جزيرة الزمالك تحولت لمنطقة لاجئين في حاجة لاغاثة الهية..
حفار مترو الانفاق بعد ما شال سكان كام عمارة في طريقه اضطروا يسيبوا بيوتهم علشان مبانيهم قديمة مش حتستحمل الحفر....من 3 ايام تسبب في كسر الماسورة الرئيسية المغذية للميه في الزمالك...فجأة و بدون مقدمات و علشان شوية جهلة بيعملوا شغل ملوش دراسة و لا اصول هندسية..ربع مليون بني ادم اتقطعت عليهم المية و الكهربا ... النهاردة داخلين في 3 يوم بدون ميه...شركة الميه مش ذنبها لانها مش غلطتها و مشكورين بعتوا تانكرات ميه كاننا في مخيمات لاجئين علشان السكان تملى ميه...
سكان عاشت عمرها تخدم بلدها و محافظين على كرامتهم و وضعهم..وصل بيهم الوضع في عصر النهضة انهم واقفين بجراكن في نص الليل في البرد طوابير علشان يملوا ميه!
و زيادة في الاحترافية...بعد ما صلحوا الماسورة الاولى اللي هبطت و اتكسرت ... ضغطوا الميه في المواسير الفاضية بدون تدريج ففجرت ماسورة ثانية في ابو الفدا و النفق بقى حمام سباحة اوليمبي زي ما انتوا شايفين كدة.
حقيقي من احقر الفترات اللي مرت في تاريخ مصر...الله يخربيتك يا شيخ لا سبت غني و لا فقير و لا كبير و لا صغير الا ما بهدلته...الله يلعنك.
---------------------------------------
تعليقي:
- يا أستاذ أدهم من 1952 عاد عصر المماليك,حكم عسكر و يغدرون ببعضهم البعض و بالجميع,,و لو حضرتك من سكان الزمالك فأكيد علي علم بالعدد الكبير من الشقق التي أستولي عليها ظباط من 52 و أعرف أنا شخصياً عدد ضخم منهم ..... كونهم عسكر و كونهم أعانوا حكام خونة و كونهم متواطؤن,فإن غدر الظالم لا يستثنيهم.
ليست هناك تعليقات:
إرسال تعليق