محاولة من أحدهم لتشويه الإنجازات

ب.أ
بعد إفتتاح كوبري روض الفرج و مرور العاصفة ،

هل كان ضروري أن يكون هذا الكوبري معلقا ؟؟!!
الكباري المعلقة في العالم كله
يتم إنشاؤها لعبور البحار و ليس الأنهار !!!!
فالأنهار قليلة العمق و أمواجها ضعيفة و يسهل الحفر فيها بعكس البحار العميقة جدا و عنيفة الأمواج
لذلك يتم عمل الأبراج علي جانبي البحر أو في إحدي الجزر أو قرب جانبه لكي تحمل الكابلات فتوفر بذلك
الحفر في البحار عالي التكاليف و تزيد من عرض الفتحة الملاحية لعبور السفن العملاقة مثل كوبري البوسفور ،
و لكن
الوضع يختلف في كباري النيل ، فالحفر أسهل و تكلفته أقل مقارنة بسعر الكابلات المستوردة بالكامل بالدولار
و بالنسبه للفتحة الملاحية بعرض 300 متر لكي تسمح بعبور السفن فليس لها أي داعي لأن كوبري روض الفرج قبله بإتنين كيلو متر كوبري الساحل أكبر فتحة ملاحية فيه 50 متر
و بعده بإتنين كيلو متر كوبري الدايري الغربي و أكبر فتحة ملاحية فيه 60 متر
و هاويس القناطر الخيرية نفسه 30 متر !!
فما لزوم فتحة ملاحية بعرض 300 متر
و من أين ستأتي السفن له بهذا الحجم
إذا كان محكوما قبله و بعده بفتحات ضيقة ؟!!
ثم ما لزوم أن يكون أعرض كوبري في العالم بعرض ست حارات في كل إتجاه إذا كان عرض المحور في إتجاه الضبعة أربع حارات فقط ،
و عرضه في إتجاه مدينة نصر حارتين فقط ؟؟!!!
و من المعلوم أن تكلفة الكوبري المعلق تصل إلي ثلات أضعاف الكوبري العادي
و لكن يتم اللجوء له لحل مشاكل هندسية أو عوائق طبيعية هذا في بلاد الفرنجة التي تنتج كابلات التعليق عالية الإجهاد بنفسها أما نحن فنستوردها بالدولار كاش !!!
و كباري النيل كلها
من كوبري دايري المعادي و كوبري عباس و كوبري المنيل
و الجامعة و قصر النيل و أكتوبر و 15 مايو و كوبري إمبابه اللي شايل خطين سكة حديد و الساحل وصولا إلي كوبري الدايري الغربي كلها بنظام الأعمدة
و أقصي فتحة ملاحية فيهم 60 متر !!

فهل سيتم هدم كل هذه الكباري
لجعل فتحاتها الملاحية 300 متر ؟! !!!!!!
و إذا تم هدمها
هل سيتم هدم هاويس القناطر الخيرية ذو ال 30 متر ؟؟!!

إنها الفشخرة الكدابه
و إستمرارا لسياسة تفريعة القناة لرفع الروح المعنوية
عشان أردوجان عمل كوبري معلق يبقي لازم أنا أعمل كوبري معلق أتخن منه و أدخل موسوعة جينس كمان !!!
ناسين إن أردوجان عمل كوبري معلق عشان يعدي مضيق بحري عاتي الأمواج تمر فيه عشرات السفن العملاقة
لإمداد ست دول تطل علي البحر الأسود !!

عرفتوا ليه جناب المشير قال لو عملت دراسات جدوي
ما كنتش عملت ربع المشاريع !!
.
.
بس سيبك إنت حتة الإزاز اللي في الأرض ديه تسوي الدنيا و مافيها .. و تحيا مصر .... بس هما يسيبوها تحيا !!