آه.....الكام واحد دول إللي ماتوا علي السكة...........

سلسل الإهمال في الجامعات الخاصة يستمر في حصد أرواح الطلاب, ضحية جديدة بعد مقتل يارا طارق تحت أتوبيسات الجامعة الألمانية منذ حوالي شهر ونصف فقط !
في الصورة الطالب الشهيد بإذن الله أحمد علي, أحمد كان طالب في الفرقة الثانية في معهد العبور العالي للهندسة والتكنولوجيا, أحمد مات بسبب الإهمال وتخاذل الإدارة, أحمد مات وهو بيعدي طريق صحراوي فيه 5 حارات ذهابا و6 حارات إيابا, أحمد خبطته عربية يوم 22-4-2015 وهو بيعدي الطريق السريع ده عشان مفيش كوبري مشاه للطلبة يعدوا من خلاله الطريق.

أحمد مش أول ضحية للجامعات الخاصة اللي موجودة علي طرق سريعة و"بتستخسر" تبني كوبري مشاه عشان الطلبة تعدي من عليه للجامعة, ولا هيكون آخر ضحية للأسف طول ما وزارة التعليم العالي بتطلع تصاريح لجامعات هدفها الأول والأخير هو الربح بدون اتخاذ أبسط التدابير للحفاظ علي حياة الطلاب.
معهد العبور للأسف كمان زيه زي بقية الجامعات مفيهوش عربية اسعاف بالرغم إنه علي طريق اسماعيلية الصحراوي في الكيلو 31 ! ومفيش حتي عيادة مُجهزة أو دكتور في الجامعة يقدر يسعف أحمد, وطبعاً أقرب عربية الاسعاف جت بعد نص ساعة كان أحمد -رحمه الله- مات.
زمايل أحمد في الكلية لحد دلوقتي عملوا وقفتين عشان يحققوا المطالب دي:
1-بناء كوبري مشاه
2-وجود عياده مجهزه ودكتور مدرب
3-وجود عربيه اسعاف بالمعهد
4-وجود تأمين صحي لكل الطلاب واستلام ما يثبت ذلك "كارنيه تأمين"
5-وجود مستخرج يثبت الشروع في بدء عمل الكوبري في خلال هذا الاسبوع
الموضوع متعتم عليه جداً للأسف, ساعدوهم بالنشر ‫#‏ادعموهم‬
ده فيديو لأول وقفة عملوها زمايل أحمد:https://www.youtube.com/watch?v=tw--jixskuo&feature=youtu.be
ودي صور تاني وقفة عملوها الطلبة وكانت انهاردة: http://goo.gl/DGFNzu