Sameh Abou Arayesممكن جدا تكون خسارة الزمالك الليلة بسبب سحر عمله أبوتريكة لهم . هو انتم فاكرين أبوتريكة مجرد لاعب ؟ هو اخواني ماسوني وكانوا بيسموه الساحر والماجيكو من الماجيك اللي هو السحر علشان يرمزوا لعمله بالسحر زي كتير من الماسونيين . علشان كده شركة فودافون الماسونية بتخليه يعمل اعلاناتها وكان بيقول في الاعلان " ممكن تبقى انت الساحر الجديد " يعني دعوة للناس للانضمام للماسونية وتعلم السحر . وشركة فودافون معروف انها اعلاناتها بتحمل رموز ماسونية واخرها اعلان المارد الأحمر اللي هو الشيطان وبيظهر المارد بيقود باقي الشياطين لعمل أنظمة جديدة وتقديم عروض للمشتركين . لأن الماسونيين يعبدون الشيطان وبيسموه لوسيفر . يعني الاعلان كان عن خدمة الشياطين للماسونيين . فعادي ان يكون الماسونيين ومنهم أبوتريكة عملوا سحر للزمالك علشان يخسر . خصوصا ان الزمالك رئيسه رجل وطني هو مرتضى منصور . وان الراعي الرئيسي للزمالك هو عبور لاند يعني بيرمز للعبور اللي هي حرب أكتوبر فأكيد الماسونيين مش هيحبوا الزمالك . بس عموما الاله حورس تدخل وجعل الخسارة تكون من طلائع الجيش علشان يرسل رسالة للماسونيين والاله ست اله الشر اللي هو الشيطان اللي بيعبدوه انهم حتى لما حاولوا يوقعوا الرئيس مبارك اللي هو رمز عبور مصر ونصر أكتوبر فالبديل سيكون الجيش ومصر لن تسقط في شباك الماسونية . علشان كده خسر الزمالك اللي بيرعاه " عبور " لاند من طلائع الجيش اللي بيرمز للجيش . انه السحر والماسونية وصراع اله الخير حورس مع اله الشر ست وسينتصر حورس اله الخير في النهاية !!
ليست هناك تعليقات:
إرسال تعليق