عبدة الفرعون يغرقون معه

زكى رستم

كارثه في الإسماعيلية ..
وباء إسمه ''العفن الهبابي '' أو الهباب الأسود زي ما بيقول عليه أصحاب مزارع المانجو في الإسماعيلية ... المرض ده بيسد البرعم اللي بيطرح الثمر . . طول السنين الماضية وزارة الزراعة بتقوم برش المزارع بمبيدات سامه مخصصة للقضاء علي المرض. والوزارة بتنتظر لما الفلاحين يبيعو المحصول وتقوم واخدا تمن الرش .. مساعده من الوزاره للفلاحين .. بس دا كان زمان ..
دلوقتي الوزاره كبرت دماغها عن الرش من اساسه وسابت كل فلاح يرش بطريقته. الفلاحين بيقول جبنا مبيدات ورشينا المحصول لكن دون جدوى .. اكتشفنا أن المبيدات مغشوشه ومش نفعه مع الوباء وعشان نجيب الأدوية الصح الفدان يكلف 7 آلاف جنيه ومحدش معاه فلوس ولا الدوا موجود اصلا . .. لحد ما المرض استفحل وانتشر في اكتر من 70% من الشجر وعشان تعالج المرض و تنهي عليه البرعم قدامه سنين عشان يقدر يطرح مانجه تانى .. الراجل اللي بيتكلم ده اسمه دهشان خليل بيقول المرض ده كارثه وغم علينا وخرب بيتنا .. لما سألنا دهشان طب كلمتو الوزاره .. قال كلمناهم بس محدش سأل فينا ..

الدكتور سيد خليل وكيل وزارة الزراعة بالإسماعيلية قال إن الوزاره عملت اللي عليها وعقدة جلسات وندوات إرشادية لعدد كبير من المزارعين حول كيفية القضاء على الوباء .. دا كان كل اللي عملته الوزاره .والله ما قصرت ..
افتكر معايه أن في السنه بتاع الدكتور مرسي كانت المانجا ب 3 جنيه وكانو بيتريقو عليها . دلوقتي ربنا سبحانه وتعالى بعتلهم وباء الهباب الأسود عشان ميبقاش في مانجه خالص ..
وأنا بقراء الخبر ده وخبر آلاف الافدنه اللي في بحري والفلاحين اللي مش لقيين ميه يسقو الزرع والأرض بارت وشققت والحرائق اللي في كل مكان والطياره اللي وقعت وتهجير الغلابه من بيوتهم في تل العقرب افتكرت الآيه دى علي طول .
بسم الله الرحمن الرحيم
(وَضَرَبَ اللَّهُ مَثَلًا قَرْيَةً كَانَتْ آمِنَةً مُطْمَئِنَّةً يَأْتِيهَا رِزْقُهَا رَغَدًا مِنْ كُلِّ مَكَانٍ فَكَفَرَتْ بِأَنْعُمِ اللَّهِ فَأَذَاقَهَا اللَّهُ لِبَاسَ الْجُوعِ وَالْخَوْفِ بِمَا كَانُوا يَصْنَعُونَ)
[سورة النحل 112]
ولسه اللي جاي أصعب طول ما اليهودى موجود
‫#‏الهباب_الاسود‬ ‫#‏فكفرت_بأنعم_الله‬