بيان عاجل

ائتلاف شباب الثورة

‎@Osama Elmahdy: التواجد على الانترنت حالياً مضيعة للوقت .. وللوطن .
مكانّا الآن فى الشارع .
عند الحلاق ، والميكانيكي ، والسوبر ماركت ، والسوق .
متجادلش مع الناس كتير .
يقولك الإخوان عملوا ايه ؟ .. قوله : ولا حاجة ، بس على الأقل مش هيسرقونا .
يقولك ماينفعش يمسكوا كل حاجة فى البلد ، قوله : كمان 4 سنين ونمشيهم ، بدل ما نجيب شفيق ويفضل 30 سنة هو كمان .
يقولك أنا عايز الاستقرار ، قوله : لو شفيق نجح العيال ولاد اللذينة بتوع التحرير مش هيسكتوا وهيقلبوا البلد خراب .
يقولك مرسي ضعيف الشخصية ، قوله : ده معناه اننا نقدر نشيله بسهولة فى أى وقت .
يقولك أخدنا ايه من الثورة ، قوله : لحد دلوقتي ولا حاجة ، بس اللى عايز يهد عمارة بيهدها فى يومين ، واللى عايز يبني بيبنيها ف سنتين ، فما بالك ببلد بتتهد بقالها 30 سنة ، ازاي بقى نبنيها فى سنة ونص ؟!
وهكذا بقى ردورد من العينة دي .. سريعة ومختصرة وغير متوقعة من اللى قدامك .
عارف إنها مش الإجابات النموذجية ، ولا حتي الصحيحة ، بس احنا معندناش وقت للأسف .
أنا حاطط لنفسي هدف 50 فرد يومياً ع الأقل أتكلم معاهم وأحاول أقنعهم إن اختيار شفيق يعني ضياع للبلد ..
هركب مواصلات عامة قدر المستطاع .. كل محل هقف عنده هتكلم معاه .. هدخل فى الأماكن الزحمة وأفتح كلام بحيث أكبر قدر من الناس تسمع .. وهكذا .
ثورتنا مستمرة وشفيق مش هينجح طول ما احنا فينا نفس إن شاء الله :)