مهرجان الغباء للجميع

إمبارح و النهاردة إتمشيت لحد قصر ألأتحادية,من بيتي حوالي 200 متر بس,,,إمبارح و النهاردة رحت علشان ألعن سانسفيل أبو ألأعلان و مشروع الدستور و أطالب بهدم كل المسخرة دي.
لقيت عدد من شباب الميدان اللي أن أعرفهم و بيتبعوا طريقة جميلة جداً,,شايلين يفط مكتوب عليها شرح مفصل لعدد من مواد الدستور البمبي ده,و شرح دقيق يوضح للناس فين المشاكل في هذا الدستور.فوجئت بأعداد ضخمة من فلول مصر الجديدة و رجال حملات إنتخابية بتوع الحزب الوطني و شباب من لجنة شفيق...إحنا بنهتف ضد الأعلان و ضد الدستور و هم بيسبوا الدين لمرس و بينادوا بسقوطه وبيكتبوا كلام علي الجدران يدل علي أتهم مش من الثوار ,,كتابات الثوار جميلة معني و خطوط و منغير سب دين و شتيمة بالأم.
العجيب اللي شفته و أقسم بالله علي ذلك,,شفت عشرات قزايز خمرة و كلها من نوع واحد!!!!!
و صناديق تفاح بكميات كبيرة!!!!!!!!!,,,,طب إحنا في الميدان أكلنا حوالي 3 طن بقسماط و شاي من عند أم كريم و ده حال الثوار الطبيعي حسب فهمي
أسوء شئ سمعته و رأيته هو الدعاية الحماسية لبديل لمرسي......و هو شفيق!!!!!!!!!!!!!!!!!

المشكلة النهاردة كانت رد غبي علي دس خبيث,,,هجوم شباب إخوان من ألأرياف علي خيم المعتصمين,,الخيم في منها كويس و منها مليان قزايز خمرة و التفاح إياه,,,فعلا الهجوم كان عمل شديد الغباء و يدل علي مدي ضيق أفق هؤلاء, و عدم تميزهم للناس مين كويس و مين وحش,,بالظبط زي اللي بيعمم حكم التطرف علي أي ملتحي,تذكرت نصيحة الصحفي المحترم وائل قتديل في بداية حكم مرسي,عندما نصحه بأن يجعل مسافة كبيرة جدا بينه و بين جماعة الأخوان و السبب الظاهر أنه اصبح رئيس للبلد كلم و لمح له بأن الجماعة سوف تسبب له مشكلات و هذا ماحدث فعلا
أتمني أن يعلن مرسي إلغاء إعلانه الغبي هذا و أن يلغي مشروع الدستور السيكو سيكو , و ان يعلن عن إنشاء لجنة علي أساس إنتخاب من داخل كل مؤسسات و جماعات و نقابات .....الخ علي أن تختار كل مؤسسة فرد ينوب عنها في اللجنة و بدون تحديد العدد الأجمالي إلا بعد عمل حصر لكل النقابات و المؤسسات و الطوائف و ألأعراق.......الخ
أما هذا ألأصرار فهو غباء و الجميع معجب بالغباء و يشارك فيه بحماس و مبروك علينا شفيق أو أي فرد من عصابة حسني
أو ليس منكم من رجل رشيد؟؟؟؟؟؟-الآية
رضا هلال