ahl.masr.zman أول مره اسمع تفسير الشعراوى لجملة " اذا بليتم فاستتروا "
الشيخ الشعراوى بيقول إن أصل الحكايه متعلقه بأية " إنما يوفى الصابرون أجرهم بغير حساب " ..إن الصابرين دايما راضيين بقضاء ربنا سبحانه وتعالى وبيخافوا من إن الشكوى للناس تبدو وكأنها إعتراض على قضاء الله أو اللسان يقع فيما ينقص ثواب الصبر الجميل .. !! فكانوا بيستتروا عند حصول البلاء حفاظا على ثواب أجر الصبر الجميل .
وكان فيه قصه مشهوره لأحد الصحابه اللى كان بيمشى على طول أول ما الصلاه تخلص ولما الرسول صل الله عليه وسلم لاحظ ده سأله فى عتاب رقيق يذيب الحجر ( أزهدً فينا ) .. ؟! فكان رد الصحابى إن زوجته فى إنتظاره فى البيت علشان تصلى لأنهم معندهمش غير رداء واحد
رداء واحد هيديهولها تصلى فيه ... و لما الزوج وصل البيت زوجته سألته اتأخرت بعدد كذا تسبيحه (ظبطه رجوعه على عدد تسبيحاتها بعد إقامة الصلاه) فحكالها اللى حصل .. تفتكروا رد فعلها إيه .. ؟!
(أشكوت ربك لمحمد .. ؟!) حاجة كده فوق مستوى البشر .. !!
ربنا يجعلنا من الحامدين فى السراء والضراء و لا يجعل مصيبتنا فى ديننا ولا يجعل الدنيا اكبر همنا ولا مبلغ علمنا
ليست هناك تعليقات:
إرسال تعليق