Yasser Negm
بعض الأسئلة للأخوة المسأفين اللى ضد علاء عبد العزيز دفاعا عن أختى (هوية مصرية) وأختى (حرية تعبير):
- هى أندية الروتارى والليونز اللى حضراتكم واكلين شاربين نايمين فيها بقى لكم سنين مش إختراق ولا مؤاخذه للهوية المصرية ؟
- هم الأخوة الأرمن واللبنانيين اللى تأسست على أكتافهم السينما المصرية دول ماخترقوش الهوية المصرية ؟
- هم الفنانين اللبنانيين والسوريين والمغاربة والتونسيين والجزائريين و و و من أول أسمهان لحد هيفا ماخترقوش الهوية المصرية ؟
- هى الأفلام والمسلسلات اللى بتلطشوها من عشرات السنين من الأفلام الأمريكانى مش إختراق للهوية المصرية ؟
- هى الخمور والمينى جيب ورقصات الهيبيز وموضات الخنافس اللى كانت من متلازمات كل أفلام الستينات والسبعينات ماكانتش اختراق للهوية المصرية ؟
- هى المسلسلات اللى كنتم مدمنين تصويرها فى ستوديوهات الخليج ومن انتاج دول الخليج مش إختراق للهوية المصرية ؟
- هى المسلسلات التركى والسورى اللى الناس أدمنتها مش برضه اختراق للهوية المصرية ؟
- المثقفين الفرنسيين والدولة الفرنسية لما خدت اجراءات حازمة للحفاظ على الهوية الفرنسية...خدتها فى الأساس حفاظا على اللغة الفرنسية..إلا ما شفناكم وقفتم ولا اعتصمتم يوم دفاعا عن اللغة العربية...والغزو اللى نالها وحط من قدرها واجادة الناس لها..ولا شفنا لكم موقف مشرف دفاعا عن المادة اللى ادت للغة العربية وضعها فى الدستور الجديد..
- لما أمريكا غزت العالم ثقافيا غزته بالحلم الأمريكى ونشرته فى العالم كله..فين هو الحلم المصرى اللى انتشر حتى على مستوى مصر فى أعمالكم على مدى 100 سنة ؟
- هم الأخت (ماركسية) والأخت (ليبرالية) قرايب الأخت (هوية مصرية) من ناحية الأب ولا الأم ؟
- بالنوسبة للأخت (حرية)...اللى أعرفه ان أمن الدولة والرقابة كانوا بيتناوبوا اغتصابها أيام مبارك وكنتم ساكتين..وانها ماشمتش نفسها إلا اليومين دول..وبزيادة حبتين لدرجة انها بقت دايرة على حل شعرها..وانتم عايزين تدافعوا عن دورانها على حل شعرها ده...فيه أوكازيون على الأرايل اليومين دول ولا حاجه ؟
- هو مش المفروض المجتمع هو اللى يحدد قيمه وهويته من خلال ممثليه المنتخبين وقضاؤه (اللى بتدافعوا عن شموخه) هو اللى يحكم فى قضايا الست (حرية) ولا حضراتكم زى ما فى السياسة عايزين فى السآفة تلبسونا عافية (هوية) و(حرية) مشكوك فى نسبهم ؟
- لو المنتج اللى بيقبض حضراتكم ولا المخرج اللى بيقود حضراتكم أمركم فى عمل فنى انكم تعملوا مشهد يزعل أختى هوية وأختى حرية هاتقولوا له: لع..
ولا هاتنفذوا ورجليكم فوق رقابيكم ؟
- السؤال الأخير: ايه هى أم العلاقة بين اللى بيعمله علاء عبد العزيز فى وزارة الثقافة بالأختين هوية وحرية ؟
ليست هناك تعليقات:
إرسال تعليق