رد علي تعليق صديق بأن الناس جبناء,,,,طبعاً جبناء لكن ليه:
عبدالناصر لما جه أعدم و عذب و أغتصب و بهدل الناس بإيد أبنائهم...الجيش.
الناس اتربت 65 سنة علي إيد شعراوي جمعة و صلاح نصر و البسيوني و شمس بدران وووووو,,,,,كل دول ليهم فضل عظيم علي داخلية ما بعدهم,,ربوا لهم شعب مكسور,,,,,أتذكر عبدالمنعم مدبولي لما حكي قصة مشهده و هو ماشي علي إيديه و رجليه بيهوهو قدام البسيوني,,حكي إنه سمع ده من جار له كان معتقل و جابوا مراته و عياله قدامه و هددوه بإغتصابهم جميعاً و قاله البسيوني إنت كلب إنت إيه و هو يقول كلب و مشاه زي الكلب قدام مراته و عياله.....تخيل عياله بقي لما يشوفوا أمين شرطة ولا ظابط حايعملوا إيه؟؟؟؟؟؟
لسه شوية بس اللي أنا متأكد منه إن بلطجية الداخلية و عددهم ضخم هم إللي حايبهدلوا الداخلية يوماً ما و دايماً بأحذر الناس الكويسين إعملوا إستعدادات حماية لبيوتكم و أهلكم.....الكبار حايبيعوكم في أول جولة و خصوصاً إنهم عاملين حسابهم علي كده لإن الأفراد و الظباط دول مالهومش مكان لا في الإسكان العسكري ولا الإدارية ولا العلمين و إللي عايز مكان آمن و حراسة يدفع كويس.
د.رضا هلال
ليست هناك تعليقات:
إرسال تعليق