مصر بتفرح و أبتدي الخير يعم.....مبروك

Shahin

عاوز احكيلكم حكاية صغيرة رغم انى عارف
إن كتير منكم مش هايصدقها ..
*
من كام شهر كده رحت البنك اجيب شوية فلوس اكمل بيها
مصاريف الشهر .. لقيت موظف البنك بيقوللي : حساب حضرتك
انضاف عليه 3500 دولار .. قولتله : جم منين دول ؟؟ قاللي يا أستاذ
ده نصيب حضرتك من مليارات المؤتمر الإقتصادى .. طبعا فرحت وقولت
الحمد لله وتحيا ماسر .... يدوبك مافاتشى كام شهر ولقيت أخطار من البنك
بإضافة 5000 دولار عائد من قناة السويس الجديدة .. حمدت ربنا لأنى كنت عاوز أجيب فردتين كاوتش وأغير زيت العربية وماكانش معايا فلوس..
وطبعا قولت تحيا ماسر تانى ...
الأسبوع اللى فات بقي كانت المشكلة الكبيرة .. جواب من هيئة المجتمعات العمرانية بيقولولي تعالي استلم شقتك فى العاصمة الجديدة .. هاتقولولى وفين المشكلة ؟؟ .. هاقوللكوا انا مامعيش فلوس دلوقتى افرشها ... أعمل ايه بس ياربي فى المشكلة دى ؟؟
يشاء السميع العليم ييجى خبر اكتشاف حقل الغاز وأكيد هانطلع منه علي الأقل بعشرة خماشر ألف دولار استرلينى نفرش بيهم الشقة ..
*
تحيا ماسر .. تحيا ماسر .. تحيا ماسر