Fly Bird added 2 new photos
.
الملازم أول / [ محمد مرتضى العطار ]
ظابط بقسم شرطة المطرية وأثناء سيره بالبوكس الساعة ( 2 بعد منتصف الليل )
عند الشونة قال لى هات بطاقتك ، قولت له مش معايا البطاقة لكن معايا كارنيه الجامعة وورتهولوا وعلشان مكتوب على الكارنيه ( 2015 ) قالى دة بتاع السنة اللى فاتت فين بتاع السنة دى ؟؟ قولتله بتاع السنة دى لسة ما طلعش قالى إزاى والتيرم الأول هيخلص أهوه ( هو أساساً مالوش دعوة ) المهم قولتله يا محمد بيه لو حضرتك مش مصدقنى فموقع الكلية مكتوب على الكارنيه إدخل عليه وإتأكد بنفسك ولو طلع كلامى مش مظبوط اللى سيادتك شايفه معايا إعمله
قالى طيب إركب البوكس لم أشوف عليك حاجة فى القسم ولا لأ قولتله يا محمد بيه انا طالب فى الجامعة يعنى مش مجرم ولا مُسجل وعندى امتحان فى الجامعة الاسبوع الجاى ( شخرلى ) معلش فى اللفظ بس هو دة إللى حصل
وفعلاً ركبت البوكس ولم روحت القسم قال لأمناء الشرطة دخلوه الحجز قولتله يا محمد بيه هو مش حضرتك قولت هتشوف علية حاجة ولا لأ ؟؟ أنا عندى امتحانات فى الكلية الاسبوع الجاى ودى آخر سنة لية فى الجامعة فقالى إدخل يالا قولتله أدخل ليه الحجز هو أنا عملت حاجة ؟؟ قالى ( هعملك قضية سرقة ) قولتله حرام عليك ليه تعملى كدة أنا عملت ليك إيه وفين الحاجة إللى أنا سارقها ؟؟ فقال لأمناء لشرطة دخلوه الحجز فدخلت ففى فاتحة صغيرة فى الحجز شوفته منها لقيته طلع كيس ( برشام ) من المكتب وطلعلى منه شوية وعملى محضر إتجار فى برشام مُخدر وفضلت أقوله وأنا فى الحجز حرام عليك بالله عليك انت كدة هتضيع مستقبلى ليه بتعمل كدة أنا عملت لحضرتك ايه ؟؟ سيادتك أب وما ترضاش لإبنك كدة بالله عليك ما تظلمنى دة أنا عمرى ماشربت سيجارة تعملى محضر مخدرات وبعد شوية أهلى جم فكرشهم وتانى يوم اتعرضت على النيابة ودخلت لمدير النيابة حلفتله 100 مرة انى ما اعرفش حاجة عن البرشام دة وان محمد بيه مرتضى ماسكنى وأنا فاضى وعمرى ماشربت سيجارة ولا برشامة وقولت له استدعى محمد بيه وحلفه يمين الله انه ماسكنى وانا معايا البرشام دة ، وفعلاً استدعاه وجه وأقسم يمين الله إنه وهو ماشى بالبوكس إشتبه فيا ففتشنى فجاب البرشام دة من جيبى وانا حلفت لمدير النيابة انى عمرى ما شربت الحاجة دى ولا اعرف عنها حاجة وهو ماسكنى فاضى وما اعرفش ليه عمل معايا كدة وقولت له حللى ولو طلعت طول حياتى شربت برشامة أو حتى سيجارة يوبقى الحاجة دى بتاعتى فمدير النيابة خرجنى بكفالة ولم رجعت القسم ودخلت الحجز لغاية لم أهلى يدفعوا الكفالة كان هو قاعد على المكتب فقال لأمين الشرطة إللى جايبنى من النيابة إتعمل معاه إيه ؟؟ قاله هيخرج بكفالة ، قاله كام ؟؟ قاله 1000 جنيه فقاله بس ،،، معرفش ليه عمل معايا كدة ؟؟ هو علشان ظابط فيعمل كدة معايا وخرجت وكان كارنيه الكلية معاه فتانى يوم روحت أجيب منه الكارنيه فقالى هجيبك تانى وهعملك قضية تانية وممكن أدخلك الحجز دلوقتى والله مافى أسهل من كدة قولتله يا محمد بيه ليه بتعمل معايا كدة ؟؟ أنا عملتلك إيه ؟ ما ردش فقولتله حضرتك كدة ضميرك مرتاح لم تخلى طالب جامعى فى آخر سنة فى التعليم مُسجل مخدرات قالى وقتك خلص وإمشى علشان ما أدخلكش الحجز بس إعمل حسابك القضية دى من سنة ل 3 سنين ولسة هعملك قواضى تانية ، قولتله حضرتك أب وإللى ترضاه لإبنك إرضاهولى وسيبته ومشيت
السؤال ليه بيعمل كدة ؟؟ أنا مش عارف ،، أنا عارف إن الحكاية غريبة بس والله هو دة إللى حصل
البوكس كان فاضى مافيهوش حد فهو باين كدة قال ما ينفعش أرجع القسم بإيدى فاضية فشافنى فقال يعملى القضية دى ( الله أعلم ) ربنا ينتقم من الظالم ومن كل حاكم يظلم ضعيف
المفروض الشرطة فى خدمة الشعب مش فى ظلم الشعب مش فى تحطيم الشعب وضياع مستقبله الشعب ....
حسبى الله ونعم الوكيل , وكلت أمرى إلى الله وكفى به وكيل
.
الملازم أول / [ محمد مرتضى العطار ]
ظابط بقسم شرطة المطرية وأثناء سيره بالبوكس الساعة ( 2 بعد منتصف الليل )
عند الشونة قال لى هات بطاقتك ، قولت له مش معايا البطاقة لكن معايا كارنيه الجامعة وورتهولوا وعلشان مكتوب على الكارنيه ( 2015 ) قالى دة بتاع السنة اللى فاتت فين بتاع السنة دى ؟؟ قولتله بتاع السنة دى لسة ما طلعش قالى إزاى والتيرم الأول هيخلص أهوه ( هو أساساً مالوش دعوة ) المهم قولتله يا محمد بيه لو حضرتك مش مصدقنى فموقع الكلية مكتوب على الكارنيه إدخل عليه وإتأكد بنفسك ولو طلع كلامى مش مظبوط اللى سيادتك شايفه معايا إعمله
قالى طيب إركب البوكس لم أشوف عليك حاجة فى القسم ولا لأ قولتله يا محمد بيه انا طالب فى الجامعة يعنى مش مجرم ولا مُسجل وعندى امتحان فى الجامعة الاسبوع الجاى ( شخرلى ) معلش فى اللفظ بس هو دة إللى حصل
وفعلاً ركبت البوكس ولم روحت القسم قال لأمناء الشرطة دخلوه الحجز قولتله يا محمد بيه هو مش حضرتك قولت هتشوف علية حاجة ولا لأ ؟؟ أنا عندى امتحانات فى الكلية الاسبوع الجاى ودى آخر سنة لية فى الجامعة فقالى إدخل يالا قولتله أدخل ليه الحجز هو أنا عملت حاجة ؟؟ قالى ( هعملك قضية سرقة ) قولتله حرام عليك ليه تعملى كدة أنا عملت ليك إيه وفين الحاجة إللى أنا سارقها ؟؟ فقال لأمناء لشرطة دخلوه الحجز فدخلت ففى فاتحة صغيرة فى الحجز شوفته منها لقيته طلع كيس ( برشام ) من المكتب وطلعلى منه شوية وعملى محضر إتجار فى برشام مُخدر وفضلت أقوله وأنا فى الحجز حرام عليك بالله عليك انت كدة هتضيع مستقبلى ليه بتعمل كدة أنا عملت لحضرتك ايه ؟؟ سيادتك أب وما ترضاش لإبنك كدة بالله عليك ما تظلمنى دة أنا عمرى ماشربت سيجارة تعملى محضر مخدرات وبعد شوية أهلى جم فكرشهم وتانى يوم اتعرضت على النيابة ودخلت لمدير النيابة حلفتله 100 مرة انى ما اعرفش حاجة عن البرشام دة وان محمد بيه مرتضى ماسكنى وأنا فاضى وعمرى ماشربت سيجارة ولا برشامة وقولت له استدعى محمد بيه وحلفه يمين الله انه ماسكنى وانا معايا البرشام دة ، وفعلاً استدعاه وجه وأقسم يمين الله إنه وهو ماشى بالبوكس إشتبه فيا ففتشنى فجاب البرشام دة من جيبى وانا حلفت لمدير النيابة انى عمرى ما شربت الحاجة دى ولا اعرف عنها حاجة وهو ماسكنى فاضى وما اعرفش ليه عمل معايا كدة وقولت له حللى ولو طلعت طول حياتى شربت برشامة أو حتى سيجارة يوبقى الحاجة دى بتاعتى فمدير النيابة خرجنى بكفالة ولم رجعت القسم ودخلت الحجز لغاية لم أهلى يدفعوا الكفالة كان هو قاعد على المكتب فقال لأمين الشرطة إللى جايبنى من النيابة إتعمل معاه إيه ؟؟ قاله هيخرج بكفالة ، قاله كام ؟؟ قاله 1000 جنيه فقاله بس ،،، معرفش ليه عمل معايا كدة ؟؟ هو علشان ظابط فيعمل كدة معايا وخرجت وكان كارنيه الكلية معاه فتانى يوم روحت أجيب منه الكارنيه فقالى هجيبك تانى وهعملك قضية تانية وممكن أدخلك الحجز دلوقتى والله مافى أسهل من كدة قولتله يا محمد بيه ليه بتعمل معايا كدة ؟؟ أنا عملتلك إيه ؟ ما ردش فقولتله حضرتك كدة ضميرك مرتاح لم تخلى طالب جامعى فى آخر سنة فى التعليم مُسجل مخدرات قالى وقتك خلص وإمشى علشان ما أدخلكش الحجز بس إعمل حسابك القضية دى من سنة ل 3 سنين ولسة هعملك قواضى تانية ، قولتله حضرتك أب وإللى ترضاه لإبنك إرضاهولى وسيبته ومشيت
السؤال ليه بيعمل كدة ؟؟ أنا مش عارف ،، أنا عارف إن الحكاية غريبة بس والله هو دة إللى حصل
البوكس كان فاضى مافيهوش حد فهو باين كدة قال ما ينفعش أرجع القسم بإيدى فاضية فشافنى فقال يعملى القضية دى ( الله أعلم ) ربنا ينتقم من الظالم ومن كل حاكم يظلم ضعيف
المفروض الشرطة فى خدمة الشعب مش فى ظلم الشعب مش فى تحطيم الشعب وضياع مستقبله الشعب ....
حسبى الله ونعم الوكيل , وكلت أمرى إلى الله وكفى به وكيل
ليست هناك تعليقات:
إرسال تعليق