بما إنهم مش عايزين يفهموا

بما إن الثوار الحقيقيون لا يريدون أن يفهموا أنهم أصبحوا ركوبة لشفيق و عصابة حسني و رأس حربة لهم يمهدون بدمائهم الطريق لعودة النظام السابق بالكامل,فقد أحببت أن أقدم نصيحتين تلاتة و أخلص ضميري لو لا قدر الله مرسي مشي:

أولاً: لازم تتصوروا صور كتيرة جداً يوم 30 للذكري لأنها-لو مرسي مشي-حتكون آخر مرة تقوم ليكم قومة و آخر مرة تعملوا مسيرة أو مظاهرة

ثانياً: علي سبيل الإحتياط,كل واحد يجيب معاه تي شيرت عليه صورتين,واحدة حسني و واحدة شفيق يلبسها بسرعة و يجري علي المطار علشان أول ناس حتوصل يمكن ماتتعرضش للأعتقال و هتك العرض و التعذيب,,يمكن شفيق يسامحهم و يديهم بونبوني

ثالثاً: تأكدوا من حلاقة الذقون تماماً قبل النزول لأنه ربما يحرق عصابة حسني و أمن الدولة أي حد عنده دقن ولو منبتة أحياء زي ما عمل الأوربيون في مسلمين ألأندلس

رابعاً: الفتيات و السيدات,برجاء أحضار باديهات حملات و جونلات ميكروجيب أو بنطلونات لزق,و فور سماع نبأ رحيل مرسي و من أجل سلامتكم ,يمكنكم أستبدال ملابسكم فوراً و لبس البادي و المحزق في الشارع و بسرعة لحسن حد يشتبه فيكم و يفتكركم و العياذة بالله أنكم كنتم محجبات ولا حاجة

خامساً: لا مانع أبداً من أحضار علب بيرة و زجاجات خمر زي بتوع ألأتحادية و دي حتخلي شلة حسني حتحبكم جدا جدا و مش حيئذوكم

ياثوار كده يبقي أنتم غلطتم و شلتم حسني و عرفتم غلطكم و رجعتوه تاني,لو مالوش مزاج ممكن حد من الباشوات الصغيرين أو شفشق و حصل خير و ماتعملوش كده تاني
رضا هلال