مشهد داخلي,ستائر مُسدلة,إضاءة قادمة من نجفة عملاقة,,بهو فسيح,,قصر قديم لأمراء سابقين,و باشاوات حاليين,,يجلس حول المنضدة رجال حسني عسكريين و مدنيين علي اليمين,,رجال إخوان و سلفيين علي اليسار
تأتي أصوات من الشوارع المحيط بالمكان تحمل شعارات الثورة المصرية,و طلقات ألآلي و رائحة غازات سامة,و إنفجارات الخرطوش المتتابعة مع صرخات عالية"شهيد","شهيد",,أصوات موتوسيكلات المسعفين المتطوعين و كذلك الأسعاف
يبدأ شخص من رجال حسني- يظن الناس أنه بالسجن-الكلام::: طبعاً يا مشايخ الوضع صعب و الثورة دي جت مفاجأة ,إحنا كنا عاملين حسابنا علي ثورة جياع و الشعب ياكل بعضه,لكن ياكلنا إحنا مش حانسمح,,,إحنا طبعاً شاكرين ليكم جداً حسن تعاونكم معانا و إعتزال الثورة و مساعدتنا في تكفير و شتيمة الثورا.......جزاكم الله خير---الأخوان و السلفيون يفتحون أفواههم مبتسمين في بلاهة شديدة
يبدأ الباشا-اللي الناس فاكراه في السجن- في عرض الخطة
لازم نفهم ياجماعة إن المصلحة واحدة و إحنا بنراعيكم من أكتر من عشر سنين و دلوقتي كمان حنسلمكم البلدإحنا مش حنلاقي أحسن منكم,,بس لازم ألأول نطهر البلد من الثوار دول,قبل مايطهروها مننا إحنا
أولا:لازم تكفروهم بالشرع و تشوهوا سمعتهم معانا,,,شوفوا بقي لما التلفزيون و الجيش و رجالتنا المدسوسين بين الناس ..كل دول لما كل خمس دقايق يقولوا عليهم..كفار,أنركية,ماسونية,خربوا البلد
ثانياً:حنقول إن الثورة حلوة بس أول كام يوم بس و حنقول إن ألأخوان هم اللي عملوها...ماحدش حيدور ورانا,,,و بعد كده كلهم وحشين حتي لو الشهداء بعد كده دكاترة و مهندسين و علماء,,ماحدش
حيسأل
ثالثاً:حنعمل أزمات في كل حاجة و إنفلات أمني,,,و حنديكم حصص أنابيب و إنتوا اللي حتوزعوها
رابعاً:حندمر كل التيارات ألأخري قبل الأنتخابات و حنفسح لكم اللجان و الصناديق اللي ماتعجبكوش إرموها علي الترع,,و طبعاً الدواير كل دايرة قد مدينة لوحدها,ماحدش حيقدر يعرف حاجة
خامساً:الكرسي حد أدني 60ألف كرسي و طبعاً التيارات التانية بعد البهدلة اللي حيشوفوها مش حيجيبوا أصوات كتيرة,,و الأصوات اللي حيجيبوها حيتم ترحيلها للقوائم بتاعتكم
أهم حاجة تنفذوا دوركم بذمة::أولا:منع التأكيد علي أن الشهداء شهداء,,,ثاياً:إستصدار قانون بمنع التظاهرات و ألأعتصامات,,,ثالثاً:خليكوا ورا البكري هو فاهم الليلة حتمشي إزاي,,,و بالنسبة لحازم,هو عارف و إحنا عارفين جنسية الحاجة بس مايقلقش,ولا الجن ألأزرق حيعرف حاجة
و يحكي أنَ ياسادة ياكرم أن الأخوان و السلفيين تصرفوا بمنتهي ألأمانة و نفذوا كل الخطط القذرة و دمروا الثوار و شتموهم و ضربوهم و أطمئن العسكر و الفلول ألي أن الساحة أمان و السكة سالكة خرجوا بعد ذلك و بيدهم الكرابيج و هات ياضرب في الجميع و أول قفا كان من نصيب ألأخوان و السلفيين,اللي وقفوا مذهولين قال يعني أول مرة يتحطوا في الموقف الزفر ده,,لكن عبدة السلطة و السلطان دايما هم أول قطيع يتم ذبحه
خرج ألأخوان و السلفيون من الجحور و هات ياصراخ:::ثور يامدان و ثوروا يا ثوار علي العسكر و الفلول......ييييييييع ,حركة كاكاه أوي,,مش الثوار دول ناس وحشة؟إزاي فضيلتكم تستعينوا بيهم؟
الناس الأن تهرول بين الثعالب و الذئاب,تهرب من هذا الي هذا,ولكن لايزال صوت الثوار يهدر من بعيد يحاول لفت نظر الناس الي فتحة في جدار الزريبة المحبوس فيها الناس يدخل منها النور يدعون منها الناس الي الخروج من هذا الموقف قبل أن تنهشهم الثعالب و الذئاب,,,هناك أمل ولكن لو فكرنا كبني أدميين أحرار وليس كعبيد بحاجةلصوت الكرباج يوقظ همتنا
الهم بصرنا يارب بما ترضاه لنا
رضا
ليست هناك تعليقات:
إرسال تعليق