Write a comment...
العباسية كلها علي الفيس بوك
يوم الطالب العالمي " 21 فبراير 1946 "
-----------------------------------------
حد يعرف حاجه عن اليوم ده ؟؟؟!!! أقولوكوا أنا بقى
- فى 9 فبراير 1946 عقد الطلاب المصريون مؤتمر مطالبين بوقف المفاوضات وإلغاء معاهدة
1936 وجلاء القوات البريطانية
- و راحوا في مظاهرة كبييييييره لتعبر كوبري عباس بالجيزة ، ففتحوا الكوبري علي
المتظاهرين وسقط الطلاب في النيل (أكيد شوفتوها فى فيلم قبل كده)، وهو ما عرف
باسم "مذبحة كوبري عباس".
- أدي الاحتجاج الشعبي إلي استقالة النقراشي من رئاسة الوزارة في 15 فبراير .
- في 17 فبراير 46 تشكلت " اللجنة الوطنية للعمال والطلبة " ودعت إلي مظاهرة حاشدة في يوم 21 فبراير .
- المظاهرة طلعت من جامعة فؤاد الأول ( القاهرة ) و راحت على تمثال الزعيم مصطفي
كامل( وسط البلد ) ، وبعد عبور المظاهرة لجسر إسماعيل (كوبري قصر النيل الآن) راحت
على ميدان الإسماعيلية ( التحرير الآن )
طبعا حصل زى اللى حصل يوم 28 يناير 2011 بظبط و فى نفس الميدان و أطلقت مصفحات
إنجليزية النار علي الطلبه فاستشهد 24 طالب وأصيب حوالي 428 طالب !!!!!!!!
واشتعلت البلاد كلها وعمت المظاهرات كل أرجاء مصر ، كان أكبرها في الإسكندرية 4 مارس 1946 .
بعد كده في نوفمبر 1946 تأسس إتحاد الطلبة و إختار يوم 21 فبراير من كل عام للإحتفال
بيوم الطالب العالمي , (واخدلى بالك من العاااااااالمى دى )
, و من يوميها و كل الدول بتحتفل باليوم ده كل سنه ما عدا مصر (ده الطبيعى بتاعنا )
, رغم أن العالم إختار اليوم ده للإحتفال بطلاب مصر و تمجيدا لكفاحهم ضد الإحتلال الإنجليزي !!!!!.
أنما بعد ثورة 25 يناير بقى ....
قرر طلاب مصر الدعوة لمليونية في ميدان التحرير يوم الثلاثاء القادم 21 فبراير 2012
للإحتفال بنضال طلاب مصر و دورهم في الثورة على النظام الفاسد و أعتقد كمان أن
عندهم مطلب مهم هيطالبوا بيه و هو مجانية التعليم .
دورنا بقى أن أحنا ننشر الحكايه دى و نعرف الناس أن من 66 سنه كان فى طلبه بتموت
عشان خاطر مصر و بعد 66 سنه لسه فى طلبه عندها أستعداد تموت عشان مصر
ليست هناك تعليقات:
إرسال تعليق