إمبارح-محاكمة المخلوع و كلابه-,سمعت و أنا في الشغل موضوع ضرب أهالي الشهدا من أبناء حسني و ألأمن المركزي و الجيش مابيدخلش-موضع ممل,طب ماهم كل مرة بينضربوا من البلطجية,عفواً,أبناء حسني,وبرضه من ألأمن المركزي
و برضه الجيش مابيدخلش,حاجة تزهق-المهم,,,لما سمعت الحكاية دي زعلت جداً و غضبت و تمنيت أن أذهب فوراً للمشاركة لدعم أهالي الشهداء أمام أبناء البلطجي,,و صعب عليا جداً أهالي الشهداء
رجعت أخر النهار و أنا لسه زعلان,,ولعت التلفزيون,,شفت ألأحداث علي أكثر من أربع قنوات-لازم تسمع رأي الجميع-و
وفجأة يا إخواني الأعزاء وجدتني أتعاطف إلي جانب الحشود المؤيدة لبابانا و نسيت عربيات كسر الرخام اللي كان "بيزووو" علي دماغ الناس ولا يزال من يوم 25 يناير,,إيه اللي حصل,,خليكوا معايا علشان ماحدش يظلمني
شفت الفريقين و فهمت ليه الأمن المركزي بيقف مع أبناء حسني وليه كلنا لازم يكون لينا وقفة برضه,تعالوا نقارن
أهالي الشهداء,باين عليه الجوع و الهم و القهر وشكلهم ينكد علي بلد بحالها,,أبناء حسني شكلهم منور و مفرفش
أهالي الشهداء شكلهم عيان و ماكلوش بقالهم سنة,,,ابناء مبارك الشباب لسه جاي من "الجيم"حالاً عيال عفية وصحة زي الفل,,,,,أمهات و أخوات و بنات الشهداء شكلهم يسد النفس عن الحريم,,,ابناء حسني قمرات و مزز من ألأصلي
ولبس و مكياج ميه,ميه,,,اهالي الشهداء صوتهم مبحوح و وحش جداً,وإذا حد خدله حتة رخام في دماغه و صرخ
تلاقي صوته مش طالع,,,,ابناء حسني لو هتف الواحد فيهم يرج الشارع ,ولا البنات القمرات الواحدة فيهم صوتها المدي المؤثر عشرة كيلو ,,,,اهالي الشهداء ماحدش بيعبرهم حتي ولو صوتهم إتنبح و دمهم ساح ,,ابناء حسني يتكلموا بس قلوب الحبايب تسمع و تدق علي دماغ أهالي الشهداء,أصل شكلهم تعبان ويسد النفس علي راي صديق عزيز بيؤكد إن أهالي الشهداء دول شوية صيع و خدوا فلوس كتيرة قوي,,,,فكرت في كل هذه المعطيات ولقيت إن حتي المربع اللي فيه أبناء حسني طراوة أكتر و جايين بأتوبيسات شيك وريحتهم حلوة,,والتانين بتوع الشهدا دول أكيد ناس مش كويسين علشان كدة الحكومة بتديهم بالجزمة,هي يعني حكومة فاسدة ولا غبية لاسمح الله
رضا هلال
ليست هناك تعليقات:
إرسال تعليق