هل هؤلاء مسلمون فعلاً؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Reda Helal

مشكلتين,,,مشكلة إدعاء الكثيرون من أهل مصر الإسلام و هم فعلاً مش مسلمين أبداً,,العصبية القبلية,,, الإجبار علي الطلاق,,,,زواج بالعافية كلها أمور تخالف دين الله قلباً و قالباً,,,فعلاً مش مسلمين و ماتكلمتش كمان عن الميراث و العبث فيه,,,,,,,,,,,المشكلة التانية فين القوة و الرصاص و الهيصة دي و بلادكم بتتسرق و عيالك بيشغلوهم خدم في الأمن المركزي و عبيد عن الداخلية و فين قوتكم دي وبلادكم حاتموت من الجوع و العطش و الفقر بيلف حوليكم و أنت بتشمخوا علي الغلابة و الضعفاء,,,,,,,,,أقول لأهالي هوارة و غيرهم حاجة من إتنين: يا تسلموا و تلتزموا بالإسلام و شرع ربنا ,,,أو تعلنوها صراحةً إنكم أهل كفر و و ظلم و خرجتم من الملة ولعن الله مشايخكم الذين لا يردوكم عن هذا.

رضا هلال

-------------------------------------------------------------------------------------

 

GO MA NA

February 19 at 10:27pm ·

النهارده انا قررت احكيلكم حكايتي ولأول مرة بحكي حاجه عن حياتي الشخصيه قدام الناس كلها
انا بنت من قبيلة هوارة بنت صعيديه وكل ذنبي اني اتولدت هواريه
النهارده حصل معايا اللي عمري ما كنت اتخيله ولما كنت بسمع اللي بيحصل لبنات هوارة لما تتجوز من برا مبحسش بحجم المأساه اللي هما فيها واحس اني بعيده كل البعد عن المواضيع دي
لكن من 6 شهور وانا عايشه ف جحيم حكايتي انا واشرف اتقدملي وكنت متأكده انه هيترفض لأنه مش من هوارة لكن حصل االلي مكنتش متوقعاه واهلي وافقوا واتخطبنا بس قررنا نخبي الخبر لحد ما يكون في خطوة رسميه كتب كتابنا وجه كتب الكتاب ف شهر 11 اللي فات قبلها باسبوع من كتب الكتاب العيله عرفت اني هتجوز سألوا مين ومن فين وهواري ولا لأ وقولنا ليهم انهم مش هوارة لكن اشراف ولقينا رفض فظيع من العيله اسبوع كامل ناس رايحه وجايه علشان ينهوا الموضوع لكن احنا اصرينا علي موقفنا وبعدها باسبوع جه ميعاد كتب الكتاب خرجنا ف السر من غير ما نبلغ حد ورحنا وكتبنا الكتاب من غير اي مظاهر للفرحه كتب الكتاب كان ف شهر 11 اللي فات ومن سعتها مشوفتش جوزي لا قادر يدخل البلد ولا قادرة اخرج منها 3 شهور مشفتش الشارع 3 شهور كل يوم بتجيلنا تهديدات بالقتل والخطف ومكناش بناخد ف بالنا ولما كنت بحكي لاشرف مكنش مصدق ان ممكن تحصل حاجه كانت في مشاكل بينا كتييير اوي بسبب اننا مبنشوفش بعض نفسيتنا كانت زفت لكن انا كنت انها جت لحد كده بس من اسبوع اشرف صمم يشوفني ويجوا يزوروني هو واهله وجه الميعاد اللي هو النهارده الجمعه لبست واجهزت علشان اشوف عريسي اللي مقعدتش معاه دقيقه علي بعض من سعت ما اتكتب كتابنا كنت فرحانه جدااا وف نفس الوقت قلقانه جداااا راحوا ااخواتي وحمايا واخوات جوزي يصلوا الجمعه وفضل اشرف قعد معايا شويه كنا مبسوطين جدااا وبعدها جم الجماعه من الصلاه ورحنا علشان نحضر الغدا دخلت المطبخ ولسه بمسك الاكل وبعمله لقيت صوت ضرب نار وصريخ وتكسير بالشومه علي بابنا رجليا مكنتش شيلاني كنت خايفه خايفه اوي لاول مرة اخاف ف حياتي كده نزلت تحت وكله عمال يصرخ امي ومرات اخويا واخوات جوزي وحماتي بصيت لاشرف وانا بعيط قالي متخفيش بس مكنتش قادرة اسيطر علي خوفي فضلوا يكسروا علينا الباب ويضربوا نار فضلنا نتصل بالشرطه لاكتر من ساعتين واحنا محبوسين جوا البيت والشرطه مجتش واخويا عايز يخرجلهم واحنا ماسكين فيه وبنبكي وبعدها جات الشرطه والعمده وعائلات هوارة كلها وخرجوا الجماعه من البيت بعدها الناس كلها جاتلي بيحاولوا يقنعوني اتطلق من جوزي وانا رفضت رفض تام ولاول مرة اكون جريئه اوي وقلتها قدام هوارة كلهم انا مش هسيب جوزي انا بحبه كانوا بيبصولي بقرف بعدها مشيت الناس واخويا فضل يقنع فيا اني اسيب الموضوع ده علشان ميموتش واحد من اخواتي وجاتلي ناس من برا البلد عمري ما شفتهم قالولي هتطلقي وهتاخدي ابن عمك ولو رفضتي هيكون فيها دم عايزيني اسيب جوزي واطلق واتجوز ابن عمي اللي اصغر مني ب 6 سنين فضلت ابكي قولتلهم افتكروا اخرتكم حرام تفرفوا راجل من مراته محدش سمع اكبر مخاوفي ف اللحظه دي انهم يأثروا علي اشرف ويطلقني جريت علي الاوضه اتصلت بيه طمني قالي مش هسيبك غير ع الموت
انا دلوقتي مهدده بالقتل انا وجوزي واهلي لو متمش الطلاق
انا خايفه ومحتاجه دعواتكم