خد
نفس طويييييل، واحبسه: الوزرا حلفوا سبعة الصبح فاتقبض علي يارا سلام فلما
خادم الحرمين جه السيسي طلعله في الطيارة راحت الكويت ساحبه تمويل مسلسل
اهل اسكندرية بتاع بلال فضل وداعش داخله
علي بغداد وبعدين الصحفيين بتوع الجزيرة اتلزقوا سبع سنين فدول اوروبا
اتشاورت مع السفرا طلع شيخ الازهر قال ان الاخوان بيفكروه بتعلوب في ميكي
ماوس راح السيسي اتبرع بنص مرتبه عشان عجز الموازنة السنه دي اتنين تريليون
جنيه فنزلت خمس مقالات فيوم واحد تهاجم يسري فوده عشان عميل فالداخلية
ابتدت تلم الباعة الجائلين بس هاتعملهم مولات قوم علاء الاسواني مش هايكتب
في المصري اليوم والبورصة نزلت حوالي تلاته فالميه فقررنا ان عمداء
الجامعات لازم يكونوا بالتعيين مش بالانتخاب فحولوا بثينة كامل للتحقيق
عشان الحمالة بانت عالهوا قام السيسي اكد انه مش هايسمح بأي مطالب فئوية
لأن البلد مش مستحملة هوب صحينا علي سبع تفجيرات في المترو وبكده يبقي فاضل
خمس ايام علي ان مصر تبقي اول دولة في العالم بتعالج الايدز.
طلع النفس.
ده الاسبوع الاول من الاربع سنين بتوع الفترة الاولي للرئيس اللي هايخلي مصر قد الدنيا. اخدلي بالك؟
طلع النفس.
ده الاسبوع الاول من الاربع سنين بتوع الفترة الاولي للرئيس اللي هايخلي مصر قد الدنيا. اخدلي بالك؟
ليست هناك تعليقات:
إرسال تعليق