عندنا سلاح مظلات نجح فى انه يتسلق العمارات يوم فض رابعة ، ويكسر كاميرات المراسلين ، وضباطه وعساكره دلوقت قافلين الميادين ، ومعرفوش ينقذوا 8 مصريين على الجبل .
عندنا وحوش الـ 777 نجحوا فى اقتحام الإعتصامات وقتل المتظاهرين بكل شجاعة ، وكانوا واقفين اسود بيحرسوا سيتى ستارز فى الـ 18 يوم ، ومعرفوش ينقذوا 8 مصريين على الجبل .
عندنا صقور سلاح الطيران ، نجحوا فى انهم يعدوا المتظاهرين فى 30 - 6 ويصوروهم واحد واحد ، وعرفوا يرسموا قلوب وعلم مصر بالألوان فى السما ، ومعرفوش ينقذوا 8 مصريين على الجبل .
عندنا سلاح مشاه أد الدنيا ، قاعد فى الجبل الأحمر والعباسية وحدائق بيأمن المكاتب والأبراج والمطابخ ودور المناسبات
ومعرفوش ينقذوا 8 مصريين على الجبل .
عندنا قوات خاصة وصاعقة ما شاء الله زى القمر بيتصوروا جمب البنات فى اللجان وهما لابسين اليونيفورم الضيق الجديد وشايلين الأسلحة الجديدة ، ومعرفوش ينقذوا 8 مصريين على الجبل .؟؟؟؟
ليست هناك تعليقات:
إرسال تعليق