إختار الإجابة الصحيحة بعد قرأة رأس السؤال
سيادة اللواء كاطو مرشح رئاسة الجمهورية,يؤكد أن القناصة من إيران و حماس و أن الثورة تمويل خارجي و مؤامرةدولية و القناصة دخلوا مصر قبل الثورة و إستخبوا في المباني المختلفة و قتلوا شباب كتير و ما حدش شافهم::::::ء
الثورة مقلب و شربه الشعب و الجيش إيد واحدة
إيران و حماس بيحبوا مبارك و جم يدافعوا عنه و قتلوا الشباب
إيران و حماس دخلوا مصر بالسلاح و ماحدش خد باله علشان ألأمن المصري المدني و الحربي كان أجازة
إيران و حماس قتلوا الظباط و إقتحموا السجون و طلعوا المساجين من كل السجون و خدوا مساجين حماس و طلعوابيهم عل رفح و ماحدش مسكهم:::::ء
علشان ألأمن المدني و الحربي كان أجازة برضه
إفتكروهم وفد سياحي جه ينفع البلد في الظروف الوحشة دي
أصلهم جامدين قوي و ماحدش بيقدر عليهم
شهادات السيد المشير و عمر سليمان,,إيه ألأحتمالات::::ء
مع مبارك,,فقدان مصداقية لهم
ضد مبارك,الفلول و الملشيات حاتطلع باقي الورق القذر و تولع
حايقولوا إيران وحماس هي السبب
مرتضي منصور يسخر من أدلة موقعة الجمل و يقول إن كلها سي ديهات فقط,مع إن العادلي قبل كده قال إن كل تليفونات مصر متراقبة,و قال اللي خايف مايتكلمش::::::::ء
أمن الدولة نسيوا يسجلوا مكالمات كل المسؤلين عن موقعة الجمل
مفيش شهود للموقعة حتي إسألوا التسعتاشر اللي ماتوا
المهاجمين من إيران وحماس أو من ألأوس و الخزرج
الجيش التالت في السويس قبض علي عدد كبير من الشباب يوم الجمعة الماضية,ثم إكتشف إنهم ماعملوش حاجة,أفرجوا عنهم وقدم لهم قائد الجيش إعتذار و قال"إحنا عارفين كويس مين اللي بيعمل مشاكل و مين وراهم",والشرطةكمان بتنضرب من البلطجية و بتضرب الثوار,و السلفيين راحوا من شهور عند وزارة الدفاع وعملوا وقفة علشان
مسجد النور,لكن 6إبريل تم القضاء عليهم في السكة,والبت اللي وقفت تسب الدين للجيش بعد خط مسجد النور(إرجع الي اليوتيوب)يعني عند النقطة اللي ماوعيوش بتوع 6إبريل يوصلولها,و ماحدش مسكها:::
الجيش و الشرطة مابيمسكوش البلطجية علشان يدوهم فرصة يرتجعوا
بيضربوا الثوار علشان يعظموا من ثوابهم و خايفين عليهم من الحسد
مامسكوش البنت اللي بتسب الدين للجيش و قيادته علشان سب الدين حرام وكدةوكدة حاتروح النار
الثوار بيقبضوا من أمريكا و حسني بيقبض من أمريكا و كل الجهات الرسمية بتقبض من أمريكا,و أسماء محفوظ عندها ب إم دبليو,,,لكن معظم الثوار مفلسين و أسماء ما كانش معاها فلوس تدفع الكفالة:::::ء
أسماء و الثوار أخر نتانة وبيدكنوا الدولارات
فلوسهم إتجمدت في بنك القرية
علشان نيتهم وحشة,فلوسهم مافيهاش بركة
طلعت زكريا دافع عن مبارك علشان مبارك وداه دون الناس المحتزمة في البلد يتعالج بره,طب مبارك كويس,هل وهما بيحبوا بعض,,هل معني كدة إن الشباب في التحرير بيتعاطوا مخدرات و بيمارسوا الجنس::::::ء تخيل طلعت إن التحرير ده زي بيوت المنتجين اللي بيتعامل معاهم
راح التحرير و حد عمله حاجة وحشة
كل واحد بيشوف الدنيا من قلبه هو
ألأخوان والسلفيين باعوا كل القضايا بما فيها قضايا التعذيب و ألأغتصاب من أجل الحصول علي محبة الكبار و دعم الفلول::::::ء
الفلول و الكبار حايصبروا عليهم مدة طويلة
حايغدروا بيهم بعد مايستخدموهم في ضرب التيارات التانية
حايغدروا كلهم ببعض و بينا
القيادات الأمنية المدنية والحربية تعامل حسني و باقي المتهمين معاملة عالية جداً وكأنهم لسه في مواقهم التي لم يتقوا الله فيها و التهم الموجهةلهم تافهة جداً أصلاً و عايزين يطلعوهم براءة:::::ء
ما فيش مشكلة و الشعب حايبلعها و حاتعدي علي خير
الغلا و الفلول و البلطجية حايهدوا حيل الناس,فاماحدش حاياخد باله
الناس بقت غلسة و مابتفوتش و الدنيا حاتولع
كان هذا نموذج لأسئلة المرحلة القادمة و نتمني لكم التوفيق......وربنا يستر
رضا هلال
ليست هناك تعليقات:
إرسال تعليق