13 mins ·
الدولة المصرية المريضة
عارف إنت رخيص لأي درجة؟
بص ، مش هتكلم عن الإنتخابات ولا نسبة المشاركة ، ولا مين هيكسب ولا إن الأمر محسوم .. ولا إن اللي بيحصل ده مسرحية بايخة نهايتها معروفة بقالها كتير واللي مشافهاش من زمان بيضحك على نفسه وعامل إنه إتصدم.
بص ، مش هتكلم عن الإنتخابات ولا نسبة المشاركة ، ولا مين هيكسب ولا إن الأمر محسوم .. ولا إن اللي بيحصل ده مسرحية بايخة نهايتها معروفة بقالها كتير واللي مشافهاش من زمان بيضحك على نفسه وعامل إنه إتصدم.
أنا هتكلم عن حاجة بخصوصنا في شمال سيناء ، حاجة عايشينها وحاسينها من
سنين لخصوهالنا وعرفونا قيمتنا في يومين .. إحساس إنك تبقى رخيص ، ورخيص
أوي كمان.
لما تبقى حياة 300 شخص "قاضي" أو أقل ، أهم من حياة 300 ألف واحد عايش على أرض المحافظة دي .. 300 شخص يتفتحلهم كوبري السلام شريان الحياة المقفول بقاله سنة ، واللي معذبين بسببه الناس في الإنتظار بالساعات ع المعديات.
لما شبكات الإنترنت والمحمول تبقى مقطوعة عنك على مدار سنة ، ومصالح الناس متعطلة وحالهم موقوف ومش عارفين يمارسوا حياتهم اليومية .. ويشغلوا الشبكات عادي جدا خلال يومين الإنتخابات عشان البشوات يباشروا سير العملية الإنتخابية ويقدروا كمان يطمنوا أهاليهم على حياتهم أثناء تواجده في محافظتنا الخطرة الشريرة.
لما يقفلوا أغلب الطرق الرئيسية القريبة من اللجان "ده غير أصلا الطرق المقفولة بقالها سنة" .. وتأمين الشوارع يبقى على أعلى مستوى عشان "صناديق" ، في حين إن كل كام يوم عساكر ومدنيين أبرياء بيسقطوا.
لما تكون الحجة في قطع الشبكات إن الإرهابيين بيستخدموا الشرايح الذكية واحنا بنحميكوا من شرورهم ، ويشغلوا الشبكات في أكتر يومين المفروض يكونوا خايفين ع الناس فيهم "حسب كلامهم" .. وتمشي الأمور عادي بدون أي مشاكل.
لما ولما ولما ، حاجات كتير تحسسك قد إيه إنت رخيص عند الدولة وأنظمتها .. حتى في صوتك "إحنا مش كتلة تصويتية ضخمة تأثر في نجاح مرشح" ، بس عشان لما المرشح الفلاني يكسب يطلعوا عليك يقولولك "شوفتوا ، سيناء كلها مع فلان ، وسينا تتحدى الإرهاب وتصوت لفلان، ودول رجالة أهل سيناء" ويرجعوا بعدها يدوسوا علينا بكل الجزم من جديد.
أنا طولت عليك ، ويمكن يكون كلامي إنت عارفه كويس وحافظه .. وكمان الظلم اللي بنعيشه ربما يكون واقع على ناس كتير في كل مكان في مصر.
بس تأكد ، مهما كنت رخيص .. عمرك ما هتبقى أرخص مننا.
#سيناء_خارج_التغطية
لما تبقى حياة 300 شخص "قاضي" أو أقل ، أهم من حياة 300 ألف واحد عايش على أرض المحافظة دي .. 300 شخص يتفتحلهم كوبري السلام شريان الحياة المقفول بقاله سنة ، واللي معذبين بسببه الناس في الإنتظار بالساعات ع المعديات.
لما شبكات الإنترنت والمحمول تبقى مقطوعة عنك على مدار سنة ، ومصالح الناس متعطلة وحالهم موقوف ومش عارفين يمارسوا حياتهم اليومية .. ويشغلوا الشبكات عادي جدا خلال يومين الإنتخابات عشان البشوات يباشروا سير العملية الإنتخابية ويقدروا كمان يطمنوا أهاليهم على حياتهم أثناء تواجده في محافظتنا الخطرة الشريرة.
لما يقفلوا أغلب الطرق الرئيسية القريبة من اللجان "ده غير أصلا الطرق المقفولة بقالها سنة" .. وتأمين الشوارع يبقى على أعلى مستوى عشان "صناديق" ، في حين إن كل كام يوم عساكر ومدنيين أبرياء بيسقطوا.
لما تكون الحجة في قطع الشبكات إن الإرهابيين بيستخدموا الشرايح الذكية واحنا بنحميكوا من شرورهم ، ويشغلوا الشبكات في أكتر يومين المفروض يكونوا خايفين ع الناس فيهم "حسب كلامهم" .. وتمشي الأمور عادي بدون أي مشاكل.
لما ولما ولما ، حاجات كتير تحسسك قد إيه إنت رخيص عند الدولة وأنظمتها .. حتى في صوتك "إحنا مش كتلة تصويتية ضخمة تأثر في نجاح مرشح" ، بس عشان لما المرشح الفلاني يكسب يطلعوا عليك يقولولك "شوفتوا ، سيناء كلها مع فلان ، وسينا تتحدى الإرهاب وتصوت لفلان، ودول رجالة أهل سيناء" ويرجعوا بعدها يدوسوا علينا بكل الجزم من جديد.
أنا طولت عليك ، ويمكن يكون كلامي إنت عارفه كويس وحافظه .. وكمان الظلم اللي بنعيشه ربما يكون واقع على ناس كتير في كل مكان في مصر.
بس تأكد ، مهما كنت رخيص .. عمرك ما هتبقى أرخص مننا.
#سيناء_خارج_التغطية
ليست هناك تعليقات:
إرسال تعليق