Reda Helalالمشكلة تظل في قلوب غلف و عقول طمس الله عليها و بصائر معدومة,,, المشكلة طول فترة الظلم و الفساد لما زاد علي ستين سنة,,, المشكلة من لايفهمون بديهيات الأمور,,,المشكلة من يرون الأصنام تبول عليها الكلاب و يصممون علي عبادتها و الخشوع لها,,,,,المشكلة كبيرة و الحمدلله إن الله سبحانه يجزي الناس علي فعل الخير و قول الحق وليس التوصيل و النتائج,فهي أمره سبحانه و لنصر و بعزيمة علي كلمة الحق و الله المعين.رضا هلالهيطلع اللي يقول مايكل ده أخوان أصلاً!!!!
بوست طويل شوية بس عشان أشرحلكم أنا إيه مشكلتي مع محاكمة مرسي بالتخابر، مرة واحدة وخلاص:
1. اللي عارف الدنيا ماشية إزاي في أمريكا، كندا، أو أوروبا، بيبقى عارف ان اللي بيشتغل بواب في وكالة أمنية أو هيئة دبلوماسية، بيتعمل عليه فحوصات أمنية، وتحقيقات ومقابلات، وبيجيبوا تاريخ اللي جابوه واللي جابوا اللي جابوه يمكن وصولا لآدم وحواء قبل ما يشتغل... حاجات هو ميعرفهاش عن نفسه، هما يعرفوها. ده بس عشان تشتغل بواب، أما لو ظابط، دبلوماسي، سفير، وزير، كل ما تعلى في المنصب، كل ما الفحص الأمني ده بيبقى مشدد أكتر.
فلما تقول إن رئيس الجمهورية، أعلى منصب في الدولة، اترشح ووصل للرئاسة وهو عميل ومتخابر من 2005، معناها إنك عايش في جمهورية موز، واللي المفروض يتحاسب هو أجهزة الأمن: مخابرات عامة وحربية وأمن الدولة.
2. الجيش وأجهزة المخابرات الجبارة اللي أحبطت المؤامرات ومخططات التقسيم، واللي كانت بتكشف عن اجتماع رؤساء أكبر أجهزة مخابرات في العالم سرياً لإغتيال السيسي، معرفتش إن مرسي عميل ومتخابر إلا بعد 3 يوليو؟
3. الباشا اللي كل شوية يطلع يقول: "لو مرسي كان وافق على استفتاء، كنّا إحنا كقوات مسلحة هندعمه." الكلام ده قاله كذا مرة بعد ما كان مرسي مُتحفظ عليه. إذاً أنت كنت هتدعم عميل متخابر، ولو نجح كان كمّل 3 سنين تاني عمالة وتخابر؟
الناس بقى اللي بتقولّي أنت بتدافع عن مرسي والإخوان اللي باعونا والكلام ده...
كل ده كويس، بس مش معني إني ضد الإخوان ومرسي إن أقبل بظلمهم وأبيع عقلي زي الغنم بتوع السيسي وأصدّق الخرافات دي.Unlike
الأحد، 19 أكتوبر 2014
الفهم زي الرزق و كله و نصيبه
الاشتراك في:
تعليقات الرسالة (Atom)
ليست هناك تعليقات:
إرسال تعليق