لايطمئن لك أهل السياسة إن لم يجدك منضم-ولن أقول منتمي-لفصيل أو حزب أو حتي نادي,مع العلم إن الناس العادية اللي زيي اللي هم كمان أغلبية,بيستحملوا الجماعة اللي فوق قوي و لمدة طويلة و مابيعرفوش يلوا دراعهم ولا يساوموهم,ومع ذلك,,بتوع السياسة بيفضلواويستريحوا نفسياً للي عندهم إستعداد يساوموا و يناوروا ويبيعوا
سبب الكلام ده اللي شايفوه علي الساحة,,الإخوان و السلفين و المسيحين و الليبرالين و الشيوعين,,,وألأحزاب إياها,,كله رفض يشارك في الثورة و لم لقوها فرصة كويسة للمساومة نط فوقها علي طول و خصوصاً لما رنت في ودنهم نغمة التأيد الميري,,ولما الجيش رجع في كلام كتير قاله,,كله دخل تحت مظلة المجلس و إنضم الي شتيمة الثورة بطريقة غيرمباشرة و التلميح بالتمويل-حسب علمي إن حسني كان فاتح باب البلد و بق كل التنظيمات و رجال الأعمال و الجمعيات للتمويل حتي ولو غسيل أموال و معروف مركز مصر في عهده في مسئلة غسيل ألأموال,ومبدأه الغبي المهم فلوس تخش البلد وخلاص,حتي ولو كان تأثيرهاسلبي علي البلد بعد كده,المهم هو و عصابته يظبطوا نفسهم-,المهم أصبحت مواقف هؤلاءالقذرة شديدة الوضوح,المشكلات واضحة و مع ذلك...نشارك...لأ مانشاركش...طب حانقولوكوا بعدين,و طبعاً فيه مجال للكلام الكبير,,,,هات يا صريخ وكلام كبير,,مش طالبة كلام كبير و المصلحة في الناحية التانية,,إديها كلام عن ألأساطير و وصفات الطبيخ..حاجة تقرف
لازلت أؤكد عل كوني منتمي الي الناس العادية اللي بتدي أصواتها و فلوسها للسلطة و بتمرض بسبب السلطة و بتجوع بسبب السلطة برضه اللي بتتوجس من شعبها!!!!!!!!ء
الوضع ده مش في مصر بس,لكن في معظم بلاد العالم اللي الناس فاكراه ميه,ميه
أمريكا مثلاً,,السياسين بيمشوا تحت ضغط اليهود و الشواذ و المافيا و ألأخطر و هي الشركات العابرة القارات,,وبيشتغلوا لصالحهم بفلوس الشعب اللي سايبنله الشوارع دم و رعب وديون و مشكلات عنصرية!!!!!!ء
النتيجة الطبيعة المنطقية,تمادي الكتل القوية في الأفترا و الضغط علي الحكومات و علي الشعوب,,,تلويث الأرض و المياه و ألأخلاق,,وإشاعة الفوضي في كل مكان حتي أصبحت نشرات ألأخبار عبارة عن أفلام رعب,,وبالرغم من وضوح هذه الأوضاع الكارثية للجميع,فإن الحكومات لاتزال تفضل اللعب في المضمون من وجهة نظرهم,وهنا تحدث الكوارث الكبري
حتي الدول الكبري مش عايزة تفهم إن أي لعب قذر بتديره في الخارج بيحتاج كوادر قذرة وهذه الكوادر القذرة سوف تتكتل في القريب العاجل لتدمر العالم,,ماهو الكلب السعران بيعض صاحبه برضه,,,بس للأسف عموم الناس تفضل المرور بالمصلحة السريعة دون النظر الي التراكم ولا العواقب,,,,,ومين بيدفع التمن دايما؟؟؟؟,,,الناس العادية اللي مش عايزة تنضم لجبلايةقرود الشيوعين و ألأخوان و السلفين و الوفدين و مدعي الليبراليا,,ولا تحب أن تشاهدحتي في اي سيرك منصوب هنا ولا هناك
طب إيه اللي خلي وضع الشعب العادي سئ كدة و ملطشة؟؟؟؟,,,,,,السبب في كدة الناس اللي في وسطهم ربنا عطاهم الفهم و العلم و مع ذلك خذٌللوا الناس و شنكلوهم و أحبطوهم و فضللوا يمارسوا دور كهنة معبد الفرعون -المتطوعين-لأقناع الناس إنهم بهايم و إنه مفيش فايدة و أصلها خربت ,وإحنا قلنالكم ميت مرة,و الخروج علي الحاكم حرام,الي أخر الكلام الحمضان ده البعيد كل البعد عن اللي أمرنا بيه ربنا في كل الكتب السماوية,,,,ربنا سخر لنا الدنيا كلها,إذا إحنا مش بهايم,,ربنا بعت لنا أنبياء ذوق و أخلاق وإشتهروا بالأدب,,يعني ربنا بيحترمنا وماخلقناش علشان نمشي بالجزمة,,ربنا خلقنا علشان نعبده,,وربنا عزيز, خلق مخلوق محترم إسمه ألأنسان علشان المهمة المحترمة دي,,,,و بيدينا فرص كتيرة علشان نفهم و نحسن من أوضاعنا,لكن ضعفاء العقول من يمشون وراء شياطين الإنس المشككين المخذلين المتأنقين المتعالين علي عباده,,ويرددون ما ظنه إبليس في الخلق البشري و إنه أدني منه,,هل ممكن يا سادة نفهم؟؟؟؟؟ربنا يهدينا و يهديهم .....وربنا يستر
رضا هلال
ليست هناك تعليقات:
إرسال تعليق