موضوع قديم ولكن لأصرار بعض منا علي تكرار نفس ألأخطاء بحماس شديد ,يجد الواحد من مضطر لأن يقول نفس الكلام,,,ربنا المُعين
موضوع الصقور و الحمائم-لالا مالوش علاقة بسوق السيدة عيشة-,,ده بخصوص تقسيمة فريق العمل السياسي,,ناس مُعارضة و ناس
بتوافق علي طول و بيتبادلوا المواقع من آن لآخر
طيب هل مفيد لأن يكون هناك مُعارضين لك كحاكم؟؟؟,,طبعا مفيد,,تخيل معي هذا الموقف,,تضغط عليك الدول الكبري من اجل إجبارك علي إتخاذ مواقف معينة تفيد حلفائها,,,يوجد معارضة في الداخل عندك لهذه التنازلات,,,تقف امام العالم تقول"ياجماعة عندي ديمقراطية
مقدرش اعمل اللي إنتوا طالبينه"",,و هنا يمكن لك ان تساوم و تلعب و تجبر الدول الكبري علي تخفيف طلباتها,و حدوث شئ من التوازن
لكن لو الحاكم سطح البلد و اصبحت الدولة كلها عبارة عن فرعون و هامان و جنودهما,,لغرقوا جميعا,,و ينطبق عليهم قول الله سبحانه و تعالي:"إن فرعون و هامان و جنودهما كانوا خاطئيين",,,,تخيل الموقف,كل ماتطلب الدول الكبري من حاكم عربي شوية تنازلات,,قبل
مايقولوا تنا...بس,,يكون هو قلع و شلح البلد كلها معاه,,واحلامكم اوامر,,,وطبعا بالطريقة الو...حشة دي,لو جم يعصروه هو شخصيا مش حيلاقي اي راجل يقف جنبه,,حيجي لامؤخذا رجالة منين,,هو خلي فيها رجاله
تنازلات, و خيانة و بيع النيل و تواطئ علي غزة و علي تقسيم السودان,وغيره كتير و دفن نفايات نووية و إستيراد بلاوي و سموم و تعين خونة و فاسدين في مواقع مهمة...الخ ,ولا صوت غير صوتك انت و حمائمك الواقفة علي جانبي الطريق تهتف و تصيح فتسد اذانك عن سماع اي صوت آخر,و مرة واحدة لعبة ,إمسك ياوله الجمعيات المشبوهة !!!!,,طب ما إنت سايبها سنين طويلة و الجمعيات دي فاتحة من الباطن,,,من باطن جمعيات سوزان و جمال و علاء و كله منفد علي بعضه
طب هل الرجولة لما تطلع مرة واحدة,و بعد التراخي سنوات طويلة و التنازل الذي اصبح عادة و تقاليد,,هل هذه الرجولة تكون مقبولة من الطرف المُعادي الذي تعود منك عدم المواجهه اصلا؟؟؟,,,هل تكون مواقفك الرجولية الغير مُعتادة مقبولة و العدو يعلم انه لايوجد عندك مُعارضة حقيقية؟؟؟,,هل إذا قمت - بعد تثبين للشعب و لزمن طويل-,بتسخين الناس و محاولة تحويلهم الي صقور حقيقية,هل
سوف يتحولون فجأة الي صقور,,أم الي كتاكيت متوحشة تزيد من هبل المنظر العام للموقف الهزلي الذي وضعت فيه نفسك و بلدك؟؟
طبعا ظهور صقور حقيقية ترفض هذا الفساد و هذا ألأنحدار الذي تزداد سرعته يوماً بعد يوم,كان أمراً مزعجاً جداً للجميع.القيادة في الداخل لا تصدق ان العشة لايزال فيها صقور,,إزاي يعني؟؟؟,,دا بقالهم سنين بيطحنوا في العشة و التقارير بتقول "الموجود كله عيان و البيض كله ممشش"",,طب السليم ده جه منين؟؟؟؟,,, لالالا,,دي دسيسة و دول عملاء و أجندة ,,ده إحنا مسطحين العشة اصلا و كله علي بطنه
العجيب في الموضوع,إن الأتهامات بالعمالة بتقول إن ""العملاء""بيقبضوا..منييييييييين؟؟؟؟,,من نفس الدول الصديقة اللي بتقبّض الناس الكبيرة اللي بتتهم الناس الصغيرة إنهم بيقبضوا منها!!!!!!!!!!,,,حاجة مسخرة فعلا
دلوقت و بكل بساطة و علي طريقة,""بلاش لعب عيال و بلاش معانا الحركات دي و إلا......",,و بضغطت زر,خرج ألأمريكان و ده بعد اسبوعين زيارات و دردشة مع ألأخوان و الكتاتني من ورا القيادة العسكرية و بعدين كلمتين ناشفين مع العسكر و تليفون من القضاء الكبير للقضاء الصغير و التوصيل لحد المطار بالمكيف
طب ما كان من ألأول......,,كنت حطيطوا إيدكم في إيد الثوار الحقيقين بدل ماتقتلوهم و تعتقلوهم و تشوهوا صورتهم أمام الشعب و كده كان حيبقي وراكم جبهة داخلية قوية رفضت مقابلة هيلاري في ميدان التحرير في فبراير 2011,,وقابلها الأخوان.ألأخوان حمائم
و ده واضح جدا,,و خلي الثوار صقور تقول لأمريكا بسببهم""علي ضغوط داخلية"",,طب حطيت الثوار تحت جزمتك-حسب ظنك الساذج-,و بقيت واقف لوحدك ضد الأخوان,,الجهاد,,الجماعة ألأسلامية,,السلفيين,,ألأمريكان,,السلفين...كله بيلعب بيك ياوحش
إيه العمل دلوقت؟؟؟؟,,,تخربها زيادة ؟؟؟؟؟ طب حتي لوعملت كده,مين في الهيصة دي حيسيبك تحصد اي نجاح من ورا الهيصة دي
و مين من دول قلبه فعلا علي مصلحة البلد؟؟؟؟,,,طب بتدي الآمان إزاي لدعوات المظلومين و أمهات الشهداء بعد قتل ابنائهم و تشويه صورتهم امام الناس؟؟؟؟,,,تفتكر ربنا مش عارف مين دول و مين اللي قتلهم؟؟؟؟؟؟؟؟؟,,,تفتكر ألأمور ممكن تستقيم في وسط العك ده كله؟؟؟؟؟؟؟؟؟؟؟؟؟؟؟؟؟
اليوم بالجرائد كلمة لقائد الجيش الثاني تدل علي أستمرار المهزلة:"قائد الجيش الثالث يحذر من مخططات صهيونية لإضعاف إنتماء الشباب و قد نجحت اسرائيل في مخططاتها جزئيا بفضل بعض التنظيمات"....سبحان الله,,مفيش فايدة فعلا...كلام يدل علي ان صاحبه يتفادي الحقائق و ولا يقدم تفسيرات حقيقية للأحداث
لا تزال تفسيرات حدوث ثورة لديهم و إنخفاض الأنتماء هو اسرائيل.....هل اسرائيل هي التي سرقت الاف المليارات؟,,هل اسرائيل هي
التي إعتقلت و لفقت و عذبت و قتلت في الشعب المصري 55 عام؟؟؟,,,هل اسرائيل هي التي استوردت من اسرائيل تلهرمونات و المبيدات و ألأمراض و سببت السرطان للمصريين صغار و كبار؟؟؟,,,هل اسرائيل هي التي تواطئت علي اسرائيل و هي تقسم السودان و تعبث في كل شبر في افريقيا و تستولي علي عصب حياة مصر و هو النيل؟؟؟؟؟,,,هل اسرائيل هي التي تواطئت علي الكلب حسني و عصابته و هم يخربون في كل شبر في مصر؟؟؟و هل وهل وهل؟؟؟؟؟
إن إتهام اسرائيل و امريكا بهذه الطريقة لهو إدانة لكم,,,كيف فعل العدو هذا في العمق المصري بدون تواطئ او إهمال من كبار البلد؟؟؟
يذكرني هذا بإتهام حماس و إيران و حزب الله بالوصول لقلب القاهرة و قتل المتظاهرين و فتح السجون...كيف دخلوا و كيف فعلوا و لصالح من يقتلون متظاهرين يريدون اسقاط النظام المفروض انهم هم كمان مش عايزنه؟؟؟؟؟؟؟؟؟؟؟؟؟؟؟؟؟؟
يجب علي القيادة ان تتوقف فورا عن تكسير ايديها و ارجلها,يجب ان تتوقف فورا عن حرق حصونها والا اسقطها العدو بمنتهي السهولة,,ولن يبكي عليهم احد,,,إنهم يخسرون موقعة كل يوم امام اعداء مصر,,وردهم دائما عنيف ولكن ضد من؟؟ضد الأعداء؟؟
لا والله ,,ضد المصرين الحقيقين,,فلا يزيدهم هذا الا رهقا و ضعفا و يعجل بسقوط المؤسسات و الدولة
ارجو الا تغضبوا إذا أعدت كتابة هذه الحكاية مرة أخري,فإني لا أعتقد أن هناك من يسمع
رضا
ليست هناك تعليقات:
إرسال تعليق