المدفونة تكسر المحراث

مثل يعرفوه عموم المصرين و خاصة من هم من اهل الريف."المدفونة تكسر المحراث",,يعني لو فيه صخرة أو نقطة في الغيط مصخرة و ناشفة-مدفونة لا تراها-,و إنت لست علي علم بمكانها فسوف يصتدم المحراث بها فينكسر
طيب ماذا لو كان عندك علم بها؟؟؟؟,,,فهناك حلان,ألأول:أن تسعي لإزالتها,,,و إذا تعثر الحل الأول لصعوبة ما أو لتخاذل منك,فسوف تنتقل الي الحل الثاني و هو ببساطة,أن تتفادي"المدفونة"
ولكن ماذا لو رفضت سيادتك ألأستماع اصلا للمعلومة و للحوادث التي سبقت بسبب المدفونة و تعاملت مع تاريخ الغيط بالنفور و التجاهل,,و رددت بالمقولة المصرية الشهيرة"""أنا ماليش دعوة بالكلام ده"",أو """يا عم ده كان زمان إحنا في دلوقت"",,أو ""بلاش
نضيع وقتنا في الكلام في الماضي""",,,و كلام فارغ كتير من هذا النوع ولا يسعني الا ان اقول لك عندها""يا واد يا ناصح"",-مع حفظ
الحقوق للمذيع السلفي بتاع يا واد يا مؤمن-,,و الغريب بقي يا سادة يا كران إننا بلد التاريخ و الأثارة و العبر و مع ذلك تم تجهيلنا بتاريخنا و أثارنا و تم بث روح الكراهية في داخلنا للمعلومة التاريخية......ليه عملوا فينا كده؟؟؟؟؟؟؟
لإن لو سيادتك عرفت قيمة المبني القديم اللي جنب بيتك,,حتقلب الدنيا لو إتباع علشان يتهد,,,لو عرفت قيمة ألأثار في تكوين شخصية عيالك و جعلهم ناس عاليا و محترمة,حتخرب الدنيا لو سرقوا ألأثار منك,,,و المشكلة الكبيرة ليهم إنك لو عرفت التاريخ,حتعرف بلاويهم السابقة و يبقي مستحيل يضحكو ا عليك تاني زي ماضحكوا علي الوالد و ألأعمام و الأهل كلهم قبل كده و خسروهم كتير جداً جداً
مثال أخر في عالم السياسة يجعلك تضحك ضحك مثل البكاء علي رأي المتنبي,و هو ,,إن يحكمك 60 نفس الناس و يعملوا فيك نفس المظالم و يسببوا لك المصائب المتتالية,,و هم رجال عبد الناصر و -صفوت و مجموعته العملاقة- ولا يزالون يسببون لك نفس ألأذي و
انت تبدئ في حسابهم علي آخر جريمة فقط, ولا تعرف ماسبق,,ثم يسببون لك مشكلة جديدة فتنسي تلك التي كانت منذ يومين فتبدأ من جديد في بكاء جديد,,,بالظبط زي شغل بني صهيون,,تبتدي من القدس لتصل الي شريط غزة ثم الي "إدخال طعام لغزة فقط"...الخ
لحد ما يوصلوك الي ""ممكن ابص علي غزة بس؟؟؟؟",,,و طبعا,بدل ما ندور علي حقوقنا و نشوف الصندوق اللي سبوه ألأهل و فيه الحٌجج و التاريخ,,نلاقي نفسنا بندور علي شريط عمرو دياب و"بلاش نتكلم في الماضي",,,,,,,,ء
مثال آخر ,الأخوان ,,يظهرون علينا بعد كل إختفاء بصورة الملائكة المُنزّلين و كل مرة يشرب السادة المواطنون نفس المقلب,ليه؟؟؟
علشان ما حدش عايز يسمع او يقلب صفحة الكتاب للخلف و يشوف ايه اللي حصل قبل كده
السلفين و بلاش الخروج علي الحاكم....سبحان الله..ده هم اللي قتلوا الناس الأبرياء و أشعلوا الفتن في السبعينات..هو ده ماكانش خروج علي الحاكم؟؟؟؟,,,,بلاش ,,ما خرجوش علي الحاكم,,,دول قتلوه!!!!!!!!!!!!!!!!!!ء
و برضه بنبتدي معاهم تاني من اول السطر,مع إن الكتاب هو,,هو
علي مايبدو ياسادة يا كرام,إن اللي مابيرضاش يتعلم بالطريقة السهلة,اللي هي "خبرة السابقين و ذكر من سبقكم",,حيتعلم برضه بس بالغلي و الكوي,,,و اللي مابيرضاش يتعلم تاريخ الغيط و يعرف فين الدفونة,حيكسر محراثه و يمكن رقابته,, وعلشان ربنا بيحبنا بالرغم من كسلنا و إهمالنا,بيعد لينا تاني نفس ألأفلام القديمة اللي مش عايزين نبص عليها في الكتب و نسمع و نفهم,,بس المرة دي مش بنشوف و بس,لا و بنشارك بنفسنا و بدم عيالنا....يمكن نفهم
رضا