Ayat Oraby
الانتخابات الأمريكية - دعوات 11\11
السلام عليكم وصباح الخير والنصر عليكم جميعاً
هقول كلمتين عن موضوعين مهمين ويمكن المنشور يكون طويل شوية
معلش :-)
الانتخابات الأمريكية
ـــــــــــــــــــــــــــــ
بعض اللي بيحللوا مشهد الانتخابات الأمريكية اتحاصروا فكرياً في زاوية التفاصيل, ومش قادرين يشوفوا الصورة الكاملة
من كام يوم فيه شخص من الخبراء الاستراتيجيين اياهم كتب في الأهرام (الأهرام ككل صحف وقنوات الانقلاب مليانة بنوعية "الخبراء الاستراتيجيين إياهم") مقال تافه وسطحي في مستوى ذكاء المواطن الصفيحة بعنوان "الاخوان والرهان على كلينتون" وطبعا ما نسيش يذكر اسمي ويتكلم عن حملة المقاطعة
وملخص الهذيان اللي كتبه الشخص ده هو ان الاخوان بيراهنوا على هيلاري كلينتون قدام ترامب !!
يا سلام سلم على العبقرية والمخ اللي زي البلالانط
هايل بصراحة =D
سيات الخبير الاستراتيجي طبعا غرقان في التفاصيل بالاضافة لرغبته في حشر كلمة "اخوان" في جملة مفيدة والرغبة في الكلام عن شخصي
الحقيقة ان الانتخابات الامريكية لها نظام مختلف شوية
هي عملية بيتحكم فيها الاعلام الامريكي وبيقدر باساليب (اصبحت معروفة) انه يوجه نتيجتها
بالاضافة الى ان امريكا دولة مؤسسات
يعني بوش غزا العراق وكلينتون وجه ضربات جوية للعراق
بالاضافة الى وجود جماعات مصالح بتحرك السياسة الامريكية ومش بيشوفها المواطن الامريكي العادي
الحقيقة ان تقديم هيلاري كلينتون كمعادل لترامب هو نوع من التغييب
رأيي اللي قلته من شهور ومازلت مصرة عليه هو ان ترامب تم تقديمه كفزاعة شديدة التطرف لدفع المواطنين للتصويت لهيلاري كلينتون
قلت وقتها ان ترامب هو عكاشة الانتخابات الامريكية
ورأيي ان الاعلام الامريكي في الفترة الاخيرة انتقص كتير من اسهم ترامب وده بيصب بالتالي في مصلحة هيلاري كلينتون
وفي رأيي برضه (رأيي تحليل قابل للخطأ والصواب) انه تم الزج بترامب المتطرف لتلميع صورة هيلاري كلينتون اللي لا تتمتع بجاذبية للناخب الامريكي
ورأيي ان الموضوع كله لعبة المقصود منها ان هيلاري كلينتون هي اللي توصل للحكم
ويا ريت المتفائلين بهيلاري كلينتون يفتكروا حجم التدمير اللي عمله اوباما اللي ابوه مسلم واللي بدأ كلامه مع المسلمين بجملة (السلام عليكم)
ويفتكروا ان هيلاري كلينتون كانت وزيرة خارجية الولايات المتحدة والمسؤولة عن ادارة سياستها الخارجية وقت الانقلاب في مصر
الحقيقة ان ترامب وكلينتون وجهان لعملة واحدة
الفرق ان ترامب بيعمل دوشة وكلينتون اذا نجحت في الانتخابات هتعمل كل اللي ممكن يعمله ترامب بس بهدوء وبابتسامة لطيفة
11\11
ـــــــــــ
اكتر حاجة مثيرة للقلق في دعوات 11\11 هي انها مجهولة المصدر
المنشورات اللي اتطبعت واتوزعت في الاماكن العامة (حتى المقاهي) بتثير علامات استفهام كتير وبتشير الى ان الموضوع اعمق بكتير من اللي احنا شايفينه
توزيع منشورات بالشكل (المستريح) ده بيشير الى مجهود منظم من جهات بتملك حرية الحركة في البيئة الأمنية الشوفينية المهووسة في مصر وده بيقلل احتمالات تخمين الجهات دي الى حد كبير (ده رأي قد يخطيء وقد يصيب)
عنوان اليوم اصلا خطأ وأنا ضده تماماً
العنوان نفسه بينزع أي صفة ايديولوجية للثورة وبيحولها لمطالب اقرب للمطالب الفئوية وتوقيت الدعوات أساساً جه بعد 3 سنين عجاف, عانى الشعب فيهم من حالة إفقار متعمدة وده يخليه اكثر استعداداً لقبول تحرك غير آيديولوجي ضد الانقلاب
نرجع تاني للعنوان
العنوان نفسه بينزع الصفة الايديولوجية للثورة ومش بس كدة, ده كمان بينزع صفة الاجرام عن الانقلاب وبيحوله ضمنياً في نفسية المتلقي لـ (مجرد سلطة فاشلة) مش عصابة انقلابية متآمرة متخابرة مع العدو نفذت انقلاب لصالح العدو الصهيوني وبرعاية الموساد والبنتاجون.
وسواء كان الداعين (الظاهرين) ليوم 11\11 يقصدوا ده او ما يقصدوش, فدي المحصلة !
ومش قادرة اتغافل بصراحة عن الربط بين المقال اللي كتبه دينيس روس في الفورين بوليسي من سنتين وبين العنوان المريب ليوم 11\11
ودينيس روس ده كان مبعوث السلام الامريكي للشرق الاوسط واحد صناع السياسة الخارجية الامريكية ورأيه له ثقله لأنه بيعبر عن خطوط السياسة الامريكية ونوايها
قال في الفورين بوليسي من سنتين "لن يُسمح للاخوان المسلمين أو اي اسلاميين الا بنموذج تونس" يعني المشاركة في انتخابات برلمانية فقط وبنسبة لا تمثل اغلبية !!
وده بيتفق مع اللي كتبته في مقالي على عربي 21 من فترة بعنوان (الطرطور المحتمل) لما قلت ان الهدف من الانقلاب كله ممكن يكون اجبار الشعب على قبول أي طرطور يفرضه الغرب على مصر بعد ما الجيش المصرائيلي ينجح في تدمير هياكل جماعة الاخوان المسلمين ويوصل الشعب كله لحالة من الانهاك يقبل معاها أي طرطور تفرضه الجهات الغربية والدوائر الصهيونية اللي دبرت الانقلاب من الاساس
وبيؤكد الكلام ده الظهور المريب لكيان كوميدي جديد مشبوه اسمه (الجمعية المصرية) او شيء من هذا القبيل بيعتزم اصحابه تدشينه الفترة المقبلة وهي محاولات لم تتوقف من وقت مبادرة العشرة ودعوات الاصطفاف المشبوهة وكلها محاولات بتصب في اتجاه علمنة الثورة وإعادة المكون الاسلامي خطوات للخلف وتصدير العلمانيين
(ان شاء الله هكتب مخصوص في الموضوع ده لتنبيه الناس لخطورة هذه المحاولات)
يعني ممكن يكون الهدف هو الاطاحة بالهاشتاج والحفاظ على المؤسسات من الانهيار المتسارع واهمها طبعا مؤسسة الجيش المصرائيلي
فيه احتمالات تانية اضعف طبعاً
لكن عموماً
احنا المفروض نسيطر على الحراك, يعني نفهم اولاً ان الثورة مش عشان الانقلاب فاشل, الثورة عشان عصابة الانقلاب اللي بتمثل المصالح الصهيونية والقوى الغربية انقضت على اختيار الشعب.
الثورة مش عشان أكل العيش, لأن الفقر نتيجة طبيعية للانقلاب الصهيوني, واحد أعراضه, ولما نعالج المرض الاساسي, تزول اعراضه
عشان كدة بطالب بالنزول الواعي
يعني الناس تنزل وهي فاهمة كويس اوي ان النزول لأهداف محددة
أولاً : عودة الرئيس مرسي إلى منصبه وبكامل صلاحياته وده هدف لا يجوز التنازل عنه في أي مرحلة ولا لأي سبب, لأن ده اختيار الشعب وارادته
ثانياً : القصاص للشهداء
يعني حتى اذا كنت شاكك في الحراك, انزل وسيطر انت على الحراك
انزل وافرض ارادتك
*نظراً لطول المنشور, سيتم تحويله ان شاء الله لحلقة بث مباشر
#آيات_عرابي
ليست هناك تعليقات:
إرسال تعليق