==========================
* إيه رأى حضرتك فى ثورة يناير ؟!!
** بس متقوليش ثوره دى كانت مؤامره لاسقاط مصر
* يعنى مصر كانت حلوه قبل مؤامرة 25 يناير؟
** طبعا مصر كانت حلوه جداً و أحسن من دلوقتى و اللى حصل لمصر دا ذنب الرئيس المحترم محمد حسنى مبارك :D
*يعنى انت بتحب مبارك؟
** طبعاً الراجل قضى 30 سنه من عمره فى خدمة البلد
* و إيه رأيك فى انقلاب 30 يونيو؟
** متقوليش انقلاب دى ثوره شعبيه نزل فيها 33 مليون ضد مرسى
* و إيه رأيك فى السيسى؟
** الراجل شغال زى الفل و عمل اللى متعملش :D
* أيوه يا أفندم عمل إيه بالظبط؟
** عمل قناة السويس الجديده و رجع الأمن تانى
* هل دى كفاية فى سنتين من حكمه؟
** أيوه كفايه الراجل بيصلح فساد 30 سنه من عهد مبارك لازم نصبر عليه شويه :D
* فساد مبارك اللى قضى 30 سنه من عمره فى خدمة البلد؟
** بالظبط يا أفندم
* طيب مش ناوى تنزل تستقر فى مصر؟
** لا و الله مصر أصلاً مينفعش يتعاش فيها البلد خربانه و بايظه
* إزاى خربانه و بايظه يعنى ممكن توضح؟
* أقولك أنا نزلت أجازه و ماشى على الطريق أنا و ولادى اتثبت بالعربيه و الحراميه سرقوا العربيه و عشان أرجعها دفعت 25 ألف جنيه للحراميه و 5 آلاف جنيه لأمين الشرطه الوسيط اللى بينى و بين الحراميه و كمان الطرق فيها مكسره و زحمه و كل ما أروح أخلص ورق لازم أدفع رشوه و إلا يقرفونى و بصراحه البنات لبسهم اليومين دول أوسخ من البنات فى أمريكا شبه عرايا يعنى مش عارف البلد حصل فيها إيه :D :D
* أمين الشرطه دا اللى هو من شرطة السيسى اللى رجع الأمن للبلد؟!!
** بالظبط يا أفندم فأنا قررت منزلش مصر تانى إلا بعد ما الوضع يتحسن
* و حضرتك هنا بقالك كام سنه ؟!!
** أنا دخلت أمريكا فى 81 السنه اللى مبارك مسك فيها الحكم
* و ليه ما رجعتش تعيش فيها فى فترة مبارك؟
* لأن مبارك عمل منظومة فساد و خلى الحزب الوطنى يسيطر على البلد و نهب ثرواتها هو و أولاده يا عم دا مهرب 73 مليار دولار فى بنوك أوروبا و باع الغاز لإسرائيل و خلى الشعب بيشحت و نام فى حضن إسرائيل
* طيب إيه اللى انت شايفه فى مستقبل مصر؟
** شايف إننا نصبر شويه على السيسى زى ما صبرنا على مبارك :D
* أيوه يا أفندم السيسى اللى هو مدير مخابرات مبارك و اللى طلعه براءه من جميع التهم الموجهه له ؟!!
**و هو مبارك كان متهم بايه الراجل شريف و نضيف و عمره ما ضر مصر فى حاجه :D
#سراية_المجانين منقووول من عمرو جابر
ليست هناك تعليقات:
إرسال تعليق