بوست مش سياسي وطويل شوية عن الإنتخابات
ضد الإخوان ومعلقة صورة السيسي في البلكونة وبترش مياة على مسيرات الإخوان، ابنها اتقبض عليه عشوائي في ذكرى الثورة، اتعذب في قسم الأزبكية واتهموه إنه إخوان واتحكم عليه بسنتين سجن وسنتين مراقبة
https://www.youtube.com/watch?v=8N4AO1NpcTk
ضد الإخوان ومعلقة صورة السيسي في البلكونة وبترش مياة على مسيرات الإخوان، ابنها اتقبض عليه عشوائي في ذكرى الثورة، اتعذب في قسم الأزبكية واتهموه إنه إخوان واتحكم عليه بسنتين سجن وسنتين مراقبة
https://www.youtube.com/watch?v=8N4AO1NpcTk
والدة حمادة خليل إللي كان داخل القسم يدفع كفالة وخرج جثة لما أمين شرطة
ضربه رصاصة قتله "احنا لحد النهارده كنا مصدقينهم وكنا معاهم ونزلنا 30
يونيو ونزلنا 3 يوليو وفوضناهم وكنا بنقول مصر، كل ده عشان يحمونا مش علشان
يقتلو ابني، ولحد النهارده صورة السيسي في بيتي"
http://yanair.net/archives/38824
أهل سواق الميكروباص إللي الشرطة اشتبهت في العيش إللي فوق الميكروياص على إنه متفجرات فضربته رصاصة في رقبته قتلته "إحنا من 30/6 وإحنا بنقول إننا مع السيسي ومع الجيش ومع الشرطة لكن الدولة ب إللي بتعمله ده بتحولنا كلنا لإرهابيين لإننا مش هنسيب حقنا"
https://www.youtube.com/watch?v=_MPPJcPn0YY
نادية كامل عن صاحب محل كان بيقول السيسي هيلمكم ومحدش بيتظلم وإللي بيتقبض عليه أكيد عامل بلاوي لحد ما جوز اخته المعاق ذهنياً اتقبض عليه بالغلط وماعرفش يطلعه بالشهادات الطبية والروشتات واتقاله اتلم وامشي والا هتدخل معاه
https://www.facebook.com/molokheya/posts/10152020741332657
هالة جلال عن صديقة ليها "ابنها اتضرب في لجنة بوحشية لانه كلم الظابط، اراد ان يراجعه في ان ضرب سواق الميكروباص وسبه في الكمين يسيء للوطن وليس فقط للسيسي ، صديقتي من منتخبي شفيق وكانت ناوية قبل اليوم تنتخب السيسي"
https://www.facebook.com/hala.galal.92/posts/734094256640769
في طبعاً حالات غير دي كتير، في إخوان معتقلين لمجرد إعتناق الفكرة وبدون التورط في أي أعمال عنف أو تحريض، وفي ناس بيتقبض عليها لصلة القرابة بأعضاء في جماعة الإخوان، وفي ناس بيتقبض عليهم عشان لسه مؤمنين 25ب يناير وبيتلفقلهم قواضي أو بيفتحهولهم قواضي من أيام مرسي أو بيلموهم بقانون التظاهر، وفي ناس بيتقبض عليها عشوائي، وفي ناس بيجيلهم زوار الفجر عشان يقبضوا عليها ولو مالقيوش الشخص المطلوب بيقبضوا على أي فرد من البيت وفي ناس بيتقبض عليها للإشتباه وفي ناس بقالها شهور محبوسة إحتياطي وفي ناس مخطوفة من قبل الدولة وناس مفقودة وناس بتتعذب وناس بيتحكم عليها بالإعدام بالجملة وفي ناس محدش عارف عنها حاجة.
أنا مش بحاول اثني حد عن رأيه ولا جايبة الحالات دي عشان أقول للناس ماتنتخبوش السيسي أو إنتخبوا حمدين، أنا قصدي إن دفاعكم عن دولة الظلم مش هيحميكم من ظلمها وبطشها، وتجاهلكم للظلم والقمع هيزيدهم أياً كان مين إللي ماسك الفترة الجاية، دي مش سياسة، دي إنتهاكات بتحصل في كل يوم وفي كل لحظة، إنتهاكات بيقوم بيها وبيشرف عليها مرشح وبيتجاهلها المرشح التاني، إنتهاكات لا هتقف بالدستور ولا هتقف بالإنتخابات ولا هتقف بالمقاطعة، هتقف لما إنتوا إللي تبطلوا سياسة ودفاع عن مرشحينكم وعن سلبية المقاطعين وتتكلموا عنها وتعترفوا بوجودها، هتقف لما حد من المرشحين يبداً يتكلم عن الآلاف إللي في السجون، عن التعذيب الممنهج، عن إن الداخلية لازم يتعاد هيكلتها وعن إن القضاء مسيس.. على الأقل يعترفوا إن في قمع دلوقت وهما هيحاولوا يوقفوه، لكن التعامل على إن البلد جميلة وإن المناخ مناسب لممارسة الديمقراطية ده كلام مش منطقي، إحنا يدوبك بنختار مين إللي هيقمعنا الفترة الجاية!
ولذلك أنا مش مهتمة بإنتخابتكم ومرشحينكم، لكن مهتمة بكل واحد بيتعرض للظلم في البلد دي من داخلية بلطجية وقضاء مسيس وإعلام موجه وشعب نصه دموي ونصه خايف، أنا مش واخدة موقف بالمقاطعة، أنا مش قادرة اهتم بالإنتخابات أصلاً وسط كل إللي بيحصل ده ووسط القمع، أنا أقصى طموحي في البلد دي إني مايقعش علىّ ظلم وأموت موته طبيعية ومفضلش طول الوقت قلقانة وخايفة على نفسي وعلى إللي بحبهم وعلى إللي ماعرفهمش
http://yanair.net/archives/38824
أهل سواق الميكروباص إللي الشرطة اشتبهت في العيش إللي فوق الميكروياص على إنه متفجرات فضربته رصاصة في رقبته قتلته "إحنا من 30/6 وإحنا بنقول إننا مع السيسي ومع الجيش ومع الشرطة لكن الدولة ب إللي بتعمله ده بتحولنا كلنا لإرهابيين لإننا مش هنسيب حقنا"
https://www.youtube.com/watch?v=_MPPJcPn0YY
نادية كامل عن صاحب محل كان بيقول السيسي هيلمكم ومحدش بيتظلم وإللي بيتقبض عليه أكيد عامل بلاوي لحد ما جوز اخته المعاق ذهنياً اتقبض عليه بالغلط وماعرفش يطلعه بالشهادات الطبية والروشتات واتقاله اتلم وامشي والا هتدخل معاه
https://www.facebook.com/molokheya/posts/10152020741332657
هالة جلال عن صديقة ليها "ابنها اتضرب في لجنة بوحشية لانه كلم الظابط، اراد ان يراجعه في ان ضرب سواق الميكروباص وسبه في الكمين يسيء للوطن وليس فقط للسيسي ، صديقتي من منتخبي شفيق وكانت ناوية قبل اليوم تنتخب السيسي"
https://www.facebook.com/hala.galal.92/posts/734094256640769
في طبعاً حالات غير دي كتير، في إخوان معتقلين لمجرد إعتناق الفكرة وبدون التورط في أي أعمال عنف أو تحريض، وفي ناس بيتقبض عليها لصلة القرابة بأعضاء في جماعة الإخوان، وفي ناس بيتقبض عليهم عشان لسه مؤمنين 25ب يناير وبيتلفقلهم قواضي أو بيفتحهولهم قواضي من أيام مرسي أو بيلموهم بقانون التظاهر، وفي ناس بيتقبض عليها عشوائي، وفي ناس بيجيلهم زوار الفجر عشان يقبضوا عليها ولو مالقيوش الشخص المطلوب بيقبضوا على أي فرد من البيت وفي ناس بيتقبض عليها للإشتباه وفي ناس بقالها شهور محبوسة إحتياطي وفي ناس مخطوفة من قبل الدولة وناس مفقودة وناس بتتعذب وناس بيتحكم عليها بالإعدام بالجملة وفي ناس محدش عارف عنها حاجة.
أنا مش بحاول اثني حد عن رأيه ولا جايبة الحالات دي عشان أقول للناس ماتنتخبوش السيسي أو إنتخبوا حمدين، أنا قصدي إن دفاعكم عن دولة الظلم مش هيحميكم من ظلمها وبطشها، وتجاهلكم للظلم والقمع هيزيدهم أياً كان مين إللي ماسك الفترة الجاية، دي مش سياسة، دي إنتهاكات بتحصل في كل يوم وفي كل لحظة، إنتهاكات بيقوم بيها وبيشرف عليها مرشح وبيتجاهلها المرشح التاني، إنتهاكات لا هتقف بالدستور ولا هتقف بالإنتخابات ولا هتقف بالمقاطعة، هتقف لما إنتوا إللي تبطلوا سياسة ودفاع عن مرشحينكم وعن سلبية المقاطعين وتتكلموا عنها وتعترفوا بوجودها، هتقف لما حد من المرشحين يبداً يتكلم عن الآلاف إللي في السجون، عن التعذيب الممنهج، عن إن الداخلية لازم يتعاد هيكلتها وعن إن القضاء مسيس.. على الأقل يعترفوا إن في قمع دلوقت وهما هيحاولوا يوقفوه، لكن التعامل على إن البلد جميلة وإن المناخ مناسب لممارسة الديمقراطية ده كلام مش منطقي، إحنا يدوبك بنختار مين إللي هيقمعنا الفترة الجاية!
ولذلك أنا مش مهتمة بإنتخابتكم ومرشحينكم، لكن مهتمة بكل واحد بيتعرض للظلم في البلد دي من داخلية بلطجية وقضاء مسيس وإعلام موجه وشعب نصه دموي ونصه خايف، أنا مش واخدة موقف بالمقاطعة، أنا مش قادرة اهتم بالإنتخابات أصلاً وسط كل إللي بيحصل ده ووسط القمع، أنا أقصى طموحي في البلد دي إني مايقعش علىّ ظلم وأموت موته طبيعية ومفضلش طول الوقت قلقانة وخايفة على نفسي وعلى إللي بحبهم وعلى إللي ماعرفهمش
ليست هناك تعليقات:
إرسال تعليق