مواصفات الرئيس لكاتب شاب

خالد كامل

عايز رئيسك مواصفاته إيه؟؟
علي دين...ويتقي الله فينا؟؟
الراجل كان حافظ القرآن(بقرآته)..ولم يترك صلاة الفجر(جماعه)من زمن..حتي لما دخل القصر إفتكر الل فيه بني آدمين واشتغل عليهم دعوه فرديه
عايزه دماغ علميه متفتحه؟؟
كانت شغلانته تطوير وقود الصواريخ...ودرسها ف جامعات ومحافل عالميه فبلاش انت يالل امك عليها ندر من يوم ماخدت الدبلون
عايزه مخضرم سياسيا؟؟
الراجل كان رئيس أكبر حزب سياسي ف مصر(شئت أم أبيت)ورئيس كتلته البرلمانيه لسنوات طويييييييله
عايزه شريف؟ ميسرقناش
بشهادة الجهاز المركزي(الل يتمنو يمسكو عليه غلطه)معلهوش مخالفه ماليه واحده...ومقبضش جنيه مرتب ف سنه حكم فيها(ودا حقه) حتي أكله كان يجيله من بيته
عايزه واحد مننا؟ عشان يحس بينا؟
الراجل كان رئيس أكبر دوله عربيه(لمدة عام)ومعاه إبن عاطل..وابن ف الخليج..وكان ساكن ف شقه إيجار..لانه ممعهوش تمن التمليك...واخته ماتت وهي بتتعالج ف مستشفي حكومي انت مترضاش تدخلها
أهو الراجل دا محبوس دلوقتي...عارف ليه
عشان كان قلبه علينا وع البلد وكان ناوي يخليها تركيا تاني(وكان هيحصل)
بس احنا كشعب...منستاهلش كدا(معظمنا ع الأقل)
فاللهم إجزه عنا كل خير..فإنا نحبه فيك
وفك أسره وانصره...واجمعنا به ع الخير عاجلا غير آجل
وعزة وجلال الله أنا ما إخوان...وأقل إني أكون منهم