رحم الله أستاذ صبحي

والله أول مرة سمعت كلام مشابه كان سنة 91 من صديق يكبرني في السن و يعمل في نفس مجالي و هو مسيحي و قد كنت أزوره و شكت لي منه أسرته زوجته و أبناءه لإنه رفض الذهاب معهم إلي كاتدرائية العباسية للإحتفال بالعيد و أصر أن يذهب وحده إلي الكاتدرائية القديمة بالفجالة حيث لا يذهب إليها العظماء و الأغنياء و أصحاب السلطان و قالي لي:::: يارضا أنا عايز لما أروح الكنيسة أروح لربنا مش علشان أشوف فلان باشا و فلان بيه و هدايا دهب بتتوزع بالملاين و ناس بره بتموت من الجوع,,,,,,,,رحم الله الأستاذ صبحي

رضا هلال

--------------------------------------------------------

 

سالي توما

January 7 at 11:29am ·

ليلة راس السنة رحت وقفت برة كنيسة الميدان زي عادتي السنوية..بس امبارح بليل ما رحتش ولا كنيسة ولا اتفرجت على القداس عشان ما يجيليش الضغط و جلطة بسبب التطبيل..فضلت التمثيل و اتفرجت على رامي قشوع على روتانا كلاسيك ‫#‏ما_بيعرفش_يوقفها‬ زي ما خلاص مبقاش فيه حد عارف يوقف التطبيل و الابتذال..انا ما شفتش شعب بيهون عليه دم ولاده زينا..البابا مقضيها تطبيل و الاوقاف و الازهر المفروض الجمعة هيعمموا خطبة ضد نزول 25 يناير..احنا لمينا لحم اصحابنا و اخواتنا من على الاسفلت في ماسبيرو و رابعة و مع ذلك الشعب طبل للسفاح و ادان الشهيد!!!! انا مش بقدر انزل مدينة نصر من ريحة الدم يا بشر. و ماسبيرو اكتر مكان بيقبض قلبي فيكي يا مصر..المكانين فيهم غدر و دم المسيح و الحسن و الحسين!!!
سمعت و الحمدلله اني ما شوفتش ان التطبيل و التهليل للريس امبارح اتهزله عرش الله frown emoticon اخص بجد على مدعي التدين و انهم بيعرفوا ربنا و هما بيمجدوا الشيطان!!! قال شعب متدين بطبعه قال..لا مطبلاتي بطبعه للاسف..فرعون ورا فرعون..
انا حزينة ان ربنا رحل عن الجوامع و الكنايس و مبقاش هناك..ساب بيوته عشان خلاص بقت مغارات قتالين قتلة: بيتي بيت صلاه يدعى و انتم جعلتموه مغارة لصوص..كلمة المسيح قالها عن تدنيس بيوت الله..و ده اللي حاصل..
عامة انا عن نفسي حتى لو مش بلاقي الله في بيوته بتاعت زمان فأنا بلاقيه في الميدان و في وجه كل رفيق و شهيد و معتقل عشان دول بعبلهم و معاصيهم جواهم الله..
المسيح كان بيفضل العاهرات و المهمشين و الملفوظين اجتماعيا عن رجال الدين و المنافقين..و انا زيه وهفضل كدة و تطبيل البابا زي كل كهنة فرعون قبله و بعده تأكيد على ان المسيح كان صح لما لقى عظمة الله و محبته في نفوس بيتقال عنها ضالة و هي الوحيدة اللي عندها سكة حقيقية ويا ربها..
نجنا من المستنقع يا الله..التجربة مرعبة و كل همي اني اخرج منها بدون ما يمسني نفاق و اللا انسانية بتاعت مدعي الدين..اي دين..يسقط حكم الشيطان العسكر..حتى لو التطبيل ماسكتش جوة كنيسة و جوة الازهر..
انا ادين بدين الجدعنة و دين رفاق الدرب. .
في الميدان رأيت وجه الله و في كل شهيد قبلت وجه المسيح..