أصحاب المواقف المريبة

Yasser Negm

Yesterday at 12:41am ·

رسام الكاريكاتير..إسلام جاويش..
القاضي محمد السحيمي..
شادي أبو زيد...
ال3 كانوا مع الإنقلاب..مش مجرد مع 30 يونيو..
وال3 كانوا مؤيدين لفض رابعه بالقوة..لحد ما حصل في 14 اغسطس 2013..بعد مذابح المنصة والحرس الجمهوري والإعتقالات والتشريد وخطف الرئيس المنتخب وتكميم الأفواه وإغلاق القنوات وتفويض السيسي والتهليل له..
يعني وصلوا لدرجة عالية من الإجرام..
القاضي محمد السحيمي ينتمي أصلا لمجموعة الزند..وكان معاه وهو بيرفد القضاة اللى مع الشرعية...
إسلام جاويش سخر من شهداء رابعه وأنكر حدوث مذبحة..
الوحيد اللى فيهم اتحرك ضميره أثناء المذبحة كان شادي..بعد ما أدرك ان الفض بقوة اللى كان بيحرض عليه كان أوسخ مما تصوره..
_______________________________
الإشكالية دلوقتى ان السلطات الإنقلابية بعد ما نكلت بكتير من أهل 30 يونيو..وصلت كمان انها بتنكل بالأقرب..مؤيدي الإنقلاب..ومؤيدي فض رابعه..لمجرد انهم مش عاجبهم السيسي..
مع مرور الوقت وتصاعد فشل السيسي وتوحش آلته القمعية..الإضطهاد بيطول الجميع..وهايزيد لحد ما يطول كمان الأقرب والأقرب..هايبقى أغلب الشعب من ضحاياه..
فهاتلاقي شخصيات سيئة كتير من ضحايا السيسي..
كون ان شخص ما ضحية للسيسي مش معناه انه بطل...كون ان شخص ما يجهر بعدائه للسيسي دلوقتي وبينال نصيبه من القمع نتيجة لده مش معناه انه بطل..
هو أفضل قطعا من المهللين والمنافقين والمطبلاتية..هو أفضل من الساكتين الجبناء..لكنه مش بطل...
_______________________________
القاضي محمد السحيمي مثلا استقال علشان (تبقى جت منه) لأن الزند كان على وشك يحيله للصلاحية..لأنه افتكر نفسه يقدر يحاسبه ويعمل راسه براسه..وهو مع الإنقلاب وكل ما حدث بعده في الشأن العام قلبا وقالبا..ورسالته لاصحاب ابوه في المجلس الأعلى للقضاء بهدف انهم يرجعوه من قنا للقاهرة ويرجع يشتغل عادي..
ده مش نتيجة موقف شريف مثلا من السحيمي..
ايه البطولة في كده ؟
إسلام جاويش بيتلككوا له علشان بيهاجم السيسي لكن مازال تحت مظلة قانون..ولو شكليا..
شادى ماحصلوش حاجه أصلا..كل المسألة ان الداخلية مقدمة فيه بلاغ للنيابة..آه والله..تصدق كل اللى ناله ان الداخلية زعلت فمقدمة فيه بلاغ.. smile emoticon
________________________________
ماحدش من دول اتصفى في بيته ولا في الشارع خارج اطار القانون..
ماحدش من دول اتحبس بالسنين بدون تهمة ولا قضية...
ماحدش من دول اتخطف في ثكنة عسكرية..
ماحدش من دول اتعذب في معتقل زى العقرب..
ماحدش من دول اختفى قسريا..
ماحدش من دول اضطهد لمجرد انه بينتمى فكريا لتيار معين..
ماحدش من دول اتخطف من عروسته أو من وسط ولاده..
ماحدش من دول مات في الحبس لأنه اتحرم من علاج...
ماحد من دول اتشردت أسرته ولا حفيت انها تشوفه من ورا ازاز مرة كل كام شهر..
ماحدش من دول نطق في عز الظلم والقهر وأفراح التفويض والتهليل..
ماحدش من دول نزل في مسيرة ولا مظاهرة ولا قاوم الإنقلاب...
ماحدش من دول فنى عمره أو ماله علشان يصلح البلد لوجه الله..فكان جزاؤه التنكيل ونهب ما يملك وتلبيسه قضايا مفبركة زورا وبهتانا من أمن الدولة.
ماحدش من دول اتنفى ولا أجبر انه يسيب البلد تحت جنح الظلام كأنه عامل جريمة شنعاء..
ماحدش من دول اتحاكم محاكمة هزلية في يومين انتهت بالحكم عليه بالإعدام..
_________________________________
مازالت تيارات معينة بتبروز وتعظم كل اللى يتداس على صباعه تبعهم..واحنا بنساهم فى ده بقوة...
ومازالت نفس التيارات منافقة وبتمجد اللى تبعها بس..وبتعتبر ان اللى مش تبعها نكرة وتدور وشها الناحية التانية حتى لو اللى مش تبعها ده اتقطع حتت بدم بارد في الشارع (يعني الموضوع مش مقصور على موقف رابعه واستقاموا بعد كده)..واحنا برضه بنساهم في ده..
__________________________________
مطلوب التعاطف والتضامن مع المظلومين...مطلوب تعرية النظام الإنقلابي من خلال المواقف دي..
لكن مش مطلوب رفعهم لمصاف الأبطال..إلا لو كانوا فعلا أبطال...
ده بغض النظر عن معادلة الشماتة واللا شماتة..اللى ماقدرش ألوم عليها حد فرح لما شاف الظلم بيطول واحد رقص على جثة أخوه أو ابنه أو صاحبه..
______________________
مصادر:
__________
موقف شادي من فض رابعه: https://www.facebook.com/photo.php?fbid=573770949458136&set=p.573770949458136&type=3&theater
موقف المستشار السحيمي: https://www.facebook.com/aimanelwerdany/posts/1139900876049470?hc_location=ufi
مواقف إسلام جاويش: https://www.facebook.com/photo.php?fbid=1566157420375121&set=p.1566157420375121&type=3&theater
https://www.facebook.com/gesrha/posts/770303133010889?hc_location=ufi