الأطفال
في مصر بيتخطفوا من الحضانات والشوارع والمولات والمستشفيات وموخرًا
الجوامع، أرجوكم، أرجوكم، اللي ينزل بطفل يخلي عينه في وسط راسه، ويا ريت
اللعب في الشارع أو في الحديقة أو أيًا
كان يبقى تحت ملاحظة مشددة ويُفضل يبقى الأطفال في مجموعات وتعلموهم يفضلوا
دايمًا مع بعض وميكلموش حد غريب ويصرخوا بصوت عالي لو حد حاول يشدهم أو
يقولهم ييجوا معاه أي مكان، وقطعا مياخدوش أي أكل وشرب من أي غريب. ربنا
يحفظ عيالكم جميعًا، وينولني فرصة إني أمسك خاطف أطفال عشان أعمل فيه اللي
معملوش أبو بكر البغدادي.
ودي شوية ملاحظات مهمة جدًا كان حد بعتهالي من فترة بخصوص الموضوع:
1. الملاحظ من حوادث الخطف أنهم بيستهدفوا الست الي ماشية لوحدها بطفل أو أكتر و طبعا لو معاها أكتر من طفل بتبقي فرصتهم أفضل لأنها هتتلخم مع التاني.
2. مسئول خط نجدة الطفل بيقول كمان انهم بيستهدفوا الأطفال الصغيريين الي سهل السيطرة عليهم سن سنتين تلاتة مثلا لكن سن 6 سنين و 7 سنوات و أكتر بيبقي صعب السيطرة عليهم.
3. الملاحظ في أكتر حوادث الخطف ان الي بيخطفوا بيبقوا شخصين سواء راجل و ست أو راجلين أو اتنين ستات و علي فكرة بيبقوا غالبا لابسين كويس و مظهرهم يتناسب مع المكان الي هما فيه سواء هايبر ماركت كبير أو مول بدون ذكر أسماء.
4. الهدف من الخطف بيبقي 4 حاجات : التسول بيهم - يبيعوهم لحد معندوش أطفال لحد عشان يكتبهم باسمه لأنه الأطفال الي في دار الأيتام بيبقوا للكفالة بس مينفعش يسجلهم علي اسمه - الأعضاء - تم رصد حالات تهريب أطفال خارج البلد عن طريق السودان للاتجار فيهم (المصدر: مسئول خط نجدة الطفل)
5. خطف الأطفال مش حالات قليلة ده أصبح ظاهرة (المصدر: مسئول خط نجدة الطفل)
6. الشخص الي بيخطف طفل بيبقي نازل الشارع بيبحث عن طفل مطلوب منه طفل و بينتهز الفرصة و ساعات مثلا و الموقف اتكرر بيحاولوا يلهو الأم في السوبر ماركت أو لو هي في محل (موقف اتكرر) عشان يعرفوا يهربوا بالطفل.
7. لو كنتي ماشية في مول مثلا و شوفتي واحدة أو واحد ماشي شايل طفل علي كتفه ده مش منظر طبيعي لأن لو الطفل ده بيتشال في العادي و دول أهله كان أكيد هيبقي معاهم العربية بتاعته (السترولر) فياريت لو تصوريهم أو تركزي معاهم خصوصا لو كانوا خارجين من المول.
8. ركزي مع عيالك آخر حاجة مفيش حد يجي ياخدك في دوكة و لا يقولك أشيلك ابنك و لا يرغي معاك أو يشتت انتباهك متتكسفيش لان الكسوف مش هينفعك قوليلها معلش مش قادرة اركز معاكي عشان مركزة مع ابني أو معلش أصل ابني مش واخد علي حد غريب يشيله.
9. دايما علمي ابنك انه ميبقاش لوحده في أي مكان يمشي مع أصحابه دايما أو مع أي حد بلاش يسرح لوحده في أي مكان مهم كان.
1. الملاحظ من حوادث الخطف أنهم بيستهدفوا الست الي ماشية لوحدها بطفل أو أكتر و طبعا لو معاها أكتر من طفل بتبقي فرصتهم أفضل لأنها هتتلخم مع التاني.
2. مسئول خط نجدة الطفل بيقول كمان انهم بيستهدفوا الأطفال الصغيريين الي سهل السيطرة عليهم سن سنتين تلاتة مثلا لكن سن 6 سنين و 7 سنوات و أكتر بيبقي صعب السيطرة عليهم.
3. الملاحظ في أكتر حوادث الخطف ان الي بيخطفوا بيبقوا شخصين سواء راجل و ست أو راجلين أو اتنين ستات و علي فكرة بيبقوا غالبا لابسين كويس و مظهرهم يتناسب مع المكان الي هما فيه سواء هايبر ماركت كبير أو مول بدون ذكر أسماء.
4. الهدف من الخطف بيبقي 4 حاجات : التسول بيهم - يبيعوهم لحد معندوش أطفال لحد عشان يكتبهم باسمه لأنه الأطفال الي في دار الأيتام بيبقوا للكفالة بس مينفعش يسجلهم علي اسمه - الأعضاء - تم رصد حالات تهريب أطفال خارج البلد عن طريق السودان للاتجار فيهم (المصدر: مسئول خط نجدة الطفل)
5. خطف الأطفال مش حالات قليلة ده أصبح ظاهرة (المصدر: مسئول خط نجدة الطفل)
6. الشخص الي بيخطف طفل بيبقي نازل الشارع بيبحث عن طفل مطلوب منه طفل و بينتهز الفرصة و ساعات مثلا و الموقف اتكرر بيحاولوا يلهو الأم في السوبر ماركت أو لو هي في محل (موقف اتكرر) عشان يعرفوا يهربوا بالطفل.
7. لو كنتي ماشية في مول مثلا و شوفتي واحدة أو واحد ماشي شايل طفل علي كتفه ده مش منظر طبيعي لأن لو الطفل ده بيتشال في العادي و دول أهله كان أكيد هيبقي معاهم العربية بتاعته (السترولر) فياريت لو تصوريهم أو تركزي معاهم خصوصا لو كانوا خارجين من المول.
8. ركزي مع عيالك آخر حاجة مفيش حد يجي ياخدك في دوكة و لا يقولك أشيلك ابنك و لا يرغي معاك أو يشتت انتباهك متتكسفيش لان الكسوف مش هينفعك قوليلها معلش مش قادرة اركز معاكي عشان مركزة مع ابني أو معلش أصل ابني مش واخد علي حد غريب يشيله.
9. دايما علمي ابنك انه ميبقاش لوحده في أي مكان يمشي مع أصحابه دايما أو مع أي حد بلاش يسرح لوحده في أي مكان مهم كان.
ليست هناك تعليقات:
إرسال تعليق