رسالة للناس بتوع 30 يونيه
إوعى تفتكر إن الظلم و الفساد هيفرق بيني و بينك في المعاناة
احنا الاتنين هنعاني بنفس الدرجة
ظابط الشرطة هيعاملك معاملة سيئة لأنه مش هيلاقي مكتوب على وشك سيسي
هتروح تقدم على وظيفة هتتاخد منك علشان الواسطة ومحدش هيهمه ساعتها ان كنت سيسي و لا غيره
أنا و انت هننزل نشتري الخضار و اللحمة بأسعار نار و مش هيعملولك تخفيض علشان انت سيسي
أنا و انت مش هنلاقي خدمات من الدولة في الصحة و التعليم و الطرق و غيرها لأنهم مش هيعملولك انت خاطر علشان انت سيسي
الزبالة اللي في الشوارع همشي أنا و انت جنبها كتفنا في كتف بعض مش هشوفها انا لوحدي
انا و انت هنتحشر في مترو واحد او اتوبيس واحد و الحر و الزحمة مش هحس بيهم لوحدي علشان أنا مؤيد للشرعية و انت لأ لأنك مؤيد للسيسي
لما تنزل تختار مرشحك و الانتخابات تتزور لحد تاني ساعتها مش هيطلعوا
ورقتك من الصندوق و يكتبوا عليها ممنوع التزوير لأنك مؤيد للسيسي
إوعى تكون فاكر إن 30 يونية كانت ثورة على فساد الدولة
خلينا صرحة .. 30 يونيه اتعملت لهدف واحد و هو ازاحة الإخوان و بس إنما
ملهاش أي أهداف تانية و الثورات بتتعمل علشان أهداف واضحة أهمها القضاء على
فساد النظام و انتوا للأسف رجعتوا فساد نظام مبارك اللي كلنا هنعاني منه
مرة تانية مع اختلاف الوشوش
ليست هناك تعليقات:
إرسال تعليق