رأي مستنير عن محمد منير

اخص يا منير .. بلح السنين

See Translation

Shaw Ky

منير بيجهز اغنية وطنية مع عمرو مصطفى, صدمة برغاوي لكل التراس منير ! عمرو مصطفى يا منير , ازاي بس يا جدعان !
انا مش مصدوم و الحمد لله , خالص يعني, لان الخبرات ال...خازوقية في البشر بتخليك عادي مع اي صدمة بعد كده , افتكر في 2005 و ايام حراك سياسي كبير في مصر اثناء انتخابات بابا حسني مبارك لما قلع الجاكت و الكرافاتة و نزل قدام ايمن نور و كده , واحد صاحبي من التراس منير .. اللي انا كنت وقتها منهم - قالي منير بيحضر لقنبلة مش اقل من اغنية يهمني الانسان و هيطرقع فيها لمبارك -انا اتحمست قوي بقى و قعدت ادلدق على الارض حماس و في كل مكان انشر الخبر - لحد ما نزلت الاغنية اللي كانت بتقول - قدامنا لسه عبور تاني احلام جديدة و عجباني - و كانت بتتذاع على القناة الاولى 100 مرة في اليوم و اعتبرت الاغنية الرئيسية لبرنامج مبارك الانتخابي اللي كان تحت عنوان العبور التاني

عشان الخازوق كان وحش قوي , و التريقة من اصحابي كانت صاروخية و اغاني منير جزء اصيل من وجداني , اتعلمت اني افصل تماما بين الشخص و اراءه السياسية و ابداعه عشان هم في الاغلب شخصين ! هو له مصلحة مع جمهوره فبيقوله اللي يتسيط بيه و ميقدرش يعادي النظام لانه جزء منه .. فتعايشت مع الموضوع و متصدمتش في اي فنان من امثال محمد صبحي او امام او فؤاد او غيرهم اثناء الثورة عشان صدمة منير كانت الشربة اللي بعدها اي صدمة تانية زبادي !
الخلاصة , متبقوش التراس لمبدع و تفتكروا ان مواقفه لازم تبقى متسقة مع فنه , لان ابداعه هو اكل عيشه اللي بيريح فيه الزبون اللي هو احنا و مواقفه بتعبر عن حقيقة افكاره و مدى قدرته على تحمل الخسارة امام النظام ...
حبوا ابداعهم بس بلاش تقدسوهم هم ...
‫#‏شوقي‬
‫#‏البلكونة