شاهدت برنامج عن أحداث السفارة الإسرائيلية و لفت نظري شئ قد لفت نظري من قبل ولم
أكن قد علقت عليه.بعض الناس يقف أمام السفارة و يهتف ضد بني صهيون لعنهم الله ولكنه يمسك بيده صورة عبدالناصر!!!!!!!!!!!!!!!ء
تخيلت نفسي السفير الإسرائيلي و ببص من الشباك و شفت صور عبدالناصر,,حا أفكر إزاي؟
طبعاً حافطس من الضحك,,ليه,,علشان جايين يخوفوني بصورة عبدالناصر,,وعبدالناصؤ مش ممكن يخوفني أبداً,,,,ليه؟؟؟؟,,,علشان ف عهده كل حاجة كانت حلوة لإسرائيل وحشة للعرب
إزاي الكلام الوحش ده؟؟؟؟,,,,طب تعالي نعد
أولاً:كتف الجبهة الداخلية بالإعتقالات و مراكز القوي و التعذيب و تجسس الناس علي بعض
ثانياً:تعين أسوء ناس في كل المناصب الكبيرة لحد ما جابوا المؤسسات المصرية تحت الأرض
ثالثاً:الإتحاد الإشتراكي ورجالته-صفوت,الشاذلي...الخ-علموا الناس الفهلوة و الصوت العالي علي حساب الكفاءة و العلم
رابعاً:عام 68 إنشاء أمن الدولة و إطلاق يدها في كل شئ
خامساً:شتيمة و خطب نارية و كلام كبير ضد إسرائيل جذب تعاطف العالم معها و الناس صدقت
سادساً:وضع قيادات للجيش من أسوء أنواع البشر و التغاضي عن سلوكياتهم القذرة
سابعاً:هزيمة مصر و إحتلال القدس بعد وجودها بيد العرب 700سنة,وإحتلال سيناء و الجولان وتدمير القناة و مدن القناة و ضرب منشأت مصرية في عمق ألأراضي المصري حتي أقاصي الجنوب
ثامناً:دخول طائرات الصهاينة الهليوكبتر يشكل دائم الي الطرق الصحراوية و عمل أكمنة عليها وأسر الضباط المصريين
تاسعاً:دخول طائرتان هليوكبتر أفراد الي طريق إسنا البحر الأحمر-سنة69-و الإستيلاء علي رادار روسي حديث و برشمته علي طاقمه بالداخل و العودة به محمول الي تل أبيب-قضية إعدام الإثني عشر لواء مصري كبش فدا لإهمال الضباط الأحرار و زعيمهم-ء
عاشراً:صداقة قوية مع زعماء الكتلة الشرقية في عز وقت مجازرهم ضد المسلمين و هدمهم للمساجد الأثرية ببلادهم و خاصة يوغوسلافيا
بيتهيألي السفير الإسرائيلي لما تذكر الحاجات دي و هو بينظر للوجوه الغاضبة اللي بتخوفه بصورة عبدالناصر,قد أصيب بحالة ضحك هيستيري و أوشك علي الوقوع من الدور 22و علشان كده شالوه علي تل أبيب بسرعة لحسن يلفت نظر الناس الي حقائق تاريخية هامةاخفتها الحكومات المصرية المتتابعة لزوم الفولكلور و أبوزيد الهلالي و عنتر شايل سيفه
رضا هلال
ليست هناك تعليقات:
إرسال تعليق