إختر الإجابة الصحيحة,أو اي إجابة و السلام بعد قراءة رأس السؤال
المجلس العسكري بعد 11 فبراير تسلم البلد بالكامل,وفي إجتماع مع الشباب طالب الشباب بمحاكمة حسني و عصابته عسكريا,,ضحك القادة ورد اللواء ممدوح قائلا"لا لا لا,يا شباب إنتو قمتوا بالثورة علشان تحقيق الشرعية و القانون إزاي بقي عايزنا نخالف القانون""",,بعد كدة قبض الجيش علي حوالي 12000 مدني و حاكمهم عسكريا,,هل
المجلس العسكري نسي هو قال إيه قبل كده
المجلس العسكري مابيحبش يرجع للماضي و الكلام بتاع زمان و بيركز علي المستقبل بس
الناس اللي مسكهم شكلهم زي العساكر
النيابة و الجيش و الشرطة,,,بعد كل مشكلة,يؤكدون علي الوصول الي ان الفاعل الأصلي أعضاء المنحل من رجال ألأعمال ,,ولكن مابيقبضوش عليهم ولا بيقولوا أساميهم حتي,,ليه؟
مابيحبوش المشاكل
مابيحبوش يتكلموا في الماضي
خايفين من رجال ألأعمال لو مسكوهم يجوعوا البلد,فا سيبنهم يخربوا البلد و يجوعوها برضه علشان ياخدوا الذنب لوحدهم
أثناء الثورة و بدون الحكومة ولا الشرطة,الأسعار رخيصة,,مفيش سرقة سيارات,,رغيف العيش منغير طوابير و زي الفل و مفيش بلطجة و مفيش حرق كنايس ولا فتن ولا عايز أختي كاميلية,,بعد الحكومة ما رجعت,كل البلاوي رجعت
علشان الحكومة هي هي بتاعة البلاوي إياها
علشان سايبين الفاسدين في كل المواقع بينخربوا
علشان الناس وحشة قوي
المرشحين للرئاسة كتير و كل شوية يطلع حد يقول المرشح الحقيقي لسه ما ظهرش!!!!!ء
مافيش إنتخابات و دي الكاميرا الخفية
المرشحين دول بيروشوا علينا علشان ما نزهقش علي ما يجي الحقيقي
الحقيقي مكسوف فا بيشجعوه علشان ما يخافش
هزء القاضي المحامي اللي خبط علي الباب,,,و الجلسات بقت سرية,,,طرد أهالي الشهداء,,,و منع لافتات أهالي الشهداء,,,,بس سمح بصور مبارك و الشعارات المؤيدة له و بالهتاف,وسمح ب"أبناء مبارك"بدون محددات للعدد,,سمح للألتراس بأي عدد و بالهتاف و الشعارات,,ولما كسروا القاعة ما عملهومش حاجة,,,و الرتب الكبيرة من الجيش و الشرطة في مدخل المحكمة يصافحون العصابة الكبيرة بإحترام شديد جداً جداً
بيستدرجوا الناس الوحشين و بيعملوا حركات كده و كده بس حايعقبوهم عقاب شديد
أصل ابناء مبارك أشرار قوي و الجيش و الشرطة مش عايزين مشاكل
سايبنهم يزودوا ذنوبهم علشان يروحوا النار
شباب 6 إبريل راحوا علي وزارة الدفاع بالسلاح و وقفوا طابور أمام محطة بنزين في السكة و لكن الناس الطيبة تصدت لهذه الوحوش البشرية ودغدغتهم و قتلت واحد منهم,,وبالرغم إنهم ماوصلوش لميدان العباسية,,إلا إن بنت منهم وصلت ووقفت أمام أفراد الجيش و نزلت فيهم سب دين و هم بيقولولها شكراً
البنت دي مخلوق فضائي ذو قوة خارقة
بتوع 6 إبريل عبارة عن مارينز متخفي و راحوا يقتحموا الوزارة بتاعة الجيش
لولا الأهالي لكانوا ضربوا الجيش و كسروا الوزارة علشان هم جامدين جداً
مسلسل الريان,جاب أخوه مدمن و مرات أخوه ست بايظة و الريان واللي معاه ناس عصابة كبيرة,,وفي نفس الوقت
جابت تمثيلية أخري,الفنانة صباح اللي خانت كل اللي تزوجت منهم ,واللي أخوها قتل أمها لسوء سلوكها و هرب علي البرازيل و كانت صباح بتزوره هناك,,,والبلاوي كتيرة و مع ذلك طلعوها ست طاهرة ولا رابعة العدوية
التلفزيون بيقرف من الدقون و اصحابها
التلفزيون ما أكلش من كشوف البركة بتاعة الريان
الشحرورة خيرها علي ناس كتير
مبروك مقدماً و تمنياتنا القلبية بالستر و التوفيق
ليست هناك تعليقات:
إرسال تعليق