هههههه,,, قال عالم قال,,,,,طب ماكان يشتغل مع فيفي عبده أحسن له

Asmaa Sakr
الحوار الكامل بين زوجي: د/ أحمد الصروي والقاضي محمد ناجي شحاتة أثناء نظر تجديد حبسه احتياطيا للشهر الثامن عشر على التوالي:
-احمد: العالم كله يا فندم بقى يتكلم على الحبس الاحتياطي مفتوح اﻷجل اللي ما بيحصلش غير في مصر ...
- شحاتة: ماالعالم يقول زي ما يقول
-احمد: طيب مش مشكلة العالم يقول ايه .. انا محبوس من شهر سبتمبر 2013 ليه؟
- شحاتة: علشان بتحب مرسي
- احمد: هو انتم بتحبسوا الناس على الحب والكره؟ ايه اللي قدام سيادتك في ورق قانوني يدينني؟
- شحاتة: قصدي يعني مرسي هو اللي مورطكم في اللي انتم فيه
-احمد: وانا متورط في ايه عند سيادتك في الورق؟
- شحاتة: روح اسأل مرسي
-احمد: طيب يا فندم حضرتك قاضي ممكن تؤمر بعربية تاخدني دلوقتي لمرسي في سجن برج العرب علشان أسأله؟
- شحاتة : هي النيابة عايزة تحبسه ليه؟ النيابة تتكلم ..... ( النيابة كالمعتاد تطلب استمرار حبس أحمد رغم عدم احالة القضية ورغم مضي عام كامل على انتهاء التحقيقات خشية هروبه !)
- القاضي شحاتة: سمعت ؟
- أحمد : مفيش اي جديد في كلام النيابة منذ عام ونصف تقريبا
- شحاتة : طب انا هشوف الورق
أحمد : حضرتك الورق موجود من 17 شهر ... وانا طبيب جراحة سرطان و عامل بحث في سرطان الكلى عند الاطفال واشتغلت في مجال زراعة الكبد في مستشفى دار الفؤاد وتم اختياري افضل طبيب لعام 2008 وافضل مدرس مساعد في جامعة القاهرة عام 2012 .. هي دي الناس اللي انتم ساجنينهم ... هي مصر بتعمل ايه في ولادها
-شحاتة : ولادها تاعبين قلبها
- أحمد : لا والله هي اللي تاعباهم وحطاهم في السجون
...
انتهى الحوار.....وطبعا 45 يوم جديدة في سجون الظالمين .... الا لعنة الله على الظالمين