شكوي من فتاة مصرية و تعليقي عليها

الإجرام في مصر .............المحروسة

إللي بيلزق في الناس أو في العربيات كده بيبقوا حرامية و بيحاول يكشف محتويات العربية و بالذات الشنطة و الموبيل,,,و بعدين لما مارضيتيش تطلعي الشنطة و تطلعي فلوس و دي فرصة جيدة لخطف الشنطة من إيدك و صاحبه بالموتوسيكل في الإتجاه العكسي و طيران,,,إنتقل للخطة B و هي إستفزازك بكلام قذر علشان تتخانقي و يجي الزملا يفتعلوا خناقة معاه و يقلبوا العربية في الهيصة ...........................المشكلة إن فيه مئات الألاف من البلطجية و الصيع و المرشدين شغالين مع الأمن و وقت الثورة توسعت الأجهزة الأمنية في تجميع أعداد ضخمة منهم و أثناء فترة حكم مرسي كانت الحكومة العميقة بتشغل أعداد مهولة منهم و بفلوس ضخمة ودلوقت مالهمش لازمة دلوقت,فا سربوهم في الشوارع لكن لسه بيوفروا لهم الحماية و سايبينهم يقلبوا رزقهم تحت رعاية الأجهزة دي,,,و أنشطتهم متعددة مش سرقة بس,,,فيه سيارات و فيه مخدرات و فيه دعارة و في كتير نصب كمان.......................فاكرة الأفلام ألأمريكية ما السي أي إيه تجند مجرمين لأداء مهام قذرة و بعدين يسرحوهم و يسيبوهم يتحولوا إلي مافيات تحت قيادة رجال أمن برضه؟؟؟؟؟ نفس الشئ بيحصل في مصر طوال الستين سنة سودة دول و للأسف أصحاب الحق كتير منهم فقدوا النخوة و الرجولة و تشرزموا و تشتتوا و مابيقفوش جنب بعض و ده وفر مناخ مية مية للناس دي و ربنا يستر...................

رضا هلال

---------------------------------------------------------------

فتاة مصرية

 طيب الناس اللي بتتخنق من كتر كلام البنات عن التحرش اللفظي أو الجسدي يا ريت ياخدوا جنب كده عشان هرغي.. دلوقتي فيه نوع مريب ويحتاج دراسة..ألا وهو يجرب يشحت ومياخدش حاجة فمدام أنا بنت فيقول طب ما أعاكس أو أتحرش..أطلع بأي مصلحة يعني

عندي جيوب أنفية ..خرجت من الصيدلية وجبت البتاعة الللي بشم فيها دي وللأسف الشديد مقفلتش قزاز العربية وده عشان حاسة اني مش قادرة اتنفس كويس فسبته مفتوح..
واحد جه لزق في العربية ومعاه مصحف كبير وييقولي اتفضلي..ده هدية..انا اتخضيت فقلته شكرا..قالي هدية مش عايز فلوس..قلتله اشكرك مش عايزة..وبعدين قالي ابوس رجلك ساعديني أي مساعدة..قلتله ربنا يسهلك..وجاية اقفل القزاز لانه كان عمال يقرب..بعد ما فقد اﻷمل انه ياخد حاجة..راح قرر يتحرش.. راح قالي انتي حلوة وعايز أنام معاكي..
للأسف برضه كل اللي عملته اني قفلت القزاز بسرعة وشتمته ومعتقدش سمعها ومش فارقة ومشيت جري..
خرا..وأه جاية اطفح على الفيسبوك أه
حقيقي أنا قبليها بشوية كنت نازلة من بيت ست جميلة أوي واتكلمنا حبة ونزلت مبسوطة.. ولاد الوسخة دول مصممين يخلوا حياتنا تعيسة ليه!..ليه!..بجد !
فيه فترة كنت فيها في حالة اني مستعدية ﻷي حد يعاكس او يعمل اي حاجة وبنط في كرشه واهزقه وازعق في وسط الشارع ولو أكتر من كلام بضربه..حصلت مرة..حاليا أنا بمر بمرحلة (هو انت بن وسخة بس أنا مش قادرة) بس الفترة دي لازم متستمرش أكتر من كده