1967 بين الجيش و الشعب

Reda Helal

المشكلة اصلا بدأت من عصر عبدالناصر نفسه ,,الجيش قبل الحرب تجبر بشدة علي الناس,,,بيتقبض عليك مانتاش عارف مين,,مكتب عامر,,علي شفيق,,البسيوني,,,الدجوي,,شمس بدران؟؟؟؟,,,, كل المصانع و الشركات و المحليات و المحافظين و النوادي و الجمعيات الزراعية تحت إدارة ظباط,,, أستولوا علي القصور و علي شقق الأجانب و علي كنوز العيلة المالكة,,,و أنا صغير سادت نغمة "لا صوت يعلوا فوق صوت المعركة" في وجه اي معترض,,,أعتقلوا و قتلوا الأخوان ثم الشيوعين,دمروا التعليم, كان فاضل مشكلة أسرائيل,,,و الناس أستحملت القرف ده كله علشان عبدالناصر كان دايما بيقول,حنرمي اسرائيل في البحر,,,طبعا بعد العك ده كله ضيع سينا و الجولان و غزة و رفح ولم يطالب بإيلات و اهم حاجة ضيع الأقصي و القدس الشرقية,,طبعا الناس غضبت بشدة,,,والإتحاد الإشتراكي-الحزب الوطني بعد كده-,,جب يبعد اي شبهة عن الصنم الأعظم ناصر,و بدأ في نشر نكت عن الجيش و أشاعات عن الجيش...الخ,,,الموضوع سخيف لكن الجيش نفسه و قادته شاركوا فيه و هم السبب و أديك شايف لما يحبوا يقلبوا بيقلبوا,,,ليه ما قلبوش علي من ضيعهم و ضيع العرب كلهم و ضيع البلد,,بالعكس,,عملوه بطل برضه؟؟؟؟؟؟

رضا هلال

 

 

 

Ahmed AL Feky shared Mahmoud M. Hassan's status update.

23 hrs ·

Mahmoud M. Hassan

انا بفتكر الراجل اللي كان ساكن في شارعنا وفقد عقله إبان حرب اليمن .. بفتكره راجل مشرد لابس بيجامة ما بيغيرهاش.. بلحية كثة واظافر طويلة بيمشي في الشارع بيهذي بكلمات غير مفهومة فيها مترادفات من الحرب ... بتخيل الزمن اللي وقف بيه عند اللحظة المشئومة والمرعبة دي .. فقد حياته ومستقبله واصبح شخص حي بدون حياة ميت ماشي على رجليه وبيتنفس .. والعيال الصغيرة بتحدفه بالطوب، بفتكر خالي اللي اتصاب في الحرب وفقد السمع باحدى اذنيه لغاية النهاردة بسبب رصاصة مرت من جنبها.

بفتكر ده وانا بشوف ناس النهاردة بتسخر من هزيمة الجيش في 5 يونيو 67 .. ربما فشلت القيادات ومارست اخطاء تصل للجرائم، لكن الشماتة في ذكرى هزيمة مريرة زي دي شيء مستنكر ووقح .. لا اللي حارب واتوجع وفقد حياته، اللي اتاسر واللي اندفن في الصحرا حي ماكانش عبد الناصر ولا عبد الحكيم عامر .. كانوا اهلنا وناسنا .