الشيخ دلوقت في الإذاعة بيلعن سانسفيل أبو الوقفات علشان بيستغلها الناس الوحشة و يندسواو يعملوا مشاكل نفهم من كده التالي
أولاً:لو حد عاكس مراتك أو سرق فلوسك أو أذوا عيالك,بلاش تعترض علشان البلطجية مايستغلوش الأعتراض بتاعك و يكسروا الشارع
ثانياً:إرجع شغلك و إشتغل و إتفرج علي قيادات الشركة اللي هم فلول برضه أو غيره و هم بياخدوا أرباح الشركة مكافئات علي خدمات عملوها إنت مش عارفها و جوع إنت و عيالك و إبعت المدام و العيال يخدموا في بيوت أسيادنا و بلاش تعترض و تعمل وقفات علشان الشيخ مايزعلش منك(فهمنا إن الشيخ و ألإخوان و السلفيين بيلعبوا بحديث و يضعوه في غير محله,طب البابا إيه حجته؟)ء
طب ما الوزارة تعمل مسح و بحث واللي تلاقيه مسدد مصاريفه الأساسية-مدارس,علاج,سكن كهرباء,ماء..الخ,,,مش قسط المرسيدس ولا الشاليه طبعاً,,و مشترك في الوقفة تطلع عين ولدته,,,واللي مش مسدد و طالع عين ولدته ,تدفعله ولو عمل لامؤخذا وقفة تطلع عين خالته
المقطتف الثاني سؤال من بعض الشباب عن موضوع الجماعة بتوع توظيف الأموال و كويسين ولا وحشين؟؟
ياشباب,دول قعدوا في السوق فترة طويلة و عملوا بيزنس بمليارات كتيرة,و دفعوا أتاوات لناس كبيرة,,,,يعني لو وحشين,ليه سابوهم كل ده و شاركوهم كمان ولو كويسيين,ليه قفشوهم بطريقة دمرت حياة المودعين اللي وثقوا في الحكومة اللي سابت الناس دي تشتغل و تلم ودائع و شقي الناس
بإختصار,أنا ما عرفش كويسيين ولا وحشين,,بس أكيد الحكومة هي اللي مش كويسة في الحالتين
الأخير,,فاكرين الإعلان الدستوري؟؟؟؟
قلتوا نعم مش كدة؟؟؟؟
فاكرين نظرات النصر و الشماتة بتاعتكوا لما طلعت نعم هي البريمو؟؟؟
طب نعم الله عيكوا ياجماعة و يرحمكوا الله
رضا هلال
ليست هناك تعليقات:
إرسال تعليق