بمراحل بمعنى الكلمة مقشفين مش مُتقشفين لإنهم ببساطة معدومين.
بطلوا سرقة ونهب وفساد، وتقشفوا أنتم بقى وبطلوا دين ام البجاحة بتاعكتم..
ليست هناك تعليقات:
إرسال تعليق