تعليقي علي شتيمة إيمان البحر للإخوان في وسط الكلام:
شتيمة الإخوان عند الناس دي "شفرة الآمان", يعني يقول إللي يقوله و بعدين يأمن نفسه فيشتم الإخوان.زمان في حي عابدين,كان جاري في العمارة سيد شاكر آمين الإتحاد الإشتراكي لشياخة المنطقة.كان عارف إني عمري ماشفت كرة قدم ولا حبتها-بسببه و بسبب إجتماع صيع المنطقة حوليها و بتوع الإتحاد الإشتراكي بفسادهم و إلهائهم للناس-و كمان مابحبش عبد الحليم حافظ لإني مابحبش الراجل المسهوك و اللي الحب عنده إبتزاز بالمرض و الشحاتة.كان حكمه علي لإني مابحبش ال"شفرتين" دول إني فقري و حافض طول عمري فقري و فعلاً...تصدقي كلامه طلع صح,لإن شفراتهم مستمرة.من كام سنة إتصلت بنائب رئيس جامعة ضخمة لإعتماد بحث لي,لقيت الكول تون بتاعته أغنية لعبد الحليم,و قريبي ضابط حرس جمهوري كان عنده مناسبة و هو قريب المدام ألحت أتصل بيه لقيت الكول تون يا حبيبتي يامصر.الناس دي مجتمعة علي "شفرات" تواصل زي الجماعات الماسونية بالظبط.
ليست هناك تعليقات:
إرسال تعليق