تخيل الموقف ده

تخيل ستين سنة كل حاجة ماشية بالعلاقات و الوسايط و الخواطر اللي بتوصل لحد ألأرتباط بالمصاهرة. تخيل إن مصر صاحبة الحضارة ألاف السنين تتحول من جواها لنظام قبلي مملوكي مُتخلف إنت جوه ألأتحاد ألأشتراكي ولا لأ؟,,إنت جوه مؤسسه أمنية أو عسكرية أو قضائية ولا لأ؟؟؟,,,إنت حزب وطني ولا لأ؟؟؟,,معاك ملاين ولا عبيد؟؟؟؟؟؟

تخيل إن الناس بتدخل عيل شرطة و عيل جيش و عيل نيابة علشان المصالح و العزوة, مش علشان أي حد فيهم فالح ف أي حاجة من دول ,لكن علشان يدخل قبيلة أو يوسع قبيلة أهله

تخيل إن إنقلاب يولية اللي الشعب حماه و رفعه لمرتبة أعلي و سماه ثورة و أدعي قادته إنهم بيشتغلوا من أجل الغلابة,هم و رجالتها بهدلوا الغلابة إعتقالات و تسلط من ألأتحاد ألأشتراكي و غيره من مراكز القوة و أصبح السكة الوحيدة للغلابة إما التحول الي بلطجية صبيان للبلطجية الكبار علشان يبقي ليهم هم كمان القبيلة و العزوة بتاعتهم

تخيل إنقلاب يولية بتاع الغلابة تحولت مصر في عهد لأكثر من 70%من زمامها لعشوائيات تح سيف الفقر و تحت الجزمة الميري و تدار من قبل البلطجية الميري و الملكي

تخيل لما النظام ده يتسبب في إن التهاون في الحقوق و القصاص أصبح سمة مشتركة بين فلول الحزب الوطني  بتراثه القذر و بين من يحملون رايات الدين مسلمين و مسيحين

تخيل إن الأزهر و الجماعات و الكنيسة في نفس الوقت يكفروا الثورة و  الثوار و بعد كده يدوا ضهرهم لشهدائهم

عارف ليه؟؟؟؟؟؟

علشان كل واحد و كل مجموعة ليها مصالح خاصة بالقبيلة اللي بتنتمي ليها و بتعمل خاطر للقتلة و اللصوص علشان المصالح المشتركة و علاقات النسب المتداخلة علي نطاق واسع و مترسخة من ستين سنة

أثسم بالله لا الصباحي ولا البرادعي و الأخوان ولا السلفين ولا الجيش اللي مناسب الشرطة و القضاء و رجال الأعمال ولا أي حد حياخد موقف رجولي ضد الفساد ولا مع القصاص و الحق

و إلا المصالح و البزنس و العلاقات و المصاهرات حتخبط ف بعضيها و دي مصالح متحافظ عليها بشكل وراثي و من سنين

المشكلة يعاني منها من ليس له قبيلة,,,لا هو سلطة ولا مناسب سلطة و المال برضه سلطة و علاقات ,,و اللي مالوش قبيلة عيشته بقت نيلة في الستين سنة السودة الماضية

المشكلة إن القبائل دي كلها عاشت علي قفا اللي مالوهش قبيلة

مص دم,,رفع أسعار أي حاجة كهربا و غيره و توزيع الأرباح علي بعض,,,أكل بملاليم بايظ يتباعلوه بجنيهات و يمرض و يتباعلوه أدوية بايظة برضه و اللي معوش مايلزموش

وسايط  تاخد الشغل منه و من عياله,,إضطهاد أمني و قطع عيش سفالة و قلة أدب و يطلعوا عليه النقص اللي عندهم

عايشبن من خير اللي ماعندوش قبيلة و بيتكبروا عليه و يبصوله علي إنه عالة و مالوش لازمة مع إن لو كله عند قبيلة كان كله مات من الجوع,,,ماهو لازم لما يبقي فيه قبائل ,لازم يلاقوا حد يسطوا عليه

نظام من أسوء مايمكن ,,نظام مصالح و إرتباطات لم ينجوا منه حتي اصحاب التيارات الدينية,,,,الناس دي هي و الناس اللي في الناحية التانية بيتكلموا كتير لكن ساعة الجد ماحدش حيعمل حاجة

ليه؟؟؟؟؟؟؟؟؟؟

لأن أي حركة حيخبط في مصالح الطرف التاني و التالت و هم كمان حيخبطوا فيه

مشكلة كبيرة و حلها صعب جداً,لكن ممكن و محتاجة كفاح طويل مننا,,أقصدي اللي مالهومش قبيلة,,,و ربنا المعين

رضا هلال